Yuke 2007-7-18 23:04
[[完]]當我們學會愛之後~(勁好睇呀)
「喂，死野行快d啦！」
「得啦得啦！」
我叫阿ka，頭先係度吹三吹四個個係阿奈。佢就住係我屋企隔離，我同佢由細玩到大架，絕對係名副其實既好姊妹。
基上我地一日裡面發生d乜都會同對方講，尤其係有仔昅個陣。梗係啦，我同佢最大既嗜好就係昅仔喎，有正野個陣點可以唔講比大家知？我最鍾意昅靚仔，靚得黎有返些少男人味個隻就正晒。而佢呢，就鍾意型仔，有咁型得咁型就得架啦，基本上唔需要理會個樣係點。
大家Taste唔同，so我同佢都可以好肯定咁講句，呢世人肯定唔會鍾意埋同一條仔，梗加唔會有爭仔既情況出現。
「o靚仔，得未呀你？」講緊野呢個叫阿鋒，出晒名靚仔，d女多到不得了。女多還女多，但無一個係佢鍾意既，逢三日就換一次畫，條條女過唔到3day就拜拜。
「等陣駛死咩！都要我整好個頭先行得架！」整緊頭呢個叫阿sam，雖然個樣就唔靚仔架啦，不過勝在夠型，仲要係超級咁型個隻！所以就算佢唔靚仔，d女一樣唔少得過阿鋒。佢最鍾意就係去蒲去玩兼媾女，換女既速度仲快過阿鋒。
跟住仲有個阿龍，佢個樣…靚仔加型仔囉。不過講靚仔唔夠阿鋒黎，講型又未夠阿sam型，十足十阿鋒同阿sam既結晶品。
「阿鋒算啦，等佢整埋先行囉！佢已經夠樣衰啦，仲唔執下佢一陣出去唔駛媾女架啦！」阿龍係度笑，嘲笑個隻笑。
「你個死仔你話，你講乜呀？！我駛媾女架咩？我行出去大把女痴埋黎啦！」
「行啦，咁多野講！仲要過去搵埋兩個男人婆呀！」阿鋒首先行左出門口。
「麻乜煩，叫佢自己死過黎啦！」把口咁講姐，咪又係行左出去。
佢地三個係兄弟黎，呢，燒晒黃紙個隻兄弟呀。咪睇佢地成日係度嘈嘈閉，有起事上黎大家都會為大家出頭架。
我同阿奈同佢地三個都算係由細玩大既，我同阿奈住隔離，而佢地三個就住我地樓上。細細個落公園玩，玩下玩下咪熟左囉。不過由細到大，我同阿奈似乎都係比佢地蝦多，真係好鬼無奈。連講多句野都比佢地串呀陰公！
我都仲好dd，阿龍同我一向無咩兩句，係都係比阿鋒一個串多。阿奈就慘啦，都唔知佢同阿龍阿sam三個係咪前世已經狗咬狗骨，今世兩個男仔都鬼咁鍾意串佢。偏偏阿奈又唔鍾意比人串喎，搞到三個人一見面就火山爆發。
「男人婆，捨得到啦咩？唔好再遲ｄ？」
死八公，遲少少姐，駛唔駛咁呀？我忍你，一大早唔想同你開戰住。
「豬扒包！嘩！一日無見妳姐，又樣衰左既？哈哈！」see？一見面就開波啦。
阿奈啤到佢實一實，睇黎又係時候開戰。「你老母邊q個豬扒包？！你好好咩！set到個頭成隻箭豬咁！」
「我老母就梗係唔係豬扒包啦！但妳係呀嘛！我個頭呢d叫型，係妳唔識欣賞姐！」
「嘩，你呢d叫型呀？！好在我唔係你老母姐，唔係生左你d咁既樣出黎真係要喊三聲tim呀！」
「頂妳個肺呀！我老母不知幾咁愛我呢個仔呀！」
「夠啦，嘈夠未呀？晨早流流黎嘈交。」阿龍睇到佢兩個都覺得煩。
「你第一日識佢兩個咩？當佢兩個唔存在咪得囉。」阿鋒直頭理都唔理。
「邊q個唔存在呀！？」阿sam + 阿奈同時出聲。嘩，駛唔駛咁齊呀？
「行啦…肚餓呀，食埋野返學。」我帶頭行入茶餐廳。
「好過份呀佢地！」阿sam見無人理佢，個樣好唔忿氣。
「咪係囉！真係當我地唔存在喎！」
「挑！我地又黎當佢地唔存在姐！」
「算吧啦，你兩個有邊日當過我地存在架？」
「我地點樣當你地唔存在呀？」又黎，齊得佢兩個丫…
「唔係咩？日日係度鬧交，乜你地有理過我地感受咩？」阿龍鄙視。
「咪係度晒氣啦，再講落去天黑啦，啦啦臨食埋野返學啦。」阿鋒睬你都傻，一於醫肚緊要。
咁就搞左成朝，食埋野都遲晒大到lu。唔緊要，反正我們五個一向都係「例遲」黎既。咩係例遲？咪就係例牌遲到囉！
何況間野雞學校都唔理咁多架啦，最緊要你有錢交學費姐。就算佢地想理，都無人敢對我地落手。我就唔好講啦，一向我都唔多理人地講咩，但係阿鋒佢地同阿奈就唔同啦，你嘈佢一句？哼，佢嘈返你一百句呀！
[[i] 本帖最後由 Yuke 於 2007-9-11 08:46 PM 編輯 [/i]]
Yuke 2007-7-19 11:07
返到學校連門口都未入，已經成班女衝埋黎。
唉，好煩，日日逼到我同阿奈連企都無位企，好心佢地死埋一二邊啦。
「阿鋒阿鋒，你食左野未呀？我買左早餐比你呀！」我真係唔明，點解d女要將把聲調高八度黎講野，咁樣聽落係咪會好聽d？
「唔駛啦，我見到妳個樣已經食唔落。」睇黎阿鋒對條女無咩好感。
鬼咩，條女生到個樣成隻喪屍咁，如果係靚女既話阿鋒一早就跟左佢走啦。
「阿sam呀，我都買左野比你食呀。」嘩，成個身挨晒落去，阿sam今次仲唔食晒「波餅」？益左佢啦，條女個樣仲要唔係差架啵。
「好呀，不如我地搵撻地方慢慢食丫？」阿sam左手搭住條女膊頭，右手就拎住袋野食fing fing下，仲要黎多個淫笑。
「食就食啦，唔知食咩姐。」阿奈見到阿sam個死人樣就講。
「咪理佢姐，我地行囉。」阿sam啤一啤阿奈就攬住條女走左去。
「個個都有野食，我d女死晒去邊呀？」阿龍左望右望，見無女埋佢身就問。
「你彈開啦，你d女一早死晒係我同阿sam手啦，仲輪到你咩。」阿鋒笑，笑得好鬼死奸。
「龍仔！我同你返上去姐！」搞乜？阿奈無啦啦係度發脾氣既？
嬲爆爆既阿奈返到上課室就一直都無出過聲，淨係見佢係咁狂拍張檯，無人知佢發緊咩脾氣。
「好悶呀！有咩好呀？」阿鋒一路講就一路拍我頭。
「你悶關我咩事姐？去搵你d女啦！」唔該唔好一悶就黎搵我啦，好鬼煩呀。
「妳特別d所以咪搵你囉。」
「有乜咁特別呀？唔通我靚d呀？」Shit！一開口就知講錯野，又比佢有位入串我tim！
「梗係特別啦…特別豬d呀嘛！」
「你條粉腸，借d意黎話我豬呀？！我豬你咪去搵你d靚女囉！仲留係度做乜姐！」乞人憎！成日話我豬，家陣我真係咁差咩！
「乜借d意呀？我本來就諗住咁講架啦，點知妳自己講多錯多，比多個位我入姐。」佢望住我奸笑，「就係見得靚女多，要搵妳呢d豬扒黎平衡下心理嘛，唔係見得多會厭架。」
「妖，你去死啦！咪煩住晒呀！」正一死人頭，成日串我好好玩咩！
「妳係咪傻架？你叫我死就死呀？邊有煩住妳姐，妳咪一樣悶到唔知做咩好。好啦…我而家去搵靚女啦，有興趣就黎望下咩叫靚女啦，豬扒。」
吼！！！激死我啦！！！順手拎起本簿一野車埋去，最好可以掟鬼死佢，咪係度阻住晒兼成日串我！！
「嘩！唔夠人串發爛渣呀？！咁粗魯抵妳一世做老處啦！」佢輕輕一閃就避過左本簿。
妖那媽！我就黎比佢激到嘔血啦！乞人憎！死人頭死人頭死人頭！
「你又知我係處？！唔比我唔係架？！PK，去媾你既女啦！」
「唔好玩啦！大家住咁近都未聽過妳屋企有呻吟聲，仲唔係老處？日日都見妳無所事事係屋企，就黎鋪晒蜘蛛網啦！唔同妳講啦老處，拜拜！」
丫！！！！由細串到我大，仲要話我無仔媾！哼！我就唔信我成世無男朋友，等我搵到個陣就威比你睇！睇住黎啦！
