查看完整版本: 金毛古惑仔愛上純情女生

金毛古惑仔愛上純情女生

人物介紹:

小悅 - 一個幾可愛幾聰明既女仔....佢一直暗戀之秋師兄...又對洪一立有少少感覺...

阿妮 - 小悅既好朋友..亦係同班同學

洪一立 - 金毛仔一個...但係直頭佢遇到小悅

之秋師兄 - 有鋼琴王子之稱...佢都中意小悅....

--------------係街上--------------

阿妮: 喂...小悅..你睇下...今期 "YEAH"雜誌係棍棍堂做封面呀~~嗱嗱聲買番本先!!!!

小悅: 咦?係喎......不過我都唔中意佢地...我始終都係中意我心愛既何君祥~~真係諗起都流口水~~~祥祥~~~

阿妮: 好心你咪鬼咁核突啦!!至鬼憎你咁叫佢個名...難聽到死!!!都唔明你中意唔中意....中意埋呢條老套怪!!!!!

阿妮係我同班同學...又係我識左成十年既好朋友..因為我地由幼稚園開始就係同學...

小悅: 咩喎!!!!我話你個隊棍棍堂先老套呀!!!嗱嗱...你唔好再踩我個祥祥呀~~老友都冇面比~~~~!!!!!

阿妮: 好啦好啦~~講下笑姐!!!哈哈哈......

我地雖然偶然為左大家捧既偶像而拗餐死...但始終都唔會傷感情....我諗我同阿妮既感情分分鐘仲好過親生姐妹.....

我地平時一得閒就一齊行街...買漫畫...昅仔.....不過真係只係昅炸!!!我從來冇咩期望 (雖然我都睇好多少女漫畫.....) 因為我自己知自己事....自己個貓樣.....近視眼鏡...兩條孖辮....勁娘既衣著...

不過雖然話冇期望...但我都依然有幻想嫁..(期望同幻想係兩回事黎既...我覺得) 幻想有朝一日..我既白馬王子會突然間出現...將我係壞人手上救番出黎...再將我擁抱入懷黎個情深凝望...然後問我""你冇野丫ma??""

小悅: 祥祥...嘻嘻~~~

阿妮: 哎呀~~你個衰樣好噁心呀~~你睇你咀角D口水幾乎滴出黎咁滯啦!!肯定又係度唔知諗埋D咩衰野啦!!!

小悅: 咩姐??你上次睇完本18限定同人誌..夠幻想同棍棍堂六條仔玩7P啦!!你仲話要同一時間用盡全身所有器官去滿足晒佢地既需求tim....

阿妮: 嘩嘩嘩~~你死嫁!?咁大聲做咩??D人望住晒我啦!!

小悅: 哈哈哈哈~~~

正當我同阿妮傾得好開心既時候..前面突然傳黎一陣嘈吵聲....

阿妮: 咦??做咩事呀?? {{好奇中}}

小悅: 打~~交 ~~呀!!!!!!

嘩!? 發生咩事呀??前面橫街突然閃出一大班人..好多都染晒金毛...立晒架生...係度大打出手...唔係喎!!!好似係好多人圍住一個黎打喎....嘩!!!個度大大話話都成6..7個人...比佢地圍住個個人咪死硬!?

阿妮: 喂喂!! 小悅..你仲掛住望...過緊黎呀佢地.....走啦~~

[color=lightblue]小悅: 下!?

我望到呆左..一時之間反應唔黎..說時遲那時快..比人圍個男仔真係跑緊過黎我度...佢掛住望後面..好似睇唔到我企係度..成份撞埋黎....

小悅: 哎呀~~

好痛呀!!!我比佢撞到眼前一黑..眼鏡都跌埋..頭暈暈連方向都搞唔清楚..迷迷糊糊之間..我感覺到自己好似挨左係一個強勁既臂彎度...面前仲有一個黑影用一把好溫柔既聲線係度問我""你有冇野丫?!""

小悅: 我冇野丫!!! 祥祥~~嘻嘻.....

金毛仔: 你冇野下話....醜八怪!!

一把好似行雷咁大既聲...突然將我硬生生扯番黎現實...呢個時候我開始清醒番少少....我執番起副眼鏡黎帶....見到有一個頭髮啡中帶金...個樣生得好俊美既男仔....似十足少女漫畫入面既角色...但呢個美少年個樣好惡死下喎 .....因為佢係度怒啤緊我...

金毛仔: 你冇野呀!? 條街咁大你偏偏企係路中心...見到我跑緊過黎你都曉避下話....你係唔係白痴既醜八怪!?

醜....八.....怪!?

喂喂!!好似係你發雞盲咁撞埋黎炸喎....我都只不過係反應慢左少少姐...使唔使咁出口傷人呀!!!(雖然我都知道自己醜樣....)真係估唔到你好眉好貌...把口咁臭!!

當然...以上既對白只係我既心聲...眼前呢位仁兄一頭金毛...一臉惡心...俾著你...你夠唔夠膽咁鬧番佢先!?

個班人: 佢係個度....郁佢~~~!!!!

嘩~個班金毛飛追到黎啦~救命呀!!!唔關我事嫁!!!我路過嫁炸...我唔識佢嫁...我仲要留番條命去祥祥簽唱會嫁!!下個月就係啦!!!

我都未驚得切..個金毛仔就同個班金毛飛打起上黎!!我第一次咁近距離睇人打交嫁!!!雖然班金毛飛有晒架生....而且人多勢眾..但金毛仔好似都打得下...竟然仲招架得住...

我望一望金毛仔個樣...佢既眼神變得好恐怖...好似野獸一樣....

阿妮: 小悅你仲睇!? 快D走啦~~

我望到入晒神之際...阿妮突然捉走我...我地漸行漸遠...但我忍唔住轉頭望多一眼....

唔知個個金毛仔會唔會有事呢.....[/color]

阿妮: 小悅..你冇咩事丫ma....有冇嚇親呀??

今日我一入課室...阿妮就走過黎慰問我...

小悅: 我冇事呀.....

阿妮: 琴日真係好恐怖呀~~好似睇緊江湖片咁.....

小悅: 係啦......唔知個個金毛仔點呢??比咁多人圍....

阿妮: 唏!!!佢呢D肯定係古惑仔黎啦....就算今次唔死得....遲早都一次嫁啦!!!最憎呢D人渣....最好全部死清光....

小悅: 咁你又唔好咁講.....

Miss Chan: G00d m0rning class~~

全班同學: G00d m0rning Miss Chan~~

嘩!!Miss突然走入黎既??佢身後面仲跟住一個男仔....咦??佢咪係......

Miss Chan: 各位同學...我地由今日開始會多一個插班生-----洪一立...你就坐係小悅隔離啦....

佢行到埋黎...見到我....大家都愕一愕然......

洪一立: 醜八怪!?

小悅: 金毛仔!?

[color=royalblue]阿妮: 喂..小悅呀!!點解坐你隔離個個金毛仔坐到咁衰相...Miss都唔理嫁!?

小悅: 我點知姐!?唔通Miss都知佢係古惑仔!?你睇佢個頭髮又金又啡...學校點解都肯收佢嫁!?

我同阿妮係咁傳紙仔...主要話題都係我隔離呢個金毛仔...佢大字型咁攤開晒D手腳黎坐...仲起勢咁o趙香口膠...比著平時出左名惡死既Miss Chan...肯定已經鬧到佢狗血淋頭....兼夾趕埋佢出門口罰企啦!!!但依家佢唔鬧不特只 ....仲好似扮睇唔到咁....唔通佢有咩痛腳比金毛仔揸住?!

