多謝你呀!!<繼上次既鬧人篇，後既感謝篇
多謝呀，你真係好好人吖!
每一次，我唔開心你會令我去笑。
係你，令我活躍、健談成個人開朗晒。
你會為我抱不平，關心我。
記得o個次嗎?我冇得再做班長，你唔想傷我，所以唔講我知。
雖然我唔當係咩事，因為班長我唔係被革職，但係你表現出無限既關心。
我激嬲你，你只會嬲一陣。
你激嬲我，係冇可能既事。
你記得o個次嗎?我幫你追男仔。
但係你地都好怕醜，用群眾壓力迫佢講「我愛你」好似幫唔到你呀可?
我可以做既，只係默默咁守護你；遠遠咁望住你地，唔做電燈膽。
你知道嗎?佢要轉校啦，o個日係你地見既最後一日。
我o個日搵d野扮嬲，唔理你。係唔想令你地少左d一齊既機會。
o個日我同你傾電話，你冇喊，但係你表現出黎既係一絲絲既痛苦。知唔知，我想你喊出黎多d。
你純潔到似天使，而且陽光氣息比起太陽仲要強烈。
你係真正既朋友，識到你絕對係我3生修來既福氣。
就黎會升中學啦，我地要各散東西啦!
或者我地會永遠記得對方，都有可能會忘記對方。
可能係幾年之後，我地係漫話鋪見番面，已經唔知可以講咩啦。
但係每次回想起我地既點點滴滴，我真係好感謝你。
係你令我長大，係你令我知道咩先係真正既—「友誼」!!
[ 本帖最後由 kewpie 於 2007-3-26 06:56 PM 編輯 ]