「點呀奈姐？悶死啦！」阿龍成個人趴左係張檯度。
「你悶關我春事呀？心情唔好咪同我講野呀！」
「喂大小姐，又係妳叫我上黎陪妳既，而家又唔講野，想點呀？」佢個樣好鬼無奈囉。
「我叫你上黎陪我之嘛，無話我一定要同你講野架喎！」係架啦，阿奈有時就係咁蠻不講理。
「神又係妳鬼又係妳，又唔知係度發咩脾氣。廢事同妳講野，慢慢嬲啦下。」阿龍講完之後就走左去。
第三堂過左之後係個小息，咁岩呢個時候阿sam就攬住條女返黎。
佢一行入門口姐，阿奈就啤實佢。做咩？
「喂豬扒包！係度做緊咩呀？」佢一野就坐落阿奈隔離，順手仲拉埋條女坐係佢大脾度。
跟住…跟住…嘩！阿奈竟然彈起身一手推開條女囉！
「做乜呀？！」
「凳呢，就一個人坐既，唔係兩個人坐既。」阿奈推開左條女之後仲要拍拍手先坐返低。
「有關係咩？咪又係坐！」
「我唔鍾意呀！得未丫！」
「妳唔鍾意關我蛋事呀！豬扒包！」
「你…」阿奈聽到佢咁講個樣即時灰晒，「無野啦…」死囉，咁耐以黎佢兩個見親面都係串黎串去既，從來未聽過阿奈會認低威，搞咩呀今日？
睇今朝係學校門口個情況，再加上佢而家既反應…佢唔係鍾意左阿sam呀？！又會鍾意得咁神化既？！我比自己呢個諗法嚇一嚇，唔係啦，都係過去八下先。
「喂，做咩呀？」我坐低。
「咩做咩呀…？」
「我問妳個樣做咩咁灰呀。」
「邊有姐…」
「咪呃我啦，妳有野唔通我睇唔出咩。鍾意左人呀？」我好似直接左d丫呵？其實我都係估估下架咋，不過唔緊要，直d好d既。
「…鍾意邊個呀…？」
「S．A．M，Sam呀！係咪姐？」我認我而家個額頭係作住個「八」字。
「邊個得閒鍾意個白痴呀！你叫佢去死啦！成日掛住媾女，媾媾媾！鬼唔望佢精盡人亡呀！」嘩…駛唔駛毒到咁呀？睇黎真係有野喎，唔係無理由咁火既。
「係呀係呀，把口咁講姐，個心又點諗呀？」
「…人地有女架啦…」唔對路，佢竟然會眼紅紅？！
「鍾意人咪出聲囉，如果唔係人地點知姐。」死啦，佢會唔會喊架？咁大個人我都未見過佢為條仔喊架啵…
其實我係咪多事左呢？如果我唔提既話阿奈可能未必會咁唔開心，不過算啦，呢d野呃到人呃唔到自己，佢自己鍾唔鍾意佢自己心理有數啦。
阿sam又真係衰d既，日日d女都係身邊四圍咁轉，仲要衰到唔理好醜但求就手，佢話呢d叫食得唔好晒喎，服左佢。
Yuke 2007-7-19 11:08
有人sup..我先post啦...::68
lst199521 2007-7-19 13:23
十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜十 卜1睇呀>.<
Yuke 2007-7-19 13:42
話咁快又到食飯時間。
返學等小息，小息等食飯，食飯等放學。日日如是，悶到爆炸。
阿奈佢仲係好似心情唔多好咁，過左成兩堂都唔見佢講野。
「喂，食唔食飯呀？」點都要問下佢既，無理由由佢自己一個係度呆架。
「唔食啦…」
「妳唔餓咩？唔開心都要食飯架，咪搞到自己身體愈黎愈差呀。」
阿奈身體一向唔太好，成日唔係呢度痛就係個度唔舒服。
「得啦，都話唔食囉…」
「咁算啦，我出去食飯，妳有咩打比我啦。」
阿sam見阿奈仲坐係度，於是就想行埋去叫佢去食飯，點知阿奈一見到佢埋身，即時就起身走人，理都唔理佢。
「做咩呀妳？去食飯啦。」阿sam見佢好似見鬼咁，就跑快兩步追上去拉住佢。
點知阿sam隻手一掂到阿奈，阿奈就一野fing開佢，「咩事呀？！」
「駛唔駛咁大聲丫妳？！好心行過黎問妳做咩姐，唔鍾意咪唔好答囉！」
「我點都唔關你事架啦，咁關心我拓呀！同你d女去食飯啦！」
「發乜神經呀妳？！痴左線呀？！」
妖，阿sam你唔係咁q蠢下嘛！明眼人都睇得出阿奈係度呷緊醋啦！
就係全場人望住佢兩個等待下一步個陣，阿奈突然之間喊左出黎！死啦！點算呀！？見到既人都呆左囉，從來未見過阿奈喊架嘛！
「…做咩呀？無啦啦喊…」阿sam都比佢嚇左跳，即刻拉一拉阿奈隻手。
阿奈又唔出聲，又唔比反應佢，淨係望住個地下係咁滴眼淚。
「唔好嚇我啦，咩事姐？」估唔到個死仔都有d溫柔，見到阿奈喊都識得
Yuke 2007-7-19 13:43
希望有人支持啦::70
Mabel9421 2007-7-19 14:09
支持支持呀::q5
好叻呀你><
十卜!!!
點解無人o既?!
>3<
Yuke 2007-7-19 18:28
阿sam無去到食飯，反而上左天台狂煲煙，唔知係度諗緊咩呢？
樓梯傳黎上樓梯既聲，係今朝同阿sam去「食早餐」個個女仔。
「阿sam你係度做咩姐？唔開心不如等我陪下你啦。」又係送「波餅」個招。
唉，真係唔明而家d女諗咩，一見到型d靚d既就飛到咁埋去。雖然我同阿奈都鍾意靚仔型仔，但我地從來都只係昅咋，而家阿奈鍾意左阿sam就無得講啦，但起碼都唔係叫做自動送上門呀。
「行開啦，唔駛妳陪呀。」語氣有d重，睇黎心情真係唔係幾好。
「講啦，有咩事我可以同你分擔架喎。」擔…唔知擔咩呢但係。
「妳邊位呀！要妳同我分擔？！多謝晒喎！」
「耶，你好衰架！唔好咁啦。」
嘔！真係想嘔，佢「耶」個下真係姣到阿媽都唔認得囉。
「彈開啦！姣婆！」
「你今朝都唔係咁講架，仲話好鍾意tim。」人地都講到出面啦，條女仲要係度挨身挨世，想話佢唔係發姣都幾難。
就係呢個時候，阿奈咁岩又行緊上天台諗住食支煙。一打開度門就見到阿sam同條女企左係度，雖然距離有d遠聽唔到佢地講緊咩，但係憑動作就咁睇，阿奈以為阿sam又同條女係度搞緊野，即時就轉身跑返落樓下。
死仔，你盲架咩！咁大個人影都見唔到！
「喂，不如你問下阿sam鍾唔鍾意佢啦…」一路食飯我就一路諗，咁樣落去都唔係辦法，都係叫阿鋒問下當事人好d。
「問黎都晒氣啦。問左，佢答唔鍾意既，咁妳講唔講佢知好呀？」
「咁又係…」我嘆左口氣，「但係見到阿奈咁既樣，連我都覺得唔好受…」
「邊理得咁多呀？妳理掂妳自己先啦，男人婆。」
「好啦喎你！做咩又燒埋我度姐！」激鬼死！好聲好氣同佢講野都要串我既。
「鬼叫妳八卦呀？妳唔出聲咪唔會比我串囉。食快d啦，食完返學呀。」
「你…你個賤精你話！乞人憎！」再咁落去我真係遲早比佢激死。
「我賤我認，我賤妳都同我講野妳咪仲賤？低能。」
「……」無言…我唔知可以再講d咩，完全係比佢呢句技術性擊倒囉。
唉…嘔血…丫，唔係，係噴血先岩。
當我地食飽飯返到學校想行上課室個陣，竟然就比我地發現阿奈坐左係樓梯度。
「妳又做咩呀？無啦啦坐係度。」我走埋去佢身邊問。
阿奈佢無出聲，一望佢隻眼…嘩！即時嚇親我囉！搞咩黎呀？！比人打呀？！紅到咁既？！
「妳無事呀？！隻眼咁紅既？！」我見佢擰左下頭又繼續問，「唔好咁啦…話我知咩事好無？」
「咁八做乜丫，一睇就知佢喊過黎啦！返上去啦！」
