Yuke 2007-8-22 10:22
三隻王八龜
從前有三隻烏龜﹕大力龜、排骨龜、同埋阿珍龜。
有一日，三隻烏龜去爬太平山，千辛萬苦，一年後終於爬到山頂，佢拎出一早準備好杯麵慶祝，大力龜叫阿珍龜拎熱水壺出煮麵食。
阿珍龜﹕「死啦，我唔記得帶呀﹗」
經過一輪辱罵後，排骨龜話﹕「不如我就咁乾食啦，醫肚緊要﹗」
大力龜﹕「唔得!杯麵要用熱水煮先好食﹗」
阿珍龜﹕「咁等我落山去拎啦﹗」
大力龜和排骨龜﹕「好，速去速回呀﹗」
「嗯，你記得等我返先食，唔准偷食呀﹗」阿珍龜吩咐。
過左十年，阿珍龜仲未返，排骨龜話﹕「不如就咁乾食先啦，好肚餓呀，再唔食我好快會死﹗」
大力龜﹕「唔得﹗我應承阿珍龜要等埋佢食﹗」
排骨龜﹕「但係我已經餓左十年。」
之後，連大力龜都敵唔過肚餓﹕「我都係食先啦，等阿珍龜返再同佢say sorry。」
排骨龜﹕「好呀﹗」
正當佢打開個杯蓋想食之際，一把久違十年「龜」聲出現，原來係阿珍龜﹗
阿珍龜瘦到得塊皮但得意洋洋說﹕「哇哈哈哈哈﹗都知道你會偷食啦，所以我匿樹後面等十年，終於畀我捉到你啦﹗」
大力龜、排骨龜︰「@#$%^%$#@……」