阿妮: 你估Miss Chan會唔會爭佢D貴利數未還清丫嗱?所以先至唔敢對佢點......

小悅: 都有可能喎...話唔定佢入黎呢度讀就係為左追數....佢係收數佬派黎既卧底.....

阿妮: 似啦似啦......

Miss Chan: 小悅....阿妮.....你兩個係度傳緊咩哇??攞出黎比我....

Miss Chan攞左我地張紙仔..一路睇...我見佢D青筋一路現出黎......

Miss Chan: 你!!你兩個!!同我出去門口企!!!!

原來Miss Chan冇事呀!!!! 佢同平時一樣......

但佢同平時冇唔同....就更加顯得佢對金毛仔既態度反常......

正當我係度諗緊呢件事既時候....突然見到一個既熟悉..又有型既身影慢慢係樓梯度行落黎....

小悅: 之秋師兄~~~~~~!?

啊~~~~~我既之秋師兄~~~~點解你永遠都係咁玉樹林風...風度翩翩既??

之秋師兄: 小悅??

之秋師兄見到我....笑笑口咁話.....

之秋師兄: 你又比人罰企??上堂要留心至得嫁...唔好掛住發夢呀~~~

小悅: 哦....係.....我知道啦師兄~~~~

啊~~我死得啦~~~~點解佢連對眼都識笑既??點解要將一個只可以屬於二次元平面既花樣少年,,放係三次元既現實世界入面!? 你咁樣即係要搞到我地呢D青春少女晚晚囉囉攣既姐~~~[/color]

阿妮: 喂~~走左啦!!發夠夢未呀!?

小悅: 下下......係咩係咩?!

阿妮: 好心你咪鬼次次都咁明顯啦!!!好似發晒姣咁...人地見到你都嚇走啦!!!!

小悅: 傻既....我既之秋師兄都唔係D咁既人!!!佢對我都唔知幾好....次次見到我都會對我笑嫁!!

阿妮: 衰在佢好似對個個都咁好呢......佢對個個都咁好...即係表示冇對你特別好囉!!!!

小悅: 你洗唔洗講得咁狠呀!!!我自己知自己事...我咁既款....所以我從來冇奢望可以同佢點...但求佢見到我肯同我打聲招呼...笑一下...我就已經好滿足啦~~

阿妮: 愛情係盲目既...又一例證....我都唔明你點解咁中意個個之秋.....

小悅: 所以話你唔識欣賞好野啦~~之系師兄出左名係我地櫻花學院既""鋼琴王子""黎嫁啦~聽講佢三歲就開始學琴...之後參加過無數公開賽...幾乎次次都係攞冠軍嫁...我地校長直頭當佢係寶黎嫁....

阿妮: s0rry囉!!! 我對呢D玩古典音樂既男仔冇興趣....睇佢白白淨淨...文文弱弱咁...肯定跑多步都嗌攰個隻.....反而呢...我對新黎個個洪一立仲有D興趣...

小悅: 下!? 你唔係下話!? 金毛仔!?

阿妮: 佢幾好丫....黑黑實實....充滿原始味道...撇開佢一頭金毛同D態度...佢個樣其實都幾""俏""嫁!!!

小悅: 咩""俏""呀??

阿妮: 俊俏個""俏""呀!!!咁都唔知....唔通你唔覺得咩??

聽阿妮咁講...再諗下金毛仔個樣..佢個又真係幾得既....可惜D行為同態度惡劣!!把口仲超臭...呢D咁既人...就算再令仔都冇用...點都唔及我既之秋師兄半成啦!!!!

終於都捱到放學...但唔明點解臨走都要比阿Sir老點幫佢攞番D野番去教員室...唔通我個樣真係咁好恰......

死人石Sir...次次都係搵我笨...又唔見佢叫下班花祖蓮幫佢拎野...對住佢笑笑口...對住我就呼天大叫....正一死淫棍...斯文敗類...人面獸心...衣冠禽獸....

校長: 係係係....我當然明白啦!!!! 請你番去同洪生講聲放心..我地既老師一定會好好咁教洪少爺既!!!!

咦?? 我行過校長室...竟然聽到校長同人講野咁有禮貌...到底佢同邊個講緊野??

電話入面既人: 既然梁校長咁樣保證...我一定會番去同老爺講叫佢放心.....希望你明白...我地少爺呢次已經係兩年既第六次轉校...如果今次係呢度佢都讀唔到落去...我地老爺恐怕再冇學校肯收佢...到時要逼佢去外國留學....呢樣野老爺係好唔想既...

校長: 我明我明....洪少爺係佢既獨生子....洪生梗係想留佢係身邊啦!!!請嚴管家放心...我地一定會睇實洪少爺既!!!只不過關於個五百萬捐獻方面......

嚴管家: 梁校長放心...我地老爺言出必行....

校長: 呵呵呵~~咁實在太好啦!!!! 我代表全校師生多謝洪生對我地學校既支持....我依家正式歡迎洪少爺...呀唔係...係洪一立同學入讀我地學校....

下???? 原來金毛仔係有錢仔黎嫁!? 但呢個都未係重點...重點係...佢老豆要捐幾百萬比學校....學校先肯收佢???到底佢係之前讀過個幾間學校...做過D咩黎呀!?

阿妮: 下? 你有冇聽錯呀?? 個個洪一立係有錢仔!?

小悅: 真嫁~~我親耳聽到嫁!!!!我仲見到個校長個樣鬼咁好咁同個個阿叔講野...好似佢係佢米飯班主咁......

阿妮: 唔怪得佢惡劣既態度中....隱隱潛藏住一份高傲啦~~~~原來你有錢人既氣質!!!!唔唔......

小悅: 喂喂~~我淨係話你知嫁炸!!!! 你咪四圍亂講呀!!!!

阿妮: 得啦!! 你都知我口密嫁啦!!!

結果我信錯左朋友...因為幾日之間...幾乎所有人都係度討論緊呢件事......

A同學: 真係睇唔出佢係有錢仔喎!!!!

B同學: 係啦~成個爛仔咁....唔知以為佢係古惑仔....

A同學: 喂!!!佢老豆算唔算行賄呀??

C同學: 你估之前係第間學校犯過咩校規丫嗱??

Lunch後一番到課室....我就見到個個同學都七嘴八舌咁討論緊呢件事...阿妮佢真係......點解我識左佢咁耐都仲會信佢嫁!!!!!

正當大家講到興起既時候......上晝走堂冇番既金毛仔突然企係門口...本來吵吵鬧鬧既課室霋時間靜晒!!!阿金毛仔佢用一種好凌厲既眼神啤左全班同學一眼....跟住先行入黎.....

D同學: 車~有錢仔又點姐??好巴閉咩!?咪又係靠老豆!!!!

嘩嘩嘩~~~~班入面個幾個不良學生搞咩呀!?無啦啦講D咁既野...分明撩交打姐!!!!

果然金毛仔一聽到佢地咁講...即刻露出兇惡光...青筋都現晒!!!!佢仲要岩岩企係我隔離喎!!!!

A同學: 講咩唔好呀!? 你咪以為有錢就大晒呀!!校長阿Sir驚左你..我地唔驚你嫁!!!

B同學: 係啦!!!咁大個人仲要靠老豆幫你搵學校...知唔知醜嫁??咁有吉士既就唔好讀囉!!!!死都要走入黎...正死狗....

話口未完....金毛仔一手攞起我個鐵筆盒...一野飛去個班同學度..佢地擋切中到正...D文具就秩到一地都係 ....