你個死仔出少句聲無人話你啞架！鬼唔知佢喊完黎咩，就係唔想佢喊先係度陪佢咋嘛！
「…返上去啦…我靜下無野…」又係靜下無野，話無野就假既，不過比佢冷靜下都好。
「咁我返上去先啦…妳靜完好返上黎啦，唔係我會擔心架。」
個死仔sam又唔知同阿奈講過咩黎啦！搞到佢隻眼仲紅過頭先！
我地返到上課室都見唔到阿sam，直到上堂上到一半佢先見人。
「你個死仔去左邊呀？」阿鋒問佢。
「係天台煲煙之嘛…」
「去搞野呀？」阿龍問得漫不經意。
「搞咩呀…？」
「你無野呀？反應差左咁多既？咁都唔明我講緊咩？」
「咩呀？都唔明你講咩？」
阿鋒見阿龍係度打亂哥柄，就將阿sam拉埋一邊問，「你又同佢講過d咩呀？」
「邊個佢呀？講咩呀又？」阿sam個樣有d唔耐煩，似乎阿奈件事對佢都好大影響下。
「奈呀！頭先返黎見佢坐係樓梯度喊到隻眼腫晒呀！仲唔係你同佢講過d咩？」
「我邊有同佢講過野姐？我成個lunch都係天台…」阿sam講到一半停左落黎諗，成間學校得天台係我地經常去既煲煙地點，頭先阿奈會唔會咁岩又走左上去，點知見到條女同佢攬身攬世，以為佢又同條女搞野，跟住傻到走返落黎喊呢？當佢諗到呢度個陣佢已經衝左出門口去搵阿奈，就連係後面叫住佢既阿鋒都無理到。
阿鋒見到咁梗係無癮到爆啦，鬼咩，都未八夠個當事人就走左去，八鬼八馬咩。
去到樓梯既阿sam見阿奈一條友坐係度，靜靜雞就行左埋佢隔離坐。但佢無講到野，亦都無做d咩，大概係想阿奈先開口掛。
「你…黎做咩…？」明顯阿奈死忍緊d眼淚，睇佢講野仲係窒下窒下就知。
「妳頭先上左天台？」
阿奈聽到呢句真係想大喊，一諗起頭先個幕佢就心都嗡埋。
「見到我同條女係度？」
如果我係度我真係會鬧鬼佢囉，有無搞錯呀？見到佢喊成咁仲要刺激佢！？
阿奈烏低身，愈喊愈傷心愈唔比自己出聲。
阿sam見到佢咁，本能反應就攬住左佢。「傻妹唔好喊住先啦…」
「我無野…你返上去啦…」無野就假，聽把聲都聽得出仲喊緊啦。
「我問妳，妳係咪鍾意我？」喂喂喂，你而家先黎問會唔會遲左d呀？
「咪痴線啦，點會鍾意你姐。」阿奈起身想走。
大話呢，呃到人就呃唔到自己既，係唔鍾意就唔會喊成咁啦。
「真係唔鍾意我？」呢招係咪叫做死纏爛打呢？「我頭先諗得好清楚，」轉個背佢就係後面攬住阿奈，「我覺得我地都係…」講清楚d好唔好？吞吞吐吐咁。
「得啦，我無野呀，我明架啦。」阿奈出晒力想fing開阿sam。
「做咩姐？我都未講完，」佢拉住阿奈，面對面望住佢講，「我想話我覺得我地都係拍拖好d呀。」
「…唔…唔好玩啦…」轉變咁大，一時之間難接受係正常既。
「邊個同妳玩姐？妳知我咁耐以黎都未叫過其他女做我女朋友架，妳係第一個。」
做乜鬼呀阿奈妳！出聲啦！佢而家媾你啦，比少少反應好唔好！？
「點姐？做唔做呀？」阿sam低頭望住佢。
「…是但啦…」口不對心咪就係呢d囉。
「有得是但架咩？我係要親耳聽到妳話做呀，然後叫多聲我老公先得。」口花花係佢強項，難怪咁多女死係佢手上啦。
「下…？」阿奈好似唔係好頂得順啵，塊面開始泛紅。
「下咩姐？做就講啦，乖。」陰聲細氣仲要鬼咁溫柔，唔死就奇囉。
「…做囉…」阿奈把聲愈變愈蚊滋。
「咁叫聲老公黎聽下先啦！」呢條友仔，真係比佢笑死。
「…老…老…老公…」
「係老公，唔係老老老公，叫多次。」
「…老公…」噢！God！阿奈變左隻小綿羊啦！
「老婆，」阿sam笑左下，然後痴埋阿奈耳邊細細聲講，「我愛妳…」
死囉，好彩我唔係現場姐，如果唔係我一定會嘔死囉，肉麻到咁。
「返上去啦…夠鐘上堂啦…」哈，有人怕羞啵。
「頭先又唔見妳咁講？唔得呀，我要錫返啖先。」
阿奈本來想出聲反抗，但係佢未講到野之前，阿sam已經一啖咀左落去。哈哈，唔知阿奈暈未呢？
佢兩個真係有夠戲劇化，咁就係埋一齊lu。
Yuke 2007-7-19 18:30
回覆 第7樓 Mabel9421 的帖子
都冇人會支持我ge::68::68
Yuke 2007-7-20 21:44
差唔多到就黎放學個陣，先至見到阿sam阿奈兩個拖住手仔返上黎。
咦咦咦！？拖住手仔？！再望下阿奈個樣，嘩！蕃茄上身呀！
阿鋒、阿龍同我見到都呆一呆囉，我相信個一刻有個疑問同時間係我地三個腦入邊升起：唔係咁快就係埋一齊下嘛？！
「喂，你兩個仲唔過黎叫阿嫂？」
阿鋒第一個有反應，即時就搵隻手指撩下隻耳，睇下有無聽錯野。「我無聽錯嘛？你叫我叫邊個做阿嫂呀？」佢簡直就愕晒然啦，咁多年黎都未聽過呢句喎。
「我而家攬住邊個咪邊個囉！」
「…阿…阿嫂…」阿鋒的確好唔習慣，突然之間就多左個阿嫂喎。
「龍仔，到你啦。」阿sam一邊滿意地點左下頭，一邊望住龍仔講。
「做咩要叫？」奇怪，阿龍由頭先知道阿奈鍾意阿sam開始，一直個反應都係冷冷淡淡咁──除左八卦個陣。
「咁你而家係咪唔叫呀？」
「係呀，吹咩。」
「你個死仔你話，咁都唔比面。」
「算啦算啦，我地返過去坐啦…」阿奈一方面幫阿龍解圍，一方面佢都比我地望到唔知做咩好，唯有盡快返位坐啦。
「好，今次就聽老婆話，下次要叫架啦。」阿sam攬住佢行返埋位。
「睇黎個死仔今次黎真！」阿鋒係我隔離細細聲講。
「我都係咁話，咁耐以黎都未聽過佢叫d女做老婆既。」
「係囉，我真係趺晒眼鏡，我仲以為佢會唔show阿奈tim。」
「而家咪幾好，阿奈佢幾開心呀。」望到阿奈個笑容就知佢而家有幾甜啦。
「做咩呀妳？唔抵得呀？」
又黎啦，救命。
「我有話過我唔抵得咩！？」
「一睇妳個樣就知妳唔抵得啦男人婆！算吧啦妳，睇黎呢世都無人要妳架啦！」
「就算真係呢世都無人要我都唔會揀你呀！」
「唔好意思喎，就算妳揀我我都唔會要妳。」
…點解！點解次次都唔夠佢黎…算啦，我都係出少句聲，免得比機會佢再串我。
咁耐以黎我係佢地面前都打扮得好男仔頭，無他既，放便活動嘛，自己又唔係太鍾意咁女性化呢。有時求求其其一件T加牛仔褲咪算囉，再加上自己又唔會好似其他女仔咁溫溫柔柔細細聲咁講野，所以佢地咪一直以黎都當我男仔囉。
雖然我係眼淺，見到其他唔開心既野咪會喊囉。但就同阿奈一樣，從來未試過為其他男仔喊，或者係我未搵到個鍾意架啦。
而家眼見個好姊妹都有拖拍啦，自己都仲係孤伶伶一個人，話就話唔在意呢d野姐，但唔多唔少都會想有個人追下架嘛。唉，都唔知幾時先搵到個我愛佢佢又愛我既男仔。唔係真係比個死人鋒講中嘛，呢世都要做老姑婆咁陰公？！
「喂，今晚去邊呀？」放學時間，阿sam攬住阿奈行過黎問。
「問黎都多餘，仲有邊度去呀？」阿鋒啤左佢一眼。
「咁即係落D啦。」
「知就好啦，仲問。拍一拍拖唔係咁快就傻左嘛？」
「問下係咪唔得呀家陣？」
「廢事理你。」
咪睇佢地三個係學生哥，其實咪又係古惑仔一名。
阿鋒個老豆老母死得早，留低佢同
Yuke 2007-7-20 21:45
∼∼第二日∼∼
蒲完一晚
Yuke 2007-7-20 21:45
