紫霜 2007-12-10 18:15
今晚妳想食乜野?(勁好笑)
男：今晚妳想食乜野？
女：是旦啦！！你話事
男：食壽司好唔好？
女：天寒地凍仲食Ｄ凍冰冰野．．．
男：咁去打邊爐啦，天氣咁凍，打邊爐就最正
女：我前兩日先打過，成日打好熱氣．．．
男：咁去食泰國野或者韓國燒烤好唔好？？
女：都話左熱氣啦，仲要我食呢Ｄ野，你有冇心聽我講野架．．．
男：咁去POKKA好唔好？？ｏ個度Ｄ SET DINNER都幾好食（開始有Ｄ無奈）
女：POKKA好多人，唔想排隊
男：咁去"鋸排"好唔好？？
女：唔想食咁多肉，好肥架．．
男：冇人叫妳食晒件"排" ，或者妳叫碟意粉又或者其他野都得架
女：咁咪即係叫我睇住你"鋸排"，我唔食你都唔準食．．．
男：咁食台灣野好唔好？（有Ｄ火）
女：台灣野好多油，好肥架（撒嬌狀）
男：咁去食粥啦（已經開始"發悔氣"）
女：天氣咁凍，食粥唔飽肚
男：麥記"定 "家鄉雞．．．行啦（江良才盡"發悔氣"，明顯已經唔想諗）
女：都話熱氣落．．（委屈狀）
男：咁不如妳話事啦，我唔想諗啦．．．
女：我就係諗唔到食乜先叫你話事，你比Ｄ主見得唔得（發脾氣）
男：唔係話熱氣，就話肥，我真係諗唔到仲有乜可以食（爆發了）
女：咁係熱氣、係肥"呀嗎"．．我有講錯咩，自己諗唔到就亂發人脾氣（惡人先告狀
)
男：咁去"味千"食拉麵好唔好（死狗狀）
女：唔．．都好，我要食咖哩拉麵／炸餃子仲要食雪糕（明顯係見好就收）
男 : (心諗) 你老味
~神又你鬼又你~咖哩唔能熱氣、炸餃唔能熱氣、仲食雪糕凍能死你!
alexhkhk 2007-12-12 21:30
樓主 注意用詞....
轉帖都要睇睇寫d咩
青蔥歲月 2007-12-13 17:44
其實個男朋友以上提議既都唔錯-0-"
不過條女好鬼麻煩-v-"
vivi218412 2008-4-7 16:21
哈哈~~ 好典形嘅情侶拍拖對話
好搞笑
達b 2008-4-25 18:53
頂唔順!!! :z72:個女朋友要拖去槍斃........
vivi123123 2008-5-27 16:33
哈哈哈哈\注意用詞..