我個筆盒呀~~冇啦!!!係我好中意既""流星學園""漫畫版限定筆盒黎嫁!!!!我託左好多人先買到嫁....嗚嗚嗚....T^T

係喎~依家好似唔係""傷感""既時候...比人飛左野個班同學其中一個即刻好似發左癲咁衝過黎...金毛仔仲癲...直頭踩住我張凳係我個頭上跨左過去...

救命呀!!!! 兩隻野獸要係班房廝殺呀~~~有冇人可以阻止呀!?

阿Sir: 喂喂~~~ 你地係度做咩!? 作反呀!?

好在呢個時候阿Sir岩岩出現...仲即刻上前制止左佢地...佢兩個其實已經互相扯住對方既衫...差少少就要大打出手...真係好險..

一放學,,,我就標到咁走...因為最新一期既""流星學園""今日出版...我叫漫畫店留左比我...

行到冇幾遠...忽然有幾個著住我地校服...但個樣兇神惡煞咁既人係我身邊行過,,,嘩~~佢地個款咁兇狠...我梗係唔敢望佢地啦.....

A同學: 因間你地捉住佢...留番隻腳比我...我要親手打斷佢.....

咦!? 頭先講野個個人把聲......咁似頭先個個想同金毛仔開打個個人既.....

佢想打斷邊個隻腳咁大仇口!?今日係學校佢同金毛仔起過衝突....唔通......!!!

唏~~冇野既...金毛仔神高神大又打得....佢上次比幾個人圍住打都冇事啦!!!! 唔洗擔心喎!!!!

唔係喎!!!! 今次佢地係有晒準備....仲攞晒架生...因間如果真係打到金毛仔跛左...咁我咪即係見死不救......

唔係啦~~都係跟埋去睇下咩環境先啦!!!!!

我一路遠遠咁吊住班不良學生尾...冇幾耐..果然見到金毛仔就係前面....佢好似一D都唔發覺後面有班人想對佢不利!!!! 其中兩個不良學生不動聲息咁攞起枝球棒走上前....想一棍扑落金毛仔度......

小悅: 小心呀~~~~~~~~~~~~~~~~~~~~!!!!!!!!!!!!!!

我唔知點解突然咁勇....大聲嗌左出黎,,,,金毛仔聽到我大嗌...即刻擰轉頭....岩岩好避開左個一棍....

A同學: 死o靚妹....咁x多事做咩!? 連你都打埋!!!

喂喂.......你地唔係真係連女仔都打下話.....我都未有機會諗....其中一個不良學生就攞住枝棍向我襲擊...我嚇到腳都軟...只係意識咁一縮...佢枝棍打我唔正....但係都擦過左我魂精....

雖然淨係比枝棍擦過....但都痛到我飛起,,,,我一摸.....血呀!!!!!!我覺得有少少暈.....呢個時候佢第二棍又打過黎...

我...係咪要死係呢度??? 我仲未睇最新一期""流星學園""嫁!!!我唔想死住....


我比個不良學生枝棍擦中魂精..痛到我飛起..我仲摸到流緊血!!!!

我最怕見到血嫁啦!!! 仲要係我自己流既tim!!即時覺得有少少頭暈同腳軟...迷迷糊糊之間...我見到有人想一枝棍扑落黎...嘩~!!咁大枝棍扑落黎..我仲有得剩既!? 不過我已冇能力避開啦.......

呢個時候...我感覺到有人衝過黎係我面前擋左一棍...我仲好似見到佢一野踢走個臭飛....然後好緊張咁問我....

金毛仔: 喂!!!! 醜八怪!!!你冇事丫!?

小悅: 我...冇野....

我講完呢句說話....就眼前一黑.....失去左知覺.....


唔知過左幾耐....我感覺到好似有D光線射入我眼入面...我慢慢睜開雙眼...

小悅: 咁快天光既......

嚴管家: 啊!? 悅小姐....你終於醒啦!?

咦咦~~~?點解會有把咁陌生既男人聲既??呢個時候我先發現自己原來訓係張床度...而個D光線原來唔係陽光...係天花板上面既水晶吊燈既光黎嫁......

小悅: 你係......

嚴管家: 你好呀悅小姐....你唔洗擔心..我係呢度既管家...我姓嚴...你可以叫我嚴管家...或者嚴叔...呢度係少爺間房黎嫁....

我望一望講野個個男人...咦???佢咪上次係校長室出現個個成個管家咁既阿叔....當時校長仲對佢鬼死咁好...因為佢個主人捐左一大筆錢比我地學校先肯收佢少爺入黎讀....

小悅: 請問......你地少爺係......

嚴管家: 哦?? 我地少爺咪係洪一立囉??乜你同佢唔係朋友黎咩!?

天呀~~呢度...真係金毛仔屋企!!!! 我仲要係佢間房度訓tim......

呢樣都算啦.....問題係......點解佢間房可以大成咁嫁!!!!????呢度簡直可以做我三個.....係四個屋企至真呀!!!呢間會係房!?呢個係大堂炸掛......

嚴管家: 係少爺抱你番黎嫁....當時少爺成身都傷晒....但你仲得人驚.....個頭係咁流血...好在我地屋企既醫生同護士即時同你止血炸....

我有冇聽錯呀!?佢屋企竟然有錢到......可以有醫生護士長駐!? =口=

嚴管家: 跟住少爺親手同你用紗布包紮tim~~

我摸一摸個頭..原來真係包左紗布....

小悅: 係洪一立同我親手包紮既??......

嚴管家: 係呀...呢D野平時佢一定會叫下人做嫁...我侍候左佢十幾年...都係第一次見佢咁關心人嫁炸.....

佢會關心我!?? 唔係掛.....佢可能係因為累到我比人打....覺得內疚先會咁姐....

正當我係度諗野既時候.....嚴叔突然拍左幾下手掌...跟住就有幾個著到好似女僕Cafe D侍應咁款既女仔入左黎...

嚴管家: 你地幾個..我出去打點一切...你地依家快D侍候悅小姐....

小悅: 下??? 你.....講咩話???喂呀唔洗啦!!!!我有手有腳...唔洗人幫呀!!!嚴叔你唔好走住~~~喂...做乜你地夾硬黎嫁!!!! 喂喂喂...呢個唔除得.......




Cafe女: 小姐....呢D係少爺既吩咐..佢叫我地服侍你沐浴更衣...然後招待你留係度食飯...所以我地唔可以怠慢嫁!!!!如果唔係少爺會罰我地嫁!!!

佢地講到罰既時候...個個都好似好驚咁!?睇黎佢地真係好怕金毛仔喎!!!!

佢地夾硬同我換左好似浴袍咁既衫之後...就帶左我去一個地方;;一打開門..我就感覺到一D蒸氣飄埋黎...

Cafe女: 小姐...請你係度沐浴更衣啦...D衫放係浴池邊嫁...有咩事你拍下手掌就得...我地會隨傳隨到...

佢地一講完就出左去....剩番我一個係呢間""浴室""度....

小悅: 我係咪眼花呀!? 呢個係浴室?? 泳池炸掛....

我浸入水中...溫暖既水真係好舒服呀!!!但個浴室咁大...得我一個...真係好冷清....

小悅: D有錢人真係多餘...要咁大個浴池黎做乜!?咪又係沖涼!!! 我都係中意自己屋企個浴缸床多D...

沖完涼之後...我換左D乾淨既衫..然後個幾個女仔就帶我去客廳個度....與其話係客廳...我話更加似係酒店大堂...我比帶到一張好大既飯枱前坐低...跟住就見到工人將D餸菜一味一味咁攞出黎...真係好似去飲喜酒咁!!!!全部都係好野黎既...有雞有鴨有中有西不特只....仲要鮑參翅肚樣樣齊...有D係咩我連名都唔知....佢地係咁攞出黎....大大話話都攞左十幾碟餸擺係枱面...呢個時候....嚴叔正行緊過黎......