等左幾個字，阿鋒佢地終於換好衫出黎啦。嘩，唔望都無乜野，一望就嚇親我。估唔到佢地幾個著起套老西上黎仲型左囉！尤其係阿鋒，簡直成個吳彥祖既化身咁！Shit，咁既樣我咪無得報通粉仇囉？！何況…做乜我會望住佢望到眼都唔斬既？！仲有種心跳加速既感覺tim…我唔係因為佢呢個造型而鍾意左佢呀！？痴線！做咩我會有咁既諗法架！唔會既，一定唔會既！幻覺黎架姐，嚇我唔到既！佢隻死人樣我都睇慣睇熟架啦！點會以前唔鍾意而家先黎鍾意呀！我先無阿奈佢咁神化！
「…老公…」阿奈見到阿sam著西裝個樣都呆左，仲要面都紅晒囉，哎，真係頂佢唔順。
「嗯？」阿sam企係佢隔離望住塊鏡拉拉件衫。
「你…好型呀…」好嘔心既對話，想死。
「哈，我知呀傻妹。」佢兩個又攬埋一舊啦。自從拍拖個日到而家，佢兩個幾乎廿四小時都痴埋一齊，真係恩愛到暈囉。
「妳地仲未揀好呀？」
「未呀，花多眼亂。」嘩，溫柔得佢丫，平時又唔見佢用咁既聲氣同我地講野！？
阿sam望左一陣，隨手就拎起件粉黃色既吊帶連身長裙，「就呢件啦，妳著起應該幾靚。」又的確揀得幾好既，阿奈既身材幾好，身高又唔算太高，著起長裙拉高左佢會顯得更加清瘦，「去換黎睇下。」
「嗯。」真係聽話，拎左條裙之後就啦啦臨去換。
而我…唉，咪提啦，依然未搵到件岩既。
「喂，揀咁耐架妳。」
死人頭行過黎乜呀？我唔慣同著到咁既你講野呀，走開走開！
「揀唔岩咪揀得耐囉…」搞乜自己講野態度軟化左架？！你仲有仇未報架！清醒d！咪比機會佢先得架！
「是但啦，反正妳著咩都無人睇架啦。」
「……」串佢啦！串返佢啦！佢而家串緊你呀！搞咩唔出聲呀！
「呢件啦。」佢貌似求其咁拎左條裙就塞落我度。
我一睇即刻眼都突埋。唔係掛？！一條湖水藍色既及膝裙，前面低胸後面露背，側面仲要黎多個叉，咁鬼暴露叫我點著上身呀？！
「仲企係度做咩姐？去換啦」佢一手就推左我入更衣室。
話佢生番、野蠻真係無錯架！成世都唔肯聽人講野！我野都未講咁快推我入黎做咩姐！
望下手上面條裙…我真係有d懷疑囉，咁鬼細件岩唔岩著架？一陣著爆左咪好瘀？！出去個陣又要比佢地笑，仲要賠錢喎！唔係啦，都係叫阿奈黎睇下先好d。
輕輕打開度門，出面無人啵。
「喂阿奈，你係唔係度呀？」我盡量壓低把聲問隔離。唔大聲得架，如果唔係比阿鋒聽到又會話我婆婆媽媽架啦。
「做乜呀？妳仲未換好呀？」佢突然企左係我度門前面，妖，嚇死。
「乜妳咁快換好架啦？」
「做咩妳仲唔換呀？」
「我唔知件衫岩唔岩著呀…」
「點會唔岩姐？」
「好樣衰喎，成世人都未著過d咁既衫，我又肥…妳知啦，一齊著爆左會比阿鋒笑架嘛…」
「有咩咁樣衰姐？大把人都係咁著啦，咪煩啦。」
「不如妳唔好出去搵佢地住，等我換出黎比你睇左先啦…」
「哎，好啦好啦，快d呀！」
就係我係入面咁岩換好條裙想開門出去之際…
「喂，妳得未呀？！咁q耐既？！」
一聽到阿鋒把聲，我即刻「呯」一聲閂返度門！死啦，點解佢會係度架！咁樣著住出去，會唔會比佢笑架？！
「佢驚比你笑呀。」阿奈一見到佢就講。
妖，唔好踢爆我得唔得呀！？明知我最怕比佢串都仲要踢爆我，唔係姊妹黎架！
「痴孖筋，有咩咁好笑姐，出黎啦！」
好啦好啦，反正都係死，要死都要死得英勇d！出就出啦！
我深呼吸左啖，鼓足勇氣一野推開度門！
一出黎，全場，靜晒…喂，咩事呀？搵人講下野好喎大佬…我好驚喎…唔係真係咁樣衰姐下嘛？
「好索…估唔到妳平時收收埋埋都幾有料到。」阿奈第一個有反應。
拜託！我完全同個「索」字扯唔上關係啦！
「睇唔出妳身材都幾好。」阿龍係第二個有反應既，但佢個答案仲令我驚訝！
「佢平時著黎著去d衫仲大件過我著個d，梗係睇唔出啦。」
我o晒嘴，乜…我有佢地講得咁好咩…心諗中…我一d都唔覺囉…
最奇怪既係，我出左黎咁耐阿鋒竟然都無開過聲，我仲以為佢實會串我tim。下意識偷望左佢幾眼，見到佢只係望左我一陣之後就調頭走左出去。
做咩呢？係咪我真係著得太樣衰所以佢都廢事話我呢？
「喂，岩就行架啦，
Yuke 2007-7-20 21:46
∼∼夜晚∼∼
每逢夜晚我地就會落樓下間茶餐廳度食飯，基本上個度可以話係我地既飯堂黎架啦。加上阿鋒佢地同班兄弟成日都係度聚腳，所以無論同d伙計定係個老闆娘，我地都已經混到熟晒lu。
「龍仔，阿sam呢？」
「盲架？唔係度即係未到啦。」
「你傻架？唔見人就代表佢未到架啦？q知佢會唔會去左廁所或者去左買野。」
「係係係，你岩你岩。」識收聲都算你醒目，唔係既話又會未食飯先開餐架啦。
「打個電話比條粉皮先。」
（接駁鈴聲：如妳若有事我會很寂寞，我獨個行樂怎可快樂…）
「喂？」
「喂，你死左去邊呀？」
「而家咪落緊黎囉，吹！行路都要時間掛？！」
「快啦！」
三個字之後，阿sam終於落到黎。
「捨得黎啦咩？等左我成幾個字。」
「頭先條女話想食魚蛋咪落黎買左比佢先囉，咁咪遲左囉。」
「你今次玩認真架？」阿鋒聽到佢話去買野食比條女，個樣好似好出奇咁。
「好出奇咩？」
「我真係覺得好出奇囉，估唔到一個情場浪子竟然會玩認真。」
「痴線，玩咁耐咩都玩夠啦。」
「嘩！乜原來你都會覺得玩夠架？我以為你唔會tim！」
「車！你個陣夠玩認真啦！係你一直見唔返佢先繼續玩女姐！」阿sam呢句一出，大家即時靜左落黎。
「死仔，講錯野啦，食野啦。」阿龍見唔對路，即時解圍。
「邊有講錯姐，呢d野遲早都要講架啦，何況我唔提佢自己都會諗架啦。」阿sam反駁。
「由佢啦，反正呢樣野我點都忘記唔到…佢講得岩既，佢唔提，我自己一樣會諗起…」阿鋒既眼神突然有d空洞，就好似係度回憶緊以前某d野咁。
「話時話你仲有無搵佢？」
「無…佢阿媽唔比我搵佢。」
「唉，佢老母又係既，都咁耐啦，咩都過左去啦。」
「唔怪得佢阿媽既，係我搞到佢個女咁…」
「你又唔好傻啦！邊個會想發生d咁既事呀？你估你個陣唔傷心唔嬲咩？」
「咪係，」阿龍飲左啖酒，「你鍾意得佢你都唔會想佢咁啦。」
「我地都好耐無見佢啦，唔知佢而家點。」
「…我…都好想知…」最後個「知」字，幾乎細聲到聽唔到。
「算啦，佢終有日記返起你就會黎搵你既。」阿sam見到阿奈行入黎既身影，「呢頭講完呢頭散，阿奈佢地到啦，唔好再講啦。」
Yuke 2007-7-20 21:46
「係度講緊咩呀？」阿奈行入黎就好自然咁坐低係阿sam隔離。
「無呀，吹下水之嘛。」
「吹水吹到我地一黎就靜晒？係咪有野唔比得我地知？！」
「邊有姐，咪亂諗啦。」
「你唔准呃我架！比我知道你有野呃我你就死！」
「係啦係啦，唔敢呃妳呀女皇大人。」
「喂阿ka，做咩仲唔坐呀？」阿奈見我仲戇居居企係度就問。
其實我唔係唔想坐，只係唔知應該坐邊姐。
阿奈一定係阿sam坐埋一齊架啦，阿龍就夾住係阿sam同阿鋒中間，得返阿鋒隔離個位…但係…我又唔係好想坐佢隔離喎…
平時我實諗都唔諗就坐落去既，之不過今日…
