文章
曾幾何時...有人問我...
"第日大個想做乜呀?"
"做醫生丫~賺到錢呀~"
"律師都得ga wo~"
一大堆"賺到錢"ge職業由親戚ge口中湧埋黎...
但係又可曾有人關心過我ge諗法...
今日...呢個十三歲ge黃毛小子...
諗法從來冇改變過...
呢個志願, 呢個諗法...
由呢個人入讀小學ge第一日開始就存在...
到今日...我仍然非常非常自豪咁同我ge親戚, 同我ge父母講...
"我想成為一個教師"
呢個答案無異係會令到呢班親戚感到無奈...
但係我對我ge志願感到莫名ge驕傲...
記得有次...外婆問我...
點解你到而加都仲可以咁自豪咁話比人知你想做老師...
醫生, 律師 唔係更加好咩~?又有錢又有地位~
我答佢:
"冇錯~醫生律師係搵到好多錢...
但係如果凈係為錢而做醫生/律師...
就已經失卻左做醫生同律師應有ge 使命感...
更重要ge係...我對法律同醫學都冇興趣...
就算我勉強自己去讀, 都唔會成功..."
今日...我更加肯定我希望成為一個老師...
每日踏入校園...
上每一節課...
有幾多個老師唔係為左學生而耗盡精神 唇舌
有幾多個老師唔係為左學生而耗盡心血 時間
到左呢一刻我都仲未搵到...
更何況
有邊個知識份子唔係由老師教導出黎
有邊個醫生律師唔係由老師教導出黎!?
最重要ge係...
我認為做一個教師ge成就感會比做一個醫生/律師更大!
試諗下...
做左幾年老師...
桃李滿門...一大班學生感謝自己教導佢...
係幾咁自豪ge一刻...
我係貪婪...
係絕對唔係貪錢...
係貪一份將一個無惡不作ge學生教好
將一個唔明白書本上寫乜ge學生教識
ge呢一份成就感...!
呢個就係我希望成為一個教師ge理由...
某某作的文章...