小悅: 嚴叔..乜你地....今晚好多人黎食飯咩!?

嚴管家: 唔係~~得你同少爺兩個食之ma.....

小悅: 下!? 得我地兩個....食咁得多野~~!?

嚴管家: 我地少爺一向係咁嫁!!!餐餐都起碼要十幾味餸先得....如果選擇太少...佢會唔高興...唔肯食飯嫁!!!!

小悅: 咁....咁多餸...食唔晒點算呀???

嚴管家: 食唔晒...我地就會倒晒佢嫁啦!!!!因為少爺唔中意食隔夜飯 .....

嘩~~乜鬼人黎嫁!?咁折墮都有既!?呢D餸如果係我屋企人食...夠我地食成個禮拜有多啦!!!!

所以我幾時都咁憎呢D有錢仔....正一二世祖....都唔知世界幾咁艱難!!!!

正當我愈諗愈激氣既時候....客廳大門突然打開....

嚴管家: 啊~少爺黎啦!!!

我望向門口...見到金毛仔施施然咁行左入黎...佢換左一身Casual得黎肯定價值不菲既便服...之前同人打交個陣既兇狠樣已經冇晒...取而代之既係一副Cool得黎有少少憂鬱既樣........個種感覺.....同平時係學校見到既佢好唔同....

見到佢呢個樣...唔知點解...我個心突然好急促咁跳左幾下......



p.s. 今次打得幾多的 =] 希望大家中意 留個cm =]

毛仔慢慢咁行過黎....然後粒聲唔出咁坐左係我側邊...幾個年輕既女僕即刻好緊張咁侍候佢...為佢擺餐具...放餐巾...呢一刻...我忽然覺得金毛仔少左平時番學時既兇狠...多左一份高貴氣質...有少少似我睇開既漫畫入面既貴公子角色咁~~

金毛仔: 你眼定定望住我做咩??

我諗到有少少入晒神之際.....金毛仔突然一句彈埋黎...

小悅: 下!? 我......幾時有望住你呀!? 我係度發o牛逗之ma.....

金毛仔: 神神化化......

嘩~~~洗唔洗一開聲就咁寸呀!?我假假地都係客人丫!!!

呢個時候班女僕開始忙於侍候我地食飯......佢地就好似酒店飲宴咁...將D食物樣樣都夾好晒放係我面前...不過我其實都唔係咁慣比人服侍...我都係中意自己夾多D.....

金毛仔: 做咩唔食呀??唔慣比人服侍呀???咁又係...比著平時...你呢D窮等人家邊有機會食D好既野丫!!!!

一聽到佢咁講...我即刻彈起身....

小悅: 我走啦~~~

嚴管家: 悅小姐請留步......

小悅: 嘩 ~~~~

嚴叔突然出現係我右邊...嚇到我成個彈起...

嚴管家: 我地少爺既意思係....其實係話今晚呢餐咁豐富既晚飯...係佢特登為你安排既.....

下!?點解你地可以將佢個句態度咁差既說話解讀成咁嫁!!!

金毛仔: 嚴叔~~

嚴管家: 係既少爺...我太多事啦!!!咁我唔阻你地啦~~請慢用...

嚴叔走左之後...又剩番我同金毛仔...我唔知講咩好...場面有D尷尬...呢個時候我個唔爭氣既肚竟然咕咕咁響....

我見到金毛仔本來冷冷既表情....都忍唔住""呠""一聲笑左出黎....我塊面當時紅晒!!!!!

金毛仔: 坐低食野先啦!!! 餓死你啦!!!!!

金毛仔講呢句說話既時候個陣語調溫和左唔少.....而我又真係好肚餓....於是我坐低開始食野...

食食下時候...金毛仔突然開口....

金毛仔: 我唔中意欠人人情.....

小悅: 下??即係點呀???

金毛仔: 依家請你食呢餐....就當補償你為左我受傷....我地之後冇拖冇欠....

小悅: 哦!!!係咁咋??冇問題丫~~~

小悅: 其實我都冇諗過要咩回報...費事因間你呢D有錢人以為我想搵著數....不過呢餐飯我一定唔會客氣

你話佢呢d咩口吻?!真係聽到我火滾...所以我聲線不然大左...

我冇再理佢...係咁食係咁食... ((一來係因為有d嬲..想發洩;;二來係因為d野真係好好食...)) 金毛仔望住我..好似有少少出奇咁..

金毛仔: 你都幾擦得嫁喎...好似非洲d餓民咁...窮等人家果然係窮等人家..

小悅: 係呀 我呢d窮等人家係咁嫁啦~!!!因為我地粒粒米都係有血有淚咁搵番黎...所以我地唔會浪費食物...唔會好似你咁..餐餐食剩都倒晒佢..咁折墮..

金毛仔: 個個嚴叔又亂咁同人講我d野....

小悅: 呀係呀!@@@ 橫掂你d野食食唔晒都倒啦~不如你比我打包拎番屋企 好過倒左佢...

金毛仔: 喂喂~ 你都幾唔客氣嫁喎....

小悅: 嘩~對你呢d有錢人...洗咩客氣..我又唔係要靠你養...

金毛仔: .........

之後我地又沉默左一陣...冇幾耐又係金毛仔開口先....

金毛仔: 你今日...點解要幫我?!

小悅: 下?點解你會咁問!?

金毛仔: 我同你識左唔係好耐...平時又同你冇乜兩句...你冇必要咁樣黎幫我....

小悅: 乜你咁諗野嫁....幫人要理由嫁咩?! 你係街邊見到個唔識既婆婆過馬路..都會扶下佢啦~何況你係我同班同學...仲要坐我隔離...我有乜理由見死不救...

金毛仔: .........

小悅: 唏!!!你地d有錢人寧舍咁複雜...我都費事同你講咁多...我食飽啦...我走啦... 雖然我知你呢餐請得不情不願...但點都好...都多謝你

金毛仔沉默左一陣..就好cool咁行左出客廳..而嚴叔亦都好似較岩好時間行入黎咁...

嚴叔: 悅小姐..你d衫已經洗乾淨同熨乾左...請你去客房換番啦...我係門口準備好車送你番屋企...

我換好衫...行出大門..天都已經黑晒...我見到嚴叔已經係一架又大又令既房車前面等緊我 ...

嚴叔: 悅小姐...少爺吩咐我要親自送你番屋企..請上車...

嘩~~架車真係好舒服呀...咁大個女第一次坐咁令既車咋...佢屋企真係大到離晒奇...由大屋個度一路開車出番大路...都差唔多用左成五分鐘...估唔到金毛仔真係有錢成咁...

不過佢幾有錢都唔關我事...我同佢根本係兩個世界既人...我相信今晚只係一個例外...到左聽日..我地又會各自行番自己既路..

嚴叔: 悅小姐...到左你屋企啦 =]

係我諗緊野既時候..唔經唔覺原來已經到左屋企...我落左車...見到屋邨周圍d人都用一種好奇既眼光望住我搭既車...呢個時候..嚴叔遞左一大包野過黎...

嚴叔: 呢d係頭先剩番既餸菜...係少爺吩咐我好好包比你,,,

小悅: 哈~估唔到佢又幾聽話喎...真係打包比我>! 哈哈~~咁我咪又食又拎...點都好..唔該晒你送我番黎呀嚴叔...拜拜,,,

我一講完,,,就想轉頭走..突然嚴叔叫住我...

嚴叔: 悅小姐...

小悅: 咩事呀嚴叔?!

嚴叔: 我服侍左少爺咁耐...都未見過佢帶朋友番屋企嫁...