「做咩呀？」阿鋒望住我。
「下！？無無無。」都係乖乖地坐低好，唔係一陣又比佢串架啦。
「啦啦臨食埋野走啦。」
「得啦，吹吹吹！」對於阿奈黎講時間就等於廢物，佢理得你一陣仲有咩要做丫，總之就黎一個慢條斯理。
「咪係囉，比我老婆慢慢食得咪唔得姐？」
「得實得架，你地慢慢囉，我走先。」阿鋒講完之後真係起身走左去。
「佢發乜神經呀？」
「由佢啦，佢有心事。」
有心事？睇佢既背影好似唔多開心咁，唔知咩事呢？
做咩呢？我做咩要去關心佢？佢唔開心，我心情都好似跟住佢一齊低落咁，但係佢有咩事都唔關我事啦！做咩我要係度諗黎諗去？另一方面，我又真係好想知道佢發生咩事tim…但係又無理由走去問佢架？
「阿龍，佢咩事姐？」唔問佢姐，問阿龍得啦掛。
「咪八啦妳，由佢靜陣無野啦。」
又係靜…一個二個都係咁，有咩事都唔肯講，算數…
∼∼幾日後∼∼
呢幾日都無咩事發生。
阿sam同阿奈仍然係咁恩愛，經過一個禮拜之後，佢地已經進化到同居既地步啦。太恩愛，有時就連我地幾個都頂唔順。
阿龍仲係日日過佢媾女&比女媾既生活，都唔明佢，咁多年都係咁，唔悶架咩？
而我同阿鋒，大家見到都仲係尷尷尬尬咁，呢幾日少左同佢串黎串去，大家都覺得好似有d唔妥。
「喂，妳係咪鍾意左阿鋒姐？」上上下堂，阿奈無啦啦走埋黎好直接咁問我。
其實五個都係八公八婆，何況大家都關心大家，所以八黎八去呢種情況實屬正常。
「下？唔係呀。」
「咪扮野下，妳個陣都係咁問我架。」
「咁妳個陣答我唔係係妳口不對心姐，而家我真係唔係丫嘛。」
「係唔係就妳自己先知啦。」
「唔係呀…」
「咁妳同佢呢幾日搞咩姐？大家好似唔揪唔睬咁。」
「我點知姐…我都唔知搞咩…」我趴左係張檯度，鬼知做咩喎…我都想知佢呢幾日做咩唔串我，如果佢串下我都仲好呀，起碼好似以前咁，唔駛咁尷尬。
「問多妳一次，係咪鍾意佢姐？」
「都話唔係囉！」哎呀！好煩呀！問完又問，咁八做乜姐？
「哦，咁算啦，妳話唔係就唔係啦。」講完之後佢又行返埋位坐。
「傾咩姐妳地？」阿sam見到我個樣咁煩就問阿奈。
「無呀，我問佢係咪鍾意阿鋒之嘛。」
「咁佢點答妳呀？」
「咪例牌否認囉，有邊個鍾意左之後真係會認架？」
「有呀，我囉。」
「咪得你一個先會咁唔知羞囉。」阿奈笑，笑得好甜。
「係呀，我係唔知羞呀。可惜有d人就係鍾意我咁唔知羞呢。」哈，話左阿sam係溝女高手黎架啦，咁都比佢兜到黎
Yuke 2007-7-20 21:46
∼∼酒樓∼∼
好鬼悶呀…d人我又唔係咁熟，阿sam又掛住同阿奈係度晒恩愛，阿龍就更加唔駛講啦，又係係度比女媾，咁多姊妹團佢仲唔乘機咩。阿鋒…同緊阿言佢地幾個兄弟係度劈酒囉…我知佢既酒量一向都好好既，但係唔知點解，見到佢係咁飲係咁飲，我竟然有d擔心佢會醉囉。望下望下，我開始係度笑，可能係佢既笑容吸引到掛，佢笑起上黎個陣真係好靚仔，唔怪得可以引死咁多女啦。
玩到差唔多尾聲…我真係悶到就黎訓著囉。雖然一直都有其他仔黎埋showoff兩句，但三唔識七我又唔知同佢講咩好。
好老實講，我最怕就係去飲，一個二個三唔識七咁，仲要坐定定睇住人地幸福，真係就算有幾多好野食都嘔返出黎啦。
「喂，阿ka！成晚都唔見妳飲酒！妳一定要飲呀！」阿言已經醉到七七八八，連行步路都企唔隱。
我唔係好識飲，不過飲 一兩 杯都應該仲頂得住既，話晒今晚係佢結婚既大喜日子，點都要比下面既。
我拎起杯酒慢慢飲。嘩，好辣呀！飲第一啖之後我就發現自己真係唔適合飲酒，飲晒成杯之後個感覺好想死囉。
「好！黎黎黎，飲多杯！」佢再係我個杯度倒酒。
好啦好啦，見係你結婚咋，如果唔係睬你都傻。
飲多杯已經唔得啦，開始有d腳浮浮頭暈暈既感覺，喉嚨仲要好似比火燒緊咁。咁鬼辣既？咩酒黎架？佢係咪拎左支辣椒油比我當酒飲呀？
「再黎！」
「下？！唔啦唔啦！再飲我醉架啦！」真係唔可以再飲落去，唯有推得就推。
「係咪咁唔比面呀？！飲多杯！」
唔係唔比面你呀大佬，而係我真係唔識飲丫嘛…再飲落去我醉硬架，到時出羞之餘仲要麻煩阿奈佢地抬我返屋企就唔好啦。
「阿言咪蝦佢啦！我幫佢飲！」阿鋒一手搶左杯酒，一手拉住阿言行去另一邊。
「你幫佢頂？好！咁飲多幾杯！」呢位言兄係呢刻真係名符其實既醉貓。
奇又奇在阿鋒幾時會咁為我著想？平時佢係咪都由得我死就死架啦。
我無數清佢地個晚到底飲左幾多杯，淨係知道佢地都貓晒。
阿sam同阿龍都仲好d，起碼都仲行到路。但係阿鋒就因為同我頂左唔知幾多杯，已經好似一堆爛泥咁，行都行唔到。
「喂，你點呀？！」我扶住佢。
大佬，你男人黎架，已經夠晒重架啦，仲要貓鬼左，我就黎支持唔住啦，可唔可以請你企返好些少呀？
「…嘔！」Shit！呢頭未講完轉頭佢已經嘔到一地都係，我頂！
好彩酒樓附近就有的士站姐，如果唔係我同阿奈都唔知點抬佢地返去。
落車之後仲要同佢地黎一場大混戰，先捨得企得得比我地扶住黎行。
幾經辛苦，我同阿奈兩個先扶到佢地三條友返屋企。
「ka，妳搞唔搞得掂呀？」阿奈幫手扶左阿龍入屋，跟住問我。
「得啦，妳去照顧妳老公啦。」
「我等佢訓左先過黎睇龍仔，妳睇住阿鋒啦。」
「ok啦。」
阿sam簡直好似一條爛
Yuke 2007-7-20 21:46
幾經辛苦拎到阿鋒條屋企鎖匙，又幾經辛苦終於都打開度門，再幾經辛苦扶埋佢上床，要完成呢一連串動作，首先要同佢角力一番。
唉，又會醉成咁既？平時又話自己幾好酒量幾飲得，而家咪又係貓左。
返到入屋仲要嘔到一地都係，咪啦，都係同佢換左件衫先扶佢上床。褲我就唔同佢換架啦，容乜易一陣比佢話我非禮佢架。
死仔包，又唔係唔知自己又重又大隻，換衫個陣仲要係度左郁右郁，搞到我成身出晒汗先幫佢換到。
執好晒d野之後我就坐左係床邊望住佢。望下望下又覺得佢訓著個樣真係幾可愛既，成個BB仔咁…如果佢唔係把口咁衰，咁就完美啦。突然覺得自己可能真係鍾意左佢囉…望到佢訓得咁舒服，個心反而覺得好甜…
其實我係一早就已經鍾意佢丫，定係而家先開始有覺得？我望住佢訓覺，一路望就一路諗呢個問題，時間關係加上頭先飲左酒，終於我自己都忍唔住趴左係床邊訓著左。
訓到半夜，突然有人拍我。
「嗯…？」咪郁啦，訓得咁舒適咪比我訓多陣囉，做咩嘈住晒姐？
「喂，起身啦…」
哎呀，邊個咁煩呀？訓得好地地係度搞住晒。
咦？有d唔對路喎，係我自己屋企無理由有男仔聲架。就算d fd上黎訓都唔會嘈住我訓覺啦。但而家聽到把聲明明就係男音黎既，咁我到底係邊個屋企？定抑制有人黎左我屋企？無理由撞鬼下嘛？！
唔好怪我呀，咁訓到矇矇矓矓就唔記得咁多架啦，我成日都唔記得自己訓緊個陣做過d咩講過d咩架。
好努力既上下眼皮經過一輪掙扎終於捨得張開，抬起頭望下上面，咦？乜有個心口對住我既？下意識之下伸手摸左一下個心口，即時就聽到有人係度叫。
「喂！你非禮呀？！」把聲好熟，我係邊度聽過呢？再抬高些少個頭望望先。
