查看完整版本: 最後一個

最後一個

[b][box=Indigo][box=DarkOrchid]今次係小妹第一次post我既短篇愛情小說,可能有d唔合理地方,希望大家見諒,多多支持,thx~~[/box][/box][/b]::27

仲有三日~唔係百貨公司減價既日子，而係我同佢見面既日子淨返三日，因為我中七畢業試都考完，過埋呢三日就正式離開學校……

我，今年十八歲，啱啱換咗成人身分證，係個中七生,從來未拍過拖，自問樣子唔差，但總係桃花緣唔多旺，如果暗戀就算戀愛既一種，咁我就戀過唔少次，自認係一個好容易鍾意人既人，隨街都可以一見鍾情，真係花心~~

佢，年齡不詳，同我讀同一間學校，係今年先轉嚟呢度，但唔同班，可以講一句係互不相識，偏偏住埋同一條屋邨，所以朝朝在巴士站撞倒，我都唔知鍾意佢咩，樣子普通，身高唔算高,好似170cm都唔知有冇，總之就係鍾意啦~~

我每日特登早少少出門，去到巴士站明知有車嚟都唔上住，就係為咗見佢一面，希望佢注意到我既存在，但上天點會咁好人，豈能事事盡人意，偏偏個巴士站朝朝都鬼死咁多人，而且同校既學生都有幾個，想好好過吓二人世界都唔得…..

有時搭小巴，有時搭巴士，邊架嚟先搭邊架，我同佢無事先約定，實等埋佢至上車，真係等咗好耐都唔見佢，就自己上車先。如果坐小巴，佢一定會坐在最尾既一掛既單仃位，而我一定會坐在隔離果排既雙人位，梗係坐近窗邊啦，可以斜視45度角望住佢，係就係有時有個大叔或者大嬸坐在旁邊，鬼死咁唔通氣，做咗中間人都啊知，真係激死人~~

如果坐巴士既話，佢必定坐上層，而我有時跟住坐上層，仲一定要坐比佢後幾排，咁先可以離遠望到佢，即使係得個背影，照殺~~有時我唔跟佢坐上層，特登全坐下層，因為驚太故意，我應該要保持一點矜持。在車上既佢，無嘢做會望吓窗外風景，但必定聽住部mp3，我諗佢唱k歌把聲都唔錯，至起碼唔係吟沉既聲呱~~

點解講嚟講去都係朝早既嘢?事關朝早等車以至在車上見佢同相處既時間係最多，在學校又唔係同班，連集隊既地方都唔一樣，見佢既機會根本買少見少，如果偶然在樓梯間撞倒，真係感謝上天既綣顧啦~

雖然我淨係知佢讀邊班，連姓名都唔知，更唔洗講年齡或者其他，但我最記得有一次就係吃完午飯返刑學校，一入門就見佢同幾個男仔在踢波，唔係足球,總之係圓形球體既樣，都好似唔係踢，係用手玩，玩緊類似閃避球既遊戲……唔理佢玩緊咩，俾我意外見到佢好動一面就足夠。

講真一句，我知佢既嘢係咁多，名副其實係暗戀，最弊連名都唔知，不過算啦，仲有三日，過多一排可能個樣都唔記得。唯一肯定既係，佢係我中學生涯中最後一個暗戀對象，只有我知道~~就算呢d在其他人角度睇係微不足道既小事，但我會努力記住，對於我嚟講係我暗戀每個我愛既人既方式!

好似有d日記o既感覺