小悅: 下......

嚴叔: 我地少爺雖然睇起上黎脾氣好差...又冇禮貌...其實佢係一個心地善良既人...只係唔識得表達自己姐.好似你為左佢受傷...佢把口雖然冇講多謝...但佢今晚所做同為你所安排既一切...其實已經對你表達左深深既謝意...

小悅: ,,,,,,真係既>>>????

嚴叔: 我地少爺冇乜朋友...

嚴叔突然向我鞠左一個躬

嚴叔: 以後拜託你多多照顧佢....

聽到嚴叔咁講 ..我霋時間都唔知比咩反應好..

金毛仔佢...到底係一個點樣既人呢??

阿妮: 小悅你個頭做咩事?點解包左紗布嫁??

今朝一番到課室...阿妮就急不及侍問我...

小悅: 下?.........冇乜野....唔小心撞親姐....

我求其搵個理由帶過....

如果唔係你叫我點解釋姐...件事咁複雜...唔通我話比阿妮知..係金毛仔親自幫我包紮咩?真係講出黎我自己都唔信啦~~

阿妮: 喂喂 ~你睇下...洪一立呀...佢今日咁準時番學既 ?!

阿妮一講..我即刻望向門口..果然見到佢番左黎..平時佢起碼兩..三堂先番個喎..點解今日咁早既?!

佢一入黎...本來嘈喧巴閉既課室都霋時間靜晒..佢行過我前面既時候..我見到佢突然停低望左我一眼..然後靜靜咁坐低..

阿妮: 小悅...頭先佢望住你呀!!!

阿妮靜雞雞係我耳仔邊講...

小悅: 下...係囉...唔知有咩好望呢可...

我覺得我係度敷衍緊阿妮...因為連我都覺得金毛仔個眼神怪怪地...我忽然諗番起嚴叔話希望我同佢做好朋友...好好照顧佢..但我真係好難想像可以同佢做好朋友囉...

Miss Chan: 好啦!!!各位同學坐好....唔好嘈啦

咦? Miss Chan好似有野宣佈喎....

Miss Chan: 兩個星期後..就係我地櫻花學院五十週年校慶,,,各位同學應該知啦!!!

咦?!原來咁快又校慶啦??

Miss Chan: 年年校慶..我地都會搞開放日...但今年係五十週年...學校方面決定舉行一個音樂比賽..由各位同學表演自己最拿手既樂器..再由校外請黎專業既評判...決定邊個攞冠軍...

班上同學: 嘩.....唔使玩啦....實係之秋嬴啦!!!!

Miss Chan一講完...班上既同學就開始起哄..佢地都係度講之秋師兄...

班上同學: 車~~~校長擺明比個機會葉之秋solo啦~咁又係既...佢係出面公開賽攞咁多獎..我地學校都因為佢先多左人識...今次仲要請埋d專業評判...擺明係曬野姐....

阿妮講到好似有d不屑...我聽到都唔高興.....

阿妮: 咩姐!咁依家之秋師兄係勁丫ma...唔只令仔,,仲好有氣質...最重要係d鋼琴彈得好~~~真係諗起佢彈琴個樣同佢d琴聲就冧到想死...呵呵呵~~~~

阿妮: 小悅...要唔要紙巾??你d口水就黎滴到落大脾啦....

小悅: 咁係丫ma....如果可以比我同之秋師兄拍一次拖,,,我真係咩都願意嫁.....

嘭~~~~~~~~~

嘩~~~嚇死人咩~~~~~~~~~!!!!!

金毛仔佢搞咩?無啦啦咁大力拍枱做咩....

佢一拍完枱...就企起身粒聲唔出咁行左出課室...班上既人原本吵吵鬧鬧緊,,,霋時間都比佢嚇到個個靜晒....

阿妮: 嘩~ 小悅....你話洪一立又發咩神經??

係囉...佢做咩無啦啦咁大反應.....

lunch time時候...我一個人行經走廊個陣..突然比我見到一個玉樹臨風既身影~~

小悅: 之.....之秋師兄~~~~~~~~

之秋: 咦!? 小悅???你好ma???

啊~~~我死啦~~~~佢一擰過黎就突然黎左一個微笑攻擊..我覺得有少少天旋地轉......

之秋: 咦??你個頭.....你整親呀??冇咩事丫ma.???

小悅: 冇...冇事....好小意思姐...

啊~~~~ 佢慰問我呀~~~~~真係撼穿頭都抵....

小悅: 呀之秋師兄呀......今年校慶會搞一個音樂比賽...你係咪會參加呀??

之秋: 唔....其實我本來想減少參加比賽..但校長係咁叫我參加..咁我咪當為學校出一份力囉...

小悅: 好呀好呀~~~~師兄如果你參加...實嬴硬啦~~~~講真我地學校仲有邊個玩樂器叻得過你姐!? 你係我地既""鋼琴王子""黎嫁ma...

之秋: 哈哈哈~小悅 你唔好咁講啦...搞到我鬼咁唔好意思...呢個名都係d人亂咁幫我作嫁姐...

""""咩鋼琴王子咁巴閉呀????"""""""""

一把好冷酷既聲音突然係身邊響起...我回頭一望...原來係金毛仔.....

之秋: 你就係黎左幾日就搞到學校滿城風雨既有錢仔新生洪一立??

面對金毛仔既挑釁...之秋師兄依然保持住笑容....

金毛仔冇理到之秋師兄既發問..自顧自咁講落去....

金毛仔: 你呢d咁既井底之蛙....比人讚兩句就鬆毛鬆翼...我睇你d鋼琴都唔慌叻得去邊...

之秋: 哈 如果我係井底之蛙 ...咁你一定係比井底之蛙食既烏蠅啦~~只有烏蠅先中意係度亂咁發出d噪音~~

金毛仔: 你夠膽頂撞我?? 我隨時可以叫校長趕你出校....

之秋: 哈哈 我係憑實力留係呢間學校既....唔似得有d人靠老豆d錢咁冇用...就算你真係用錢叫校長趕我走...都只係證明你係一個靠老豆既廢柴..

嘩!!!我都係第一次見到之秋師兄講d咁重既說話...最勁係佢一路講一路仲帶住微笑...

估唔到師兄原來可以咁鬼""毒舌""!!!相反金毛仔已經嬲到青筋都出晒咁滯.......死啦!!! 佢地唔會打起上黎下話...

金毛仔: 我會參加個個乜鬼音樂比賽....

金毛仔突然指住之秋師兄

金毛仔: 既然你d鋼琴咁把炮...我就要用鋼琴令你知道自己係幾咁無能....

之秋: 好哇...我接受你既挑戰

之秋師兄語氣平靜得黎充滿自信....

金毛仔: 我地既賭注就係佢

金毛仔講完呢句說話...突然指住我....

小悅: 下????我???????

金毛仔: 邊個嬴到比賽...就可以同佢約會 ....

之秋: 哈哈哈~咁都幾好玩丫~~我接受

喂喂喂~~~做乜無啦啦燒埋我個疊!??????唔...唔關我事個喎...點解你地唔問下我制唔制先嫁???

最大問題係...呢次無論結果係點..我都要同佢地是但一個約會...

約會!!!!!係約會呀!!!!我咁大個女都未試過!!my god~~~!!!!!

話都冇咁快...櫻花學院既校慶又到,,,今日亦都係同時音樂比賽舉行既日子

唉!!!呢兩個禮拜我都係食唔安坐唔樂..一諗起之秋師兄同金毛仔既輸賭..我就緊張到茶飯不思....