「嘩！」嚇死人咩！成個人頭塞係我面前，嚇到我醒晒不突止，仲要叫左出黎。原來叫我起身個個係阿鋒囉，見到佢個樣我先記起自己擒晚送左佢返黎之後就係度訓著左。
「撞鬼你呀？人嚇人無藥醫架。」佢比我嚇左跳，向後彈左下。
「人嚇人個個好似係你喎！無啦啦隊個頭係人地面前！」我比佢嚇完之後睡意全消，趴係度訓左咁耐搞到條頸有d酸定，於是坐返正鬆鬆d骨。
「鬼叫妳叫極都唔起身呀？」佢d酒睇黎都好似醒晒啦，仲可以咁清楚地同我講野兼串我就知佢無咩事啦。
「唔起身你就要扮鬼架啦咩。」擒晚抬完佢返黎我都
Yuke 2007-7-20 21:47
我同佢一齊行左出房。我就去廚房煮野食，佢就坐梳發度睇電視等食。
放心，佢屋企我熟晒架啦，以前都成日過黎玩過黎訓。雖然係第一次係佢屋企煮野食姐，不過佢廚房d野放係度我大約都知既，事關我地都成日過黎打邊爐架嘛，所以絕對絕對唔會搞出個大頭彿既。
何況煮個公仔麵煎幾條腸同幾隻蛋姐，又唔係叫我煮九大鬼，我實得架喎。
「食得。」十五分鐘之後我已經拎住兩碗香噴噴既麵出去。
一路食一路睇電視，大家都好專心同自己面前碗咁香咁吸引既麵係度角力。我突然諗返起幾日前我個「通粉仇」，有仇不報非淑女！為左我碗通心粉，本人在此發誓，終有一日我要報仇！
不過…望一望佢個死人樣，覺得好無奈囉…佢會比機會我報到仇先講啦…
食飽飽執好晒d野之後，我同佢繼續坐左係廳睇電視。岩岩食飽野無理由即刻訓姐，何況我同佢都醒晒囉，睇怕有排都訓唔返。
半夜三更，電視做緊唔知咩午夜劇場。無睇到開頭，完全唔知套戲講緊乜，淨係知道去到中間某d位就梗係會出現床上戲。
「…不如我地又試下囉？」電視岩岩播到個女主角同個男主角攬埋一舊係張床度碌黎碌去，突然就聽到阿鋒無啦啦問我。
「下！？」好彩我呢刻無飲緊野姐，唔係真係咩都噴返晒出黎，我無聽錯佢無講錯下嘛？！
「我話我地不如又試下。」
「痴線！」廢鬼事理佢，呢d野都可以拎黎試架咩？都唔知佢個腦裝乜。
「妳唔敢呀？」
大我丫而家？！你都傻既，咪以為咁我就會上當，呢d唔係話試就試架嘛，一於唔鬼理佢，我唔理你睇你奈我咩何！
「唔出聲我當妳唔敢架啦喎。」
忍，我忍，我繼續忍！唔理佢就無事架啦，唔好理佢唔好理佢。
「咁又係既，老處咩都未試過梗係唔敢架啦，算啦算啦，我明既。」
「啪」理智斷裂。「試咪試！驚你有牙呀？！仲有，我唔係老處呀呀呀呀呀！」
係最尾個「呀」字音都未落，阿鋒突然就將我推低係梳化，而佢成個人就騎左係我上面。
我比佢突如其來既舉動嚇到唔識得發聲，淨係識得眼仔碌碌咁望住佢。而佢，又係眼定定咁望實我。
呢一刻四目交投，我先遲鈍地記返起自己對佢既感覺。即刻，我就feel到自己耳仔開始熱，心跳加速，呼吸困難…
「…你…做咩…」佢個樣而家大特寫咁係我面前出現，識左咁耐第一次認真咁望住佢，先發覺原來佢對眼好靚，好似識放電咁。
「你話試架嘛。」佢嘴角扯起個下似笑非笑顯得佢個樣…好淫賤。
愈痴就愈埋，愈埋我心跳就愈快，成身僵硬晒，就好似比人點左穴咁郁都唔識郁。
「咪…咪玩啦…」我輕輕推開佢。
「怕羞呀？」
「痴線…放手啦…」
好明顯佢就唔會聽我講啦，愈叫住佢就痴得愈埋，我走又走唔到，救命呀…
見住佢個嘴愈貼愈近，本能反應我就愈縮愈後。
拿拿拿！！警告你咪錫落黎呀！你錫落黎我咬你架！我叫救命架！叫埋非禮架！強姦呀！行開呀！
個刻我真係好想有人打黎暫停呢個局面囉…平時半夜三更都幾廿個電話，今晚就水靜河飛，都唔知係咪成班夾埋黎玩我。
短短三十秒，我個腦足足轉左幾圈，係度諗點走好呢，佢錫落黎既話我應該點做，點解又無人打黎之類既問題。
但係呢三十秒入面無人打救過我，終於…
當佢錫落黎，嘴唇貼嘴唇個下，我feel到自己成個人好似觸電咁震左震，本來硬屈屈既身體開始慢慢軟化，個心好似快到就黎跳出個口咁，甚至乎連呼吸都開始覺得困難。
個一晚，係環境、情況、氣氛既驅使下，我就將我既第一次比左阿鋒。唔好話我open，事實係我都唔知點解自己唔反抗。而家我終於都明白阿奈對住阿sam個點點解會同對住我地個陣相差咁遠，原來女仔就算平時幾粗魯幾唔識溫柔都好，係對住自己心儀既人個陣，都會自自然然變得小鳥依人。
「仲痛唔痛…？」完事之後佢攬住我訓係床度，一路摸我個頭一路問我。
突然發現原來佢都幾溫柔，佢順住d頭髮摸個下我真係覺得自己好似個小朋友，好似比佢捧左係手心寵咁。
雖然發生呢次關係並唔係我意願，咁如果唔係佢做主動先既都唔會咁啦，但我亦無話後悔發生左既，反而覺得呢次會係我人生既一個轉變。
經過左頭先一輪翻雲覆雨之後，我已經唔知點面對佢好，佢問我野，我唯有擰下個頭就當答左佢。
之前成日聽人地講，梗係話第一次一定好痛呀個d，但自己試過之後又唔覺得太痛，唔知係佢技術好定還是係我既問題啦。
奇怪地，我同佢之間無問過鍾唔鍾意大家，亦都無講過任何一句要拍拖既說話，大家都好似好有默契咁對呢類話題住口。雖然大家都無講過d咩，但係愛情既感覺已經慢慢係我心入面漫延。
做左十幾年人，到今日我終於第一次嘗到愛情既味道。
===================================================================
當你看著我，我沒有開口已被你猜透
愛是沒把握，還是沒有符合你的要求
是我自己想得太多，還是你也在閃躲？
如果真的選擇是我，我鼓起勇氣去接受
不知不覺讓視線開始閃爍！
噢第一次我，說愛你的時候，呼吸難過心不停的顫抖
噢第一次我，牽起你的雙手，失去方向不知該往哪走
那是一起相愛的理由，那是一起死守
噢第一次吻，你深深的酒窩，想要清醒卻沖昏了頭
噢第一次你，躺在我的胸口，二十四小時沒有分開過
那是第一次知道，天長地久…
是我自己想得太多，還是你也在閃躲
如果真的選擇是我，我鼓起勇氣去接愛
不知不覺讓視線開始閃爍
噢第一次我，說愛你的時候，呼吸難過心不停的顫抖
噢第一次我，牽起你的雙手，失去方向不知該往那兒走
那是一起相愛的理由……對我！
感覺你屬於我，感覺你的眼眸
第一次就決定，絕不會錯！
============================================================
個日之後我就好自然咁同阿鋒走埋一齊，無幾耐我仲搬埋去佢屋企同居tim。
我地唔似得阿sam佢地咁，大大聲擺到明公開晒比所有人知我地一齊左，基本上知既就只係得我地圍內五個，其他人都只係睇得出而無問過，又或者問左而我地都無承認到d咩，就連阿鋒d o靚仔都唔知我地一齊左，佢亦都無好似阿sam咁要求到任何人叫聲我做阿嫂。我反而無咩所謂，佢咁做得我知佢一定有佢原因，所以我亦無問到點解。
巧心 2007-7-20 22:28
[u][color=Orange]好 好 睇 呀 !
