((第一回))
-------學校門口*
我:好勁牙你..會去幾耐架?
家杰：去果度受訓要3年..如果想打比賽就要繼續訓練
我:{失望}咁咪姐系以後都唔返黎
家杰:而家我又未答應佢地要去..仲可以考慮下
我:唔好考慮咁多喇..咁難得佢地睇中你喎..唔去真系哂哂
家杰:你..真系咁想我去咩?
{我..唔知點答佢..又唔想誤佢大好前途..但更加唔想同佢分開..我..應該點揀?我知道佢既性格..只要我話我唔想佢去..佢就一定唔會去架喇..但全香港籃球精英裡面只系揀佢一個..仲要系去美國有名既體育學校受訓..証明佢真系好掂喇..有咁好既前途..我唔應該咁自私叫佢留起自己身邊架!`}
我:你去喇..我真心想你去架..你唔系好鐘意打籃球架咩?唔可以放棄你既夢想架..你話過你想做全世界最威既籃球員..呢個就系實現你夢想既大好機會牙..點可以放棄架?
家杰:好..咁我就答應佢地去受訓
{起佢地講既野既時候..樓上5樓form3B班房既窗前..有個人品唔太好..但心地都唔太差既冷酷男子坐起度望住晴晴同家杰!已經唔系第一次喇..佢每日放學都會坐起呢度望住佢地..但實際上..佢留意既唔系佢地兩個既關係..佢留意既只系晴晴既一舉一動!由form1佢入黎呢間學校開始..佢就一直留意住晴晴..一向當女仔透明既佢..會去留意一個女仔..呢個行為實在太古怪喇!`}

第二回
----------飯堂*
女a:{拍女b}睇下..prince剪左頭髮牙
女b:系喎..真系好靚仔牙
女a:型左好多tim..真系幾時都咁型
{D女仔一見到prince既新髮型..口水都就黎流出黎..梗系喇..prince靚仔牙嘛..雖然只系15歲..但個樣好成熟..睇落有17,18歲咁大喇..無論系D form1定系form7既..都比佢既外貌吸引!系就系有唔少女仔溝佢既..但prince望都唔望佢地一眼..因為都話左佢當女仔透明架囉!成日留意晴晴果個咪就系prince囉!`}
彬:prince..今晚8點..記住喇
prince:好長氣牙..提左好多次喇
彬:驚你唔記得牙嘛
prince:只系去食餐飯姐..洗乜咁緊張
彬:你唔好睇少呢餐飯牙..你唔記得去..我比人砍左都似牙
{大家唔好諗埋一邊..佢地並唔系要去開片又或參加黑社會聚會..只系出街同佢地老爸過生日姐!prince同彬系兩兄弟黎架..prince系牙哥..彬系細佬..雖然系孖生兄弟..但因為基因唔同..兩兄弟都唔同樣架..style都好唔同..唔好以為佢兩個唔似樣彬就唔靚仔喎..佢都好靚仔架..不過因為似女仔..睇落去系勁可愛囉..就冇牙哥咁型喇!`}
prince:老豆咁錫你..實唔會砍你
彬:其實你肯同佢關係好D..就唔會搞到成日面阻阻喇
prince:又唔系我想既..系佢死硬頸..唔鐘意我做D野咋嘛
彬:老豆始終系上一代既人..梗系接受唔到我地D後生做既野架
prince:佢既然接受唔到..我都無謂勉強佢..大家有大家生活..互不相干
彬:住埋一齊..你又成日唔返屋企食飯..聲又唔出句..搞到面阻阻幾無謂呢
prince:唔好懶叻喇你..食完就上返去..比D女仔望住..周身唔舒服

第三回
{今日放學果陣..我去左form3B班房想搵返我個銀包..因為英文堂系流動課堂..所以我地form4會分成細組..會借用到其他班既課室..我諗我應該系上英文堂留低左起度}
我:唔好意思..
{我系坐起靠窗最角落果個位..成個課室只系得返一個男仔起度..咁岩佢就系坐起靠窗角落果個位..我諗佢一定見過我個銀包架!佢聽到我講唔好意思..就轉個頭過黎望住我!`}
我:唔好意思..你有冇見過我個銀包牙?agnes b,,米色架..有冇見過牙?
男:冇
我:你可唔可以幫我搵下牙..我英文堂系坐你而家呢個位架..應該起度架喎
男:冇
我:咁算喇..唔該
{個男仔咁奇怪..我咁有禮貌問佢..佢竟然咁冷淡敷衍我..唉..點算牙..銀包牙..你究竟起邊度牙?諗諗下..不如我自己入去班房搵下咪得囉!點知..再去返form3B班房既時候..我竟然見到我個銀包..起頭先果個男仔手上!`}
我:{衝入班房*勁火}喂..又話冇見過我個銀包..咁你手上面既系咩黎架?
男:{冷笑左一下}乜系你架?又冇寫住你個名
我:裡面張身份証有寫
男:{打開銀包*冇身份証}身份証?起邊牙?
我:我明明將張身份証放起銀包架..點會唔見架?
男:咁姐系証明唔到系你架喇
我:裡面仲有我好多相
男:系同一個男仔既合照..唔姐系有一半機會唔系你架喇
我:你好喇喎..我話左系我就系我架喇
{我諗住搶返個銀包..點知佢勁快手將個銀包拎開`}
我:你唔好咁過份喎..比返我
{點知佢將我推埋牆..跟住...........`}