我唔係緊張邊個會嬴..講真我覺得我既之秋師兄係冇得輸既..所以我一d都唔擔心呢樣..我緊張既只係...之秋師兄嬴左...咁我咪可以...同佢約會囉~~~~?

啊~~~~天啊~~~~~~~諗起可以同我既夢中情人約會...我就既緊張又興奮啦!!!呢d機會真係分分鐘唔會有下次....

終於都等到今日啦!!!過埋今日...我就可以同之秋師兄約會...就算只係一日我都心滿意足嫁啦!!!

阿妮: 喂小悅呀, 乜洪一立都識彈鋼琴嫁咩??佢個款話佢識格鬥技我就信..但點睇佢都唔似識呢d咁文雅既玩意喎!!!

小悅: 唔唔...係囉....都唔知佢諗乜??

阿妮咁講...令我諗番起上次係金毛仔屋企個陣見到既佢..個晚佢比我既感覺同平時好唔同..真係好似兩個人咁..所以..我覺得佢識彈鋼琴一d都唔出奇...

唏!!!真係唔明d有錢仔心態...唔諗啦!!!

司儀: 各位來賓..校長..各位老師..同學..慶祝櫻花學院創立五十週年既音樂比賽..依家正式開始!! =]

台上既司儀一講完...就響起一陣掌聲...然後冇幾耐就有第一個同學出場表演...

台上既學生表演既樂器真係五花八門..有小提琴..有長笛..有電結他..
而且仲有二胡都有 -0- 不過佢地d水準真係...見到坐係我地前面冇幾遠既評判都聽到皺晒眉頭..有d仲打晒喊露tim

司儀: 下一位參賽既同學係葉之秋同學..佢會用鋼琴演奏一曲拉威既""水的嬉戲""

ps.你地估下邊個會嬴 邊個可以同小悅出街街呢?! 下回分解

阿妮: 呀...之秋師兄出場啦~~!!!

啊~~~之秋師兄果然好有風範呀!!!!一企出黎成個人都唔同...全場既目光即時比佢吸引住咁..原來有少少嘈既大禮堂..霋時間都變得好靜,,

師兄坐左係度..調節一下呼吸..然後就開始彈奏

呀~~~~首曲....好迷離呀~~~係之秋師兄手指既帶動下..我好似走入左一個夢幻既世界一樣..我忍唔住合埋左對眼..去投入其中...輕快既節奏同音色..令我真係好似係水中嬉戲一樣咁..係之秋師兄拖住我係度嬉戲 =]]

去到首曲中段..節奏突然加快左 ...我好似都比佢影響到心跳加速咁..係一種又喜悅又興奮既感覺呀~~

師兄既手真係好靈巧呀!!佢彈既粒粒音都可以話無懈可擊..我幾乎可以感受到師兄雙手好似手咁...包圍住我整個人...

""Bravo~~~~~~~""

坐係我前面其中一個評判突然企起身大叫...呢個時候我先驚醒..原來師兄已經彈完..霋時間全場掌聲雷動..

哎呀~~~乜咁快完嫁...我都未陶醉完~~~~~ > <" 點解好夢總係咁快醒嫁..TOT 我好想再聽多d師兄既鋼琴...

呢個時候..我偷聽到前面個幾個評判係度評價師兄頭先既演奏....

評判: 果然不愧係葉之秋 的確係不同凡響

評判: 冇錯..頭先首曲一粒音都冇彈錯..節奏既拿握都好好..我連想挑剔佢既地方都冇...

評判: 我都同意..真係準確到好似機器咁...一d失誤都冇..以佢頭先既水準..就算參加任何國際比賽..都一定唔會失分..

評判: 鋼琴王子呢個名..睇黎唔係假嫁...

小悅: 阿妮你聽唔聽到呀..連咁嚴格既評判都讚到師兄飛起..我都話師兄勁嫁啦..

我盡量細細聲咁同阿妮講..但仍然制唔到自己興奮既心情..

聽完之秋師兄既鋼琴..我覺得再聽其他人既演奏都一定會覺得遜色..所以排係佢後面出場既人一定好蝕底...評判一定會有比較..

我忽然有d擔心金毛仔...佢琴日大大聲話要挑戰師兄..查實佢係唔係真係識彈嫁?!我點睇佢既性格同外表都唔似識彈琴既人..因間上台會唔會出醜嫁??

咦?! 我咁關心佢做咩??佢份人又自大又冇禮貌..就算出醜都係佢自己攞黎既

司儀: 跟住落黎..係今晚最後一位參加者...洪一立...佢亦都係表演鋼琴..演奏既曲目係.."貝多芬第十七首奏嗚曲暴風雨 第三章"

阿妮: 喂!!!終於到金毛仔出場啦 =]]* 唔知佢會彈成點呢??

阿妮好好奇咁問.....

司儀一講完..我就見到金毛仔係台上行出黎,,佢今日著左一套禮服..成個形象唔同晒..但一襯埋佢一頭金髮..就形成好強烈既對比..好似斯文中帶一點野性既感覺..

金毛仔一出場...全場即時好多人係度私語...唔知係度講緊乜..同頭先師兄出場既時候氣氛唔同...簡直天壤之別..

但金毛仔好似一d都冇為意咁...只係坐左係鋼琴面前..合埋對眼..我估佢係度集中緊精神..過左十幾秒...佢突然張開雙眼..然後..一股急促又帶住沉重氣氛既琴音響起...............

係台上既金毛仔對手一係唔郁..一郁就立即投入..""貝多芬第十七首奏嗚曲暴風雨 第三章""......一開始節奏已經好急促..真係好似首曲名咁..即將有一場風暴雨要降臨咁..估唔到金毛仔既手指可以彈得咁快..咁純熟..絕對唔會輸蝕比之秋師兄呀!!!!

但係好唔同,,之秋師兄既鋼琴..有一種令人如沐春風既感覺..令人聽得好舒服..但金毛仔既鋼琴..就令我覺得好沉重..首曲本來開頭都算輕快..佢彈出黎既每一粒音..總係好似係度呼吸緊..掙扎緊..同埋係度..喊緊..唔知點解..愈聽落去...我個心就愈"拿"住"拿"住咁..好唔自在...

首曲去到中段,,,速度突然又加快左..節奏仲開始愈加沉重..係金毛仔既琴音之下...合埋眼既我..腦海中突然浮現一個影像..我見到個細路仔..佢係暴雨中..一邊徬徨咁面對風吹雨打..一邊喊住咁不停跑 ...唔知係度搵緊d咩咁...我再望真d個細路...佢個樣竟然同金毛仔好相似!!!!

金毛仔佢愈彈愈快...愈彈愈急..睇黎首曲就黎到尾聲啦!!!!終於..樂曲出奇地以一個好平靜既調子作完結...同頭先既急促...激動形成強烈對比..個種感覺好似玩完過山車咁..緊張過後..突然回到現實..但大家既心情依然激動...盪得難以平復..

我相信在場所有人都同我同一樣既心情..因為之前之秋師兄演奏完..大家仲識得拍手歡呼叫好..但此時此刻...金毛仔已經彈完..但成個大禮堂既人依然係鴉雀無聲...好似唔識反應咁...

過左一陣...前面既其中一個評判先突然慢慢企起身...慢慢一下一下好重咁拍掌...

評判: 實在令人驚訝..一日之內竟然比我聽到兩個超水準既鋼琴演奏!!!

評判: 真係出乎意料..我以為呢間學校只有葉之秋至值得注意...點知原來仲有一個...

評判: 兩個都一樣咁出色...但佢兩個既性質好唔同..如果葉之秋係溫柔..細膩既流水..咁呢個洪一立就係野性..激昂既瀑布....