有 D 仲 好 好 笑 Tim 呀 !
suppoRT 你 喔 `[/color][/u]
[[i] 本帖最後由 巧心 於 2007-7-20 10:33 PM 編輯 [/i]]
Yuke 2007-7-20 22:35
多謝你呀::25::...我會post多d
巧心 2007-7-20 22:39
[quote]原帖由 [i]Yuke[/i] 於 2007-7-20 22:35 發表
多謝你呀::25::...我會post多d [/quote]
[u][color=Orange]不 用 謝 不 用 謝 !
你 posT 幾 多 我 就 睇 幾 多 xD"[/color][/u]
Yuke 2007-7-20 22:40
[quote]原帖由 [i]巧心[/i] 於 2007-7-20 10:39 PM 發表
不 用 謝 不 用 謝 !
你 posT 幾 多 我 就 睇 幾 多 xD" [/quote]
好::61::::61::
Yuke 2007-7-20 22:41
∼∼三個月之後既某日∼∼
阿鋒佢地三兄弟有正經野要傾，一早就落左茶餐廳坐。佢地d公事一向都收得好埋，尤其係對住我個陣，咁既然唔比得我地知既我同阿奈都好識做既，好似今日咁，佢地要傾野既，咁我同阿奈咪繼續係屋企訓陣先囉。
「喂，同阿奈搞左未呀？」阿龍見正事都傾完啦，開始係度八卦下。
「未喎。」
「下？！」阿鋒個反應好似聽到世界奇聞咁。
「下乜姐，唔比人未搞咩？」
「比…點會唔比姐，不過唔似你姐。」
「有幾唔似呀？」
「你唔係出名三日食唔到就飛架啦咩？」阿龍搭嘴。
「三日都比多佢啦！兩日食唔到已經飛左啦！」
「痴線！我邊係d咁既人！」
「睇黎你好認真喎…」阿鋒望住阿sam陰陰嘴笑。
「阿奈係個好女仔，我想好好咁錫佢…」
「妖！好肉麻呀！你呢d野留返見到佢先同佢講啦！」
「挑。唔好講我個筆，你又點呀？」阿sam拎住杯酒一路笑一路問阿鋒。
「有咩點呀？」
「同左阿ka一齊即刻放得低阿嫂啦？」
「……」阿鋒無言，究竟佢係唔想答定抑或唔知點答好呢？
「唔出聲做咩姐？唔出聲即係代表仲未放得低啦。」阿龍出聲。
「你理得我姐…」
「咁大個人你自己有分數啦，不過做兄弟咪話唔提醒你，阿ka唔係出面d女玩唔起架，你自己小心啦。」
「得啦，食野啦。」
當愛情萌芽個陣，大家都會一頭熱咁趺入戀愛既深淵，以為愛情會永遠都保持係最幸福甜蜜既階段。但原來幸福係一段感情裡面往往都係好短暫，隨後而黎既，係痛苦，係誤會，係欺騙同殘忍。
有日我地五個照常無野做係條街度行行行。
「八婆，妳睇下個女仔。」行下行下，阿奈無啦啦拉住我。
「邊個呀？」突然比佢拉停，我既視線都唔知飛左去邊，係需要d時間去搵返個目標架啦。
「個個呀，白色衫個個，好似好索咁喎。」
「睇過…」我望住佢講個個白色衫既女仔，「又真係好似幾索喎，後面睇都覺得正，唔知前面點呢？」
我地講緊個個女仔著住白色連身裙，由後面睇佢把頭髮又長又直去到及腰，髮色係天生自然既啡色。身材黎講算係唔錯，起碼佢突顯到條連身裙既輪廓，佢比人個種感覺係天生純品既女仔囉。
「佢d頭髮好直呀！」阿奈係度叫。
「肯定電左個d咩負離雞啦。」
「我夠電左囉！又唔見我有佢咁直！？」
「妳樣衰囉！」我笑佢。
「不如行去前面睇下佢個樣啦。」八卦係人既天性黎既，何況見到一個靚過自己既女仔？
「希望唔好後面就誇啦啦，前面就炸豬扒啦。」
我地兩個手撓手行左去前面，突登企左係度然後望返轉頭。
「嘩！」我同阿奈同一時間發出讚嘆聲。
條女個樣好靚囉！前面d頭髮剪陰，眼大大嘴細細鼻高高，輪廓標緻之餘仲要好白tim！
「好靚女呀！」
「佢個樣勁似日本妹，仲要係清純學生個隻囉！其實佢係咪日本人黎架？」我懷疑，係香港真係會有d靚到咁既女仔咩？！
「一定唔係啦，妳睇佢同人講野講中文既。」
「講中文就唔係架啦？唔比佢學左好耐咩？」
「學幾耐都好無講得講正架嘛？」
「是但啦，反正係邊度人都唔關我事。」
「八完，行得。」
係呀，我同佢就係咁無聊架啦。物以類聚嘛，如果唔係點做得成好姊妹？
Yuke 2007-7-20 22:41
係我同阿奈無聊緊之際，阿鋒佢地三個行左去另一邊睇野。
「鋒！」突然阿龍狂拍阿鋒膊頭。
「乜呀？！見唔到我係度睇緊野咩？！」阿鋒嫌佢阻住晒，理都無理佢繼續同阿sam研究。
「喂！唔係呀！」佢隻手亂咁拍，本來拍緊阿鋒既，拍拍下拍左落阿sam度，「阿嫂呀！你望下先啦！」
「妖，唔好阻住晒啦！我知你阿嫂係個邊啦！」
「唔係呀！係阿柔呀！」
聽到呢句，阿鋒同阿sam即刻呆左。
「你話邊個阿嫂話？！」阿鋒擰轉身望住阿龍確認多次。
「阿柔呀！」佢伸手指向另一邊，「係個度呀！」
佢指住個個女仔，就係我同阿奈岩岩話勁似日本妹既女仔。佢…就係阿柔？
三十秒，阿鋒定左足足有三十秒。
「柔！！！」佢突然大叫，仲衝左過去個女仔身邊。
個女仔聽到有人叫佢，擰轉身個刻咁岩就望到阿鋒向住佢衝緊過黎。
「你…你係邊個呀？」係咪真係咁怕羞呀？一見阿鋒就即刻面紅？！
「我係阿鋒呀！妳唔記得我啦？點解妳會係度既？！」阿鋒一衝到埋去就伸手攬住個女仔，顯得好激動。
「先生你放手先啦…」個位叫阿柔既女仔比阿鋒嚇親，不停推開佢，「我…唔識你架…」
「妳真係唔記得我…？」阿鋒個表情有d失望。
「Sorry呀，我諗你認錯人啦…」佢鬆開阿鋒隻手，「唔好意思呀…我有事走先…」跟住佢擰轉身走。
阿鋒係後面望住佢既背影慢慢離開，突然又衝返上前拉住佢。
「柔，妳…可唔可以比妳電話我？」
「下…？我唔識你喎…」
「但我識你嘛，如果唔係我點會知道妳叫咩名呢？就算唔識，由呢一刻開始我地就算識左啦，比個電話我好無？」阿鋒見佢有d猶豫，即刻又講，「唔好猶豫啦，妳唔係有事咩？比完個電話我妳咪走得囉。」
「…好啦…」都唔知佢真純定扮蠢，咁易就比個電話人，傻架咩？「咁我走先啦，拜拜。」佢寫低左個電話比阿鋒之後就走左。
「點呀？佢認唔認得你？」阿sam見阿柔走左，就行埋去問阿鋒。
阿鋒佢擰頭，不過拎左個電話已經足以令佢企係度傻笑。
「終於都見到阿柔啦！」阿龍見到咁都開心到笑唔停。
「咪咁大聲啦！驚死另一個聽唔到呀？！」阿sam提醒佢。
「咩姐…咁開心丫嘛。」
「又會咁岩係度撞到既…」
「或者…呢d叫緣份掛…」阿鋒仍然望住部電話痴痴迷迷咁笑。
緣份…？緣份到底係咪真係咁重要？係咪有時有d野，就算有緣，無份都未必會成事？係咪先遇上既就等於緣份？後黎既就算做幾多野都等於浪費？
============================================================
沒名姓，稱呼不去問… 你那麼神聖，高不可以攀
讓時間，公轉得更慢… 那一種遊戲，終點不會散？
緣份…誰亦不可以保證… 一秒，曾經很高興，然後你竟揭下佈景！