第四回
{跟住佢咀左過黎..我個心跳得勁快..好想推開佢..但唔夠力..最後用盡我九牛二虎之力..將佢推開左`}
我:[勁火爆]你算點牙?唔比返個銀包我不特只..仲....
男:真系鄧籃球隊隊長可憐..有個咁殘雞既女仔起佢身邊..佢唔覺得煩架咩?
{佢..系講緊..家杰?}
我:你話邊個殘雞話?{就黎想一拳打落佢到}
男:林晴晴..16歲..讀form4A..最鐘意既顏色系紅色..興趣系唱歌同打排球..最鐘意既人系本校籃球隊隊長李家杰!屋企有四個人..哥哥讀form5A..姐系同李家杰一班..兩個勁fd..中三果陣你哥哥將李家杰介紹比你識..自此你同佢就出雙入對..仲暗戀埋佢!李家杰..17歲..讀form5A..本校籃球隊隊長..有姿勢又有實際..英俊加上型..比賽場上既英姿迷到唔少少女!
我:{驚訝}你..點會知咁多野?
男:呢樣野你唔需要知
我:你究竟系邊個?
男:咁你聽清楚喇!我叫王梓俊..姐系吸引到萬千少女既prince..王子!今年15歲..讀form3B..由form1就一直留意住你!
我:留意我?我唔理你點解要留意我..總知我淨系想拎返我個銀包
prince:只要你以後都唔同李家杰一齊..我自然會比返你
我:你痴線架!{走出課室}
{拎唔返個銀包就算喇..都系走為上將..呢個人都痴線架`}

第五回
{為左拎返個銀包而搞左咁耐..6點幾喇已經..諗住搭巴士返屋企果陣..發現..我冇錢搭車返屋企}
我:點算好牙而家?叫我點返去牙?
{突然有架電單車起我前面停低左..系prince..佢遞個頭盔比我}
prince:上車喇
我:唔上
prince:你唔系諗住行返屋企牙嘛?呢度系灣仔..行去銅鑼灣..真系死左都冇人知
我:我自己會諗辦法
prince:算喇..當我可憐你..{起我個銀包度拎左4蚊出黎拋比我}搭巴士返去都系3.8..4蛟有突喇!唉..我咁岩又系住起銅鑼灣..有順風車都唔搭..系咁先喇!{就咁就走左}
我:正衰人黎架{之後就搭巴士返屋企喇}
{講返prince走左之後呢..就去左間餐廳同佢老爸過生日!`}
彬:{細聲同prince講}你唔好再遲D
prince:{又細聲同彬講}我而家咪黎左囉
老豆:{有小小嬲}哼..仲以為你唔會黎tim
prince:你大日子..我唔黎唔驚比你砍咩?
老豆:乜你都知驚架咩?我以後你膽大包天..乜都唔驚架tim
老媽:唔好吵喇..開心既日子就開心D喇..叫野食喇
{prince老媽一聽到佢地兩父子鬧交就驚..手心又系肉..手背又系肉..兩個嘈起上黎都唔知幫邊個好!完左dinner就返屋企喇..prince坐自己電單車走..淨低彬佢地三個就搭的士返屋企`}