評判: 同意...好耐都冇聽過呢種令人個心都震出黎既演奏...

評判: 冇錯...可惜....

咦??佢地讚到金毛仔..天上有地下無咁...點解又會話可惜既 ??

PS.你地既cm係我既動力...一見到你地既cm我就post新一篇..下一篇我已經準備好..爭你地既回覆咋

評判大約行左二十分鐘...司儀就走番上台...

司儀: 我諗大家都等得好心急啦...依家結果就係我手上..今晚慶祝櫻花學院創立五十週年音樂比賽既冠軍係........葉之秋同學....

台下人: 下?????

台下人: 搞錯呀~~~~明明洪一立彈得好d....

台下人: 評判收左錢呀!!!!!!! 做馬 ))))))))

阿妮: 點會咁嫁小悅??全場都覺得洪一立彈得好d啦...冇理由評判唔知嫁喎!!!!

阿妮好疑惑咁問...

小悅: 我都唔明呀!!!但...大家都唔洗咁大反應姐...之秋師兄都彈得好好哇...洗唔洗咁踩佢台呀!?

我見到之秋師兄上台領獎..但台下既人一路係度喝倒采..佢既面色變得好難睇..呢個時候..突然其中一個評判走上台..

評判: 我諗大家都對個賽果有少少意見..為左大家明白..所以我決定出黎解釋清楚,,

聽到佢咁講....台下即時靜晒...

評判: 大家可能覺得洪一立同學彈得好d...帶比所有人震撼既感覺..呢樣我地幾位評判都唔否認..但係音樂比賽既籌範上..考慮既唔只彈得好唔好..仲要求彈得準唔準確...係咪每一個音..每一個節奏都正確無誤...而頭先洪同學就正正犯左呢個錯誤..佢彈既樂曲中段有一部份完全同原曲無關..係佢自己作既!!!

全部台下人 : 下~~~~~~~~~~

包括我在佈既所有人聽到之後都O晒咀...

評判: 因為佢彈得實在太完美..所以大家可能未必會留意到佢彈錯..我地唔知佢係突然間唔記得左個段..所以臨時作一段落去..定係其他原因..總之係比賽上係唔容許既事 ..因為咁樣係對原作者唔尊重..所以我地先決定今日既比賽係葉之秋勝出...我解釋得咁清楚..相信大家都冇異議啦!?

比賽一完左..我即刻上去搵之秋師兄..

小悅 : 之秋師兄..工喜你嬴左冠軍呀 =]]*

師兄擰轉頭望住我..竟然係木無表情..佢一向從容又處變不驚既笑容..霋時間完全冇晒..

之秋: 多謝你呀小悅..但......根本就冇咩值得工喜.....

小悅: 下~~~~~~?????

之秋: 今日......真正輸左既人...係我....

ps.今次呢篇好短 > <"
    不過下一次個篇好長-,-
    所以請期待...

小悅: 師兄你點解咁講呀!? 你的確彈得好好喎!!!! 我覺得你嬴得好合理哇 =]]*

之秋: 你聽唔到頭先評判講既野咩? 佢話我今日嬴既係比賽...佢地講得冇錯..我嬴既只係比賽規格...d評判同台下觀眾既心目中, 真正嬴既係洪一立...

小悅: 之秋師兄.......

之秋: 哈哈哈~~~我都係第一次面對倒采聲...原來感覺係咁難受..我太自滿啦!!! 今日話就話係比賽..但其實我自己只係當出黎表演下..係我心目中..呢間學校根本冇對手, 但估唔到一山還有一山高..聽完洪一立既鋼琴..我先知道..原來自己一路以黎所彈既鋼琴只係比賽同表演用既鋼琴..洪一立既先係真正可以感染人心既鋼琴......

聽甄師兄咁講...我都無言以對...

因為係我心目中...其實都因為金毛仔既鋼琴聲而有所動搖......

之秋: 小悅...你仲記得我地既賭注ma!?

小悅: 下??? 記...記得....

之秋: 其實我之前真係諗住嬴左比賽..就同你開開心心咁約會一日嫁..哈哈!!

下...師兄??? 你講真嫁??? 野可以亂講..說話唔可以亂食...你...你搞到我個心係咁跳....

之秋: 你唔好誤會呀小悅!!!! 我絕對唔係搵個藉口拒絕你嫁...其實我一向都覺得你個人幾得意..我諗同你約會一定幾開心..只係...我覺得依家唔係時候....我實在仲有好多野需要檢討同反省......

唔係嫁師兄.....你已經夠晒好.....唔洗反省咁多嫁啦...就算係都同我約會左先反省丫ma....你話晒都嬴左喎!! 點可以唔要""獎品""嫁!? 你都要顧下我呢份""獎品""既心情先得嫁...

之秋: 對唔住哇小悅...就咁話啦..我番屋企先啦...聽日見...

師兄一講完..就好華麗咁行左去....

小悅: 之..秋..師..兄.......

冇啦....人地期待左咁耐既約會..估唔到就係咁既情況下煙消雲散....嗚嗚嗚~~TOT 諗諗下..一日最衰個個金毛仔..無啦白事單挑師兄做乜鬼姐...仲要攞我黎做賭注..搞到我期待左咁耐...

我冇晒心機...所以走去學校一個冇咩人既地方既後樓梯諗下野..個度平時好日都冇人出入...所以得閒我就好中意去個度坐下..發下白日夢..

點知我一走到去..就見到個不速之客坐左係樓梯度!!!

小悅: 金...金毛仔??? 你坐係度做咩??

金毛仔回頭望一望我..但冇應到我...如果你平時..佢一定已經""醜八怪..醜八怪""咁叫我..見到佢依家冇反應個樣..我之前仲有少少嬲佢..依家都嬲唔起...

我坐係佢身邊..

小悅: 唔洗咁冇心機喎!! 輸左個比賽姐..但你嬴晒d掌聲啦!! 頭先你聽唔聽到頭先台下既觀眾幾sup你哇..

金毛仔: 哼!! 你呢d窮鬼識咩呀!! 係我地既世界入面..嬴就係嬴..輸就係輸..輸左就一無所有..就算有幾多掌聲同支持都好.. 係我眼中都只係一種同情...

小悅: 呵呵~~我以為你啞左tim...好彩仲識得串我...其實點為之嬴..點為之輸..都係睇你自己點睇姐..正如之秋師兄嬴左比賽..但佢反而覺得自己輸左...真正嬴到掌聲既你先至係嬴家..咁咪證明大家既價值觀唔同囉..所以只要你換個角度去睇..好多野都會唔同晒..

金毛仔: 佢......真係咁同你講?!......

小悅: 係呀....呀話時話啦...你頭先做咩無啦啦自己改左首曲既..如果你照番原本咁彈..可能會嬴嫁喎...

金毛仔沉默左一陣...之後先開口...

金毛仔: 頭先首曲係我媽媽教我彈既......

小悅: 下???? 你媽媽.....

金毛仔: 我媽媽教我彈呢首曲個陣..次次彈到個度都彈錯...我記得佢成日彈到個度都笑住咁話""哈哈~~我硬係覺得呢度係應該咁彈至岩..我覺得咁彈好聽d~~""........

金毛仔講起佢媽媽既時候..我見到佢面上流露出溫柔既眼神...睇見佢呢個樣..我個心唔知點解突然好急促咁跳左幾下...

金毛仔: 比賽之前...我本來都同我自己講唔可以彈錯..黠知一彈到個度..就不其然跟左我媽媽既彈法..可能係媽媽頭先走黎同我開玩笑掛..

小悅: 乜你媽媽佢已經......