第六回
---------第二日*
{返學果陣又撞到家杰..因為佢住起我對面街果幢..所以我成日都會撞到佢`}
我:早晨
家杰:早晨..系喇..今日我地會打friendly..你黎唔黎睇牙?
我:琴晚哥哥已經同我提過喇..我會去打氣架
家杰:咁就好喇..咁一陣放學你黎籃球場搵我地喇
我:好牙
{傾傾傾..搭搭下車就返到學校喇..我同家杰既課堂唔同樓層既..所以大家就分開左行!諗住返入課室果陣..起走廊又見到prince!佢拎住我個銀包起度養黎養去..我行過去一手搶返個銀包`}
prince:比返個銀包你..一句唔該都冇
我:唔該喎
prince:聽講你放學會去幫籃球隊打氣喎
我:關你乜事
{呢個人系咪傻架..乜都知既?`}
prince:既然我比返個銀包你..你就陪我去街喇
我:痴線{諗住走..點知比佢欄住}
prince:你知唔知呢間學校裡面..只要我約女仔去街..冇人會推我架
{其實佢未試過約女仔去街..但佢一開口..估都估到D女仔會應承喇`}
我:我理得佢地咁多..我又唔系佢地..我系唔會同你去街架
prince:{惡魔既神情}如果我要令到李家杰受傷出唔到賽呢?
我:{開始驚}你.........{放鬆}好..我同你出街..幾時?
Prince:今日放學之後
我:唔得..改期牙
prince:期就冇得改..改下你個時間表喇
我:你好過份
prince:咁你等住陪李家杰入院喇
我:得得得..我同你去街
{真系激死我喇..咁岩打鐘..我先可以唔洗再對住佢咋`}
{lunch果陣..諗住搵埋家杰一齊食..見到佢行緊過黎我度...但最弊既系...`}

好睇呀><

第七回
{但最弊既系我見到prince就起我們行緊呢走廊既中間..因為我起走廊尾..家杰起走廊頭..而且prince又拎住左支木棍..唔通佢想整傷家杰?我明明應承過佢同佢去街..佢點可以咁做架?!我即刻跑過去家杰度`}
我:家杰..你不如起飯堂等我牙..我好快就會黎架喇
家杰:咁好喇..你快D喎{之後就轉身去飯堂喇}
{我就走埋去prince度..將佢拉入女廁..因為好多傳聞話呢層既廁所有\果D野\..所以根本就唔會有人會去呢個廁所`}
我：喂..我咪應承左同你出街囉..你仲乜仲要傷害家杰牙?
Prince:你邊隻眼見到我傷佢牙?
我:咁..你拎住枝木棍牙嘛
prince:{大笑}哈哈哈..小姐..我拎住枝木棍姐..你就以為我去殺人牙?
我:{覺得好懦}咁..你拎住枝木棍..做乜?
Prince:隨手執起玩下姐
我:{放鬆哂}嚇得我..我仲以為...
prince:放心..我唔系D咁唔講信用既人..你應承得我出街既..我就唔會搞佢
我:你系先好講..唔好下爬輕輕
prince:唔好下爬輕輕果個系你至真..放學我起校門等你..記住喇
{之後我地就出返去..我即刻去左搵家杰`}
家杰:做咩咁耐既?
我:{唔想比佢知道..亂咁up野}冇..我聽到D音樂..咪停低聽左陣囉
{真系發覺自己作D大話九唔搭八`}
我:系牙..唔記得同你講..我去唔到睇你場籃球比賽牙..唔好意思牙
家杰:算喇..你有野忙就忙喇..其實我唔好意思就真..成日都麻煩你
我:邊系呢!?我成日比麻煩你就真喇
{真系越黎越覺得我地好似傾到冇野好傾..連呢D麻煩唔麻煩都你推我讓..真系麻煩..不過同家杰傾計..我都會覺得好舒服..而且我好鐘意`}

第八回
----------放學*
{我一放學就即刻去校門搵prince..費時比家杰同哥哥知道!`}
prince:咁耐架
我:我已經一放就落黎喇..仲怪我
prince:仲以為你咁狠心比你既家杰任我傷害tim
我:我會唔會咁蠢牙?就系知你咩都做得出
prince:知道就最好喇
我:去邊架?行喇
prince:去醫肚先
我:行喇咁
{我地去左間茶餐廳`}
伙記:食咩牙?
Prince:雲吞麵..喂..你要咩?
我:凍奶茶
{冇耐..雲吞麵同凍奶茶都黎到喇..prince食食下佢電話響`}
prince:喂
彬:哥..諾熙入左醫院牙
prince:下?點解牙?
彬:上次果班人找佢悔氣囉..佢地搵人打諾熙
prince:叫左佢唔好惹佢地架喇..邊間醫院牙?
彬:鄧肇堅牙
prince:我而家黎喇..系咁{收左線}
prince:{對我講}走喇
{prince已經娜娜臨比錢..我即刻跟住佢`}
我:去邊牙?咁急
prince:我個兄弟入左廠牙..而家去探佢
我:我都要跟埋去牙?
Prince:緊系喇..你今日要陪我架嘛
我:但我都唔識你果D兄弟
prince:是但喇{然後就捉住我隻手勁快咁行去醫院喇}