金毛仔冇回答我..只係抬頭望住個天..跟住我地大家都沉默左一陣..過左一陣..我突然開口..

小悅: 咳唔....我同你約會當獎勵啦....

金毛仔: 下..你唔係要同你個之秋師兄約會咩...佢嬴左喎....

小悅: 都話佢覺得自己輸左..冇資格同我約會咯!!!

金毛仔: 喂!! 咁即係算點!? 你搵我做代替品呀?? 你當我係咩??

小悅: 哎呀!! 唔..唔係呀...人地只係想令你精神番姐...你咪當我陪你去散心囉...喂!! 人地女仔黎嫁 ....我...我...都開晒口啦!! 我第一次咁同男仔講野嫁咋...

金毛仔: 你當本少爺係咩?? 從來只有人執我二攤既姐..佢唔要既野...我都唔要....

小悅: 哎呀!!! 你講咩呀 ??咩叫執二攤...你個死金毛仔..乜得你把口生得咁臭...人地都係好心安慰下你姐...喂喂!!!我未講完..你咪走住呀!!!豈有此理...早知唔鬼理你呀衰人~~~~!!!!!!

~~~~~~~死金毛仔..我同你勢不兩立!!!!!!

阿妮: 小悅呀.

小悅: 咩事?

阿妮: 你覺唔覺得自從上次音樂比賽之後..洪一立突然間好似好受女同學歡迎??

小悅: 有咩!? 我唔覺喎...

阿妮: 係咩?? 你望下個邊!!!

女同學: 洪一立同學呀..呢d朱古力係我特登整比你嫁..你睇下好唔好食~~~~

我見到有個女同學鵪鶉咁款同金毛仔講野..金毛仔就一手攞左佢包野..

金毛仔: 嗯嗯嗯....吐~~~ 難食

女同學: 丫...丫...嗚嘩~

個女同學成枝箭咁標左出去..喊聲淒厲到傳遍成條走廊...

阿妮: 唉...已經係今日第三個啦.....

小悅: 嘖! 都唔明個金毛仔有咩好..佢地比佢音樂比賽個樣呃晒啦!! 呢個人根本就係一個無可救藥既二世祖!!!人渣!!!唔只行為粗暴..把口仲臭過屎!!!!

阿妮: 嘩~~小悅你唔洗咁勞氣下話..佢殺左你全家呀!?

小悅: 唏!!!你唔明嫁啦阿妮..總之呢條友就..... 衰到貼地啦!!!

我一路講又不期然諗番起幾個禮拜前佢同我講番說話個態度...真係諗起都嬲 .v.

星期日早上......................

悅媽: 小悅呀!!!好起身刷牙洗面食早餐啦!!!

哎...今日星期日呀媽....你比我訓多一陣啦...

悅媽: 午間新聞都播啦!!你仲唔起身!!鬼叫你琴晚咁夜訓咩..咦??有人禁門鐘喎...今日邊個會黎呀?.....

邊個黎都好啦..我都唔想理...我琴晚一口氣煲左"流星學園"動畫版頭十集..依家只係想訓......

悅媽 : 小悅呀小悅...有人搵你呀..快d起身啦...

小悅: 晨早流流..邊個搵我呀..

悅媽: 唔知呀!! 係個阿叔黎嫁..有兩撇鬍鬚嫁...

小悅: 阿叔?!

我一聽到阿媽咁講...我即刻成個人彈起...走去大門...

嚴叔: 你好呀悅小姐..我地又見面啦 =]

一個好有風度既阿叔...微微向我點左一下頭

小悅: 嚴叔!? 乜真係你呀?? 點解你會上黎搵我既 -3-

嚴叔: 少爺係下面架車等緊你...

嚴叔忍唔住笑咁話....

嚴叔: 佢話你答應同佢約會...

小悅: 下??!!! 我..我幾時有約過佢呀?! 就算有..我都係講左一次之ma...都冇講實..而且佢都拒絕左啦...

嚴叔: 悅小姐..睇黎你需要d時間去梳洗..我同少爺係下面等你..

小悅: 喂喂..嚴叔...你咪走住先得嫁..喂喂!!!

乜嚴叔同金毛仔一樣都唔聽人講野嫁 >  < "

黐線嫁個金毛仔...失驚無神殺上黎..真係佢惡晒咩?? 我岩岩訓醒乜都未準備嫁ma...

我匆匆忙忙咁梳洗完畢..根本冇時間諗..只好著番平時出街既衫..連頭髮都未得閒紮就出街...

一落到去...我就見到好多街坊望住佢地架車係度議論紛紛..而嚴叔就企左係車既旁邊守候...

嚴叔: 呀~悅小姐..你黎啦?? 請上車啦 =]

佢邊講邊打開車門..周圍街坊既奇異眼光望得我周身唔自在..所以我o拿o拿聲上左車先算..我一上車..嚴叔就即刻開車

金毛仔: 乜你搞咁耐嫁?! 就係打扮成咁咋??

金毛仔一開口就好似撩交打咁...

小悅:  喂!!! 大佬...你通知都唔通知聲就走黎..你估我24小時stand by嫁?? 我已經算好快嫁啦 !!! 好多女仔出街起碼要兩個鐘嫁...

金毛仔: 車...醜八怪永遠都係醜八怪..

小悅: 喂!! 你係唔係特登撩交嗌先依家???? .v.

嚴叔: 呵呵呵~~你兩個感情好好哇...

嚴叔突然插咀...

金毛仔/小悅: 一d都唔好...

嚴叔: 呵呵呵~~你兩個感情真係好呀 /\/\

我比嚴叔講到有d唔好意思...我見到金毛仔塊面有少少紅...

佢都識面紅..真係想像唔到..乜佢有咁純情咩??

過左一陣...我開口問佢...

小悅: 做乜無啦啦搵我出街??? 之前你唔係話唔中意執二攤咩??

金毛仔: 冇錯丫..上次你約我..我係拒絕左...

金毛仔話....

金毛仔: 今次唔同...今次係我約你...同上次無關...

小悅: 車!!! 死要面...咁你今日做乜要約我姐??你約第個都得嫁姐...

金毛仔: 我......你咪問咁多啦...總之你今日就要陪我一日啦!!!冇得say no!!! 未見過女仔咁長氣....

嚴叔: 少爺我地到啦 =]

小悅: 下??到左?? 你要帶我去邊呀??

我一落車...就見到一間超級豪華既酒店..嘩!!!! 呢間咪...最出名...最豪華...連美國總統都住過既六星級大酒店---->黃龍大酒店???

廢人 = =" : 歡迎少爺 =]

係酒店大門前鋪左張長長既紅地毯..兩邊就好整齊咁企晒兩排酒店男女員工...佢地一見到金毛仔...就即刻90度鞠躬..

突然有個自稱自己係廢人經理(金毛仔叫佢做廢人 = =")既男人行上黎..好有禮貌咁對金毛仔講,,,

廢人: 好多謝少爺今日包左我地既酒店餐廳..我地已經搵左最好既廚師..為洪少爺兩位準備好最好既午餐..請跟我黎呢邊 =]

金毛仔: 咪講咁多廢話啦..死廢人 ....= ="""""

下?? 食餐晏咋喎...洗唔洗咁大陣仗呀??

以上對白我心諗嫁 /\/\"".....

我只係...想要一個好普通既約會姐....點解會搞成咁既.....TOT

咁個金毛仔就咁中２咗小悅呀?!

十卜十卜!!
快D post la!!

ok好睇la~!!
不過我都十卜既~!!!

-::十卜十卜.快post,,,,好睇

十卜十卜~~

好好睇aR~十卜
我可唔可以轉aR???

e個咪就係Yes!嗰個故仔?!