除非，不去問結果！仍可以天堂，你煽動過我，要留力愛，不可太多！
花過心，但你太自愛，我卻連自己都不再愛，緣份未消失或殘酷但不應該
然後別呼吸，最後不敵意外…
或時間，可沖走眼淚… 那一天才會，搬出這廢墟
緣份…誰亦不可以保證… 一秒，曾經很高興，然後你竟揭下佈景！
除非，不去問結果！仍可以是天堂，你煽動過我，要留力愛，不可太多！
花過心，但你太自愛，我卻連自己都不再愛，緣份未消失或殘酷但不應該
然後來日，衹可以心領！將會，餘生很高興，留在腦海繼續放映！
除非，不去問結果！仍可以是天堂… 你煽動過我！要留力愛！不可太多！
花過心，但你太自愛，我卻連自己都不再愛！
緣份未消失極殘酷但很精彩… 靈魂未消失但留下受傷軀殼…
然後別呼吸，最後不敵意外！
============================================================
「喂，呢單野保密呀！」阿sam用手肘撞一撞阿龍。
「識做啦，你當我豬咁蠢咩！」
「你一向都係隻豬。唔好講啦，行緊過黎啦。」佢拍一拍痴痴迷迷既阿鋒，「o靚仔，比d精神先得架。」
阿奈一行埋黎就見到佢地閃閃縮縮，即刻就啤實阿sam。
「做咩呀？」阿sam咁醒目當然知道佢老婆發現唔妥啦。
「係度鬼鬼鼠鼠做咩呀？昅女丫？！」
「無，無呀。痴線啦，我邊度敢昅女。」
「真係無？！唔係你即係阿鋒啦！」阿奈係唔會放棄任何一個可疑點既。
「邊有？妳諗得太多啦，行啦。」講多無謂，行動最實際，啦啦臨起行咪唔駛比佢懷疑兼夾盤問囉。
「做咩係度傻笑呀你？」行過黎個陣見到阿鋒望住部電話傻笑，於是就問。
「下？無野呀，行啦。」
雖然大家都口口聲聲話無野無野，但唔知點解我硬係覺得個feel怪怪地咁，平時佢地三個都唔係咁既。不過算啦，應該無咩既，唔好理了。
Yuke 2007-7-20 22:41
∼∼夜晚，Disco∼∼
就係阿鋒見返阿柔既個晚，我地幾個照常落D。
「鋒哥、Sam哥、龍哥！」d o靚仔一見到佢地就打晒招呼，真係乖。
「今晚咩環境？」阿鋒行到入黎望左幾眼就問。
「都係咁，係有幾個小朋友係出面嘈左幾句姐，無咩大件事。」
「嗯，咁就得啦，比d心機睇住個場。」
「阿嫂！」呢條友仔都算醒目，一見阿奈就飛埋去叫人。
「好唔嫂嫂聲啦，嗌到老晒。」
「咁妳係Sam哥條女嘛！梗係要叫阿嫂啦！唔係Sam哥會打人架！」
「咩姐，你比佢打同我講，你岩既話我實幫你。」
哈哈，咪睇少阿奈呀，佢都有返咁上下地位架。梗係啦，連阿sam都要聽佢話，仲有邊個夠膽出聲？所以我話阿sam而家唔似大佬，連阿sam都聽佢話個個先係大佬架嘛，哈哈。
反而我同阿鋒就比佢地收收埋埋得多lu，落到D或者係d o靚面前，佢對我既態度硬係有d唔同。例如唔會拖我、攬我、錫我，我唔知佢點解要咁做呀，但反正叫唔叫聲阿嫂都無咩分別既，所以我都懶得去問，點樣都係一句姐係咪？話就話一聲阿嫂可以代表我身份地位，但係隨後仲會有好多麻煩野跟住架，咪真係以為做阿嫂做得咁過癮。不過我最好奇既係，間唔中就會聽到佢地密密傾，話阿嫂呢樣阿嫂個樣咁。但係講緊個個明明唔係我或者阿奈囉，所以對呢件事好有疑問。
落左黎之後阿鋒就去左做野，阿龍就走出去跳舞。我坐左係吧檯度飲酒，而阿sam同阿奈就坐係無幾遠談情。
「喂！聽講今日鋒哥係街撞到阿嫂呀！」吧檯另一面坐左幾條仔，其中一個飲大兩杯係度講。
呢呢呢，又黎啦！唔好以為嘈我就真係聽唔到先得架。
「你講柔姐？」
「梗係啦！唔係仲有邊個阿嫂？」
「咁又係，鋒哥從來都只係認過佢一個做老婆姐。」
「咪係囉。」
聽到既唔止得我，仲有阿sam，「喂夠啦！咪係度亂講野。」佢比佢地講兩講有d心虛，估唔到消息傳得咁快，即刻就出聲阻止佢地講落去。
「個個咩阿柔係咩人黎架？」原來連阿奈都聽到佢地對話。
「咪聽佢地亂講啦，無事喎。」
阿奈望一望我。我知佢係想確認我有無留意佢地講咩，醒目女當然要扮野啦，一於坐定定扮咩都唔知。
「你好快d講啦，我明明聽到佢地話咩阿嫂柔姐咁架！」
「都話無囉，妳聽錯啦。」
「真係無野？！」
「無事呀，唔好諗咁多啦，佢地亂嗡之嘛。」
「你話架！咪比我知道阿鋒對阿ka唔住呀！我會殺左佢架！」
「係啦係啦，妳駛乜咁緊張姐，唔會有事啦。」
「梗係緊張啦！個個我老死、姊妹黎架喎！」
對話結束，我依然聽唔明佢地講緊咩，更加唔知佢地口中個位阿柔係邊個。但係好明顯，佢地叫得阿柔做阿嫂，咁就肯定佢同阿鋒係有關係既。唔通阿鋒係出面有第二個？無理由既，一齊左咁耐佢幾乎日日都係我身邊，除左佢地去做個陣之外基本上我地幾個唔係一齊玩就係一齊笑，無理由佢有第二個而我唔知既。同得佢一齊我就應該信佢啦，係咪？一齊得就預左有閒言閒語聽，何況我地又無公開到，人地唔知都好正常姐，so我唔應該懷疑，嗯無錯，我應該相信佢。
但今日大家的確怪怪地，阿鋒更加係有d神不守舍。
「你今日做咩呀？」我見阿鋒做完野之後就自己一個坐係舞池附近呆，於是行埋黎拍一拍佢。
可能力度太細，附近環境又嘈得西利，所以佢完全唔覺我行左埋黎，仲係拎住部電話係度痴痴迷迷咁笑，搞咩呢？個電話有咩咁好睇？
「喂！」我再大力d拍左佢一下。
「下？！」佢好明顯比我嚇親，見到拍佢個個係我之後仲即刻收埋個電話。
「你做咩呀？古古怪怪咁既？」
「下？無野呀。」
「個電話有咩咁好睇呀？今日成日都見你拎住黎望。」
「都話無野囉，咪問咁多啦，去跳舞啦妳。」
呼，okok，你話無野就無野啦。佢唔想講既問極都唔會講，都係乖乖地去跳舞好d，唔係一陣問得多比佢鬧仲衰。
Yuke 2007-7-20 22:42
∼∼兩個月之後∼∼
近呢兩個月，我無意之間發現阿鋒佢地三個有d古怪行為。例如三個人隔無幾日就會齊齊失蹤，又例如佢地講講下野個陣發現我或者阿奈係附近就會即刻收聲。最古怪個個莫過於阿鋒，有時佢係屋企唔知同邊個傾電話傾到細聲講大聲笑咁，平時莫講話煲電話粥，講多句佢都唔願意。尤其係講緊電話個陣，佢一見到我行埋去就會即刻閃閃縮縮，直到我行開為止。有時佢又會單獨失蹤成日，搵極都搵唔到佢，問阿sam佢地實係話佢去左做野叫我唔駛擔心。我知再問落去都無咩意思，佢地都係個d唔想講就死都唔會講既人黎架啦。
「唉…」
「做乜呀妳？呢排成鬼日見妳唉聲嘆氣，慾求不滿呀？」
「慾妳個死人頭！」屋企得返我一個，反正無聊，我就過左阿奈屋企吹水，「阿鋒囉，又唔見人啦…今個禮拜第四次啦！」
「哎呀，妳諗咁多做乜姐？阿sam都話左佢去做野囉，無事啦。」
「咁都係呀，都會擔心架嘛，成日唔見人妳估好玩咩。」
「佢都唔係第一日係咁架啦，無事架喎，放心啦。」
「唔係呢…」我轉換左下姿勢，「佢呢排都唔知做乜，古古怪怪咁。」
「有咩咁古怪？」
「佢成日係屋企唔知同邊個傾電話傾到嘻嘻哈哈咁，我行埋去佢又閃閃縮縮，問佢係邊個黎佢又唔黎我。」
「妳唔係想同我講懷疑佢出面有第二條女嘛？」
「唉…我都唔知呀…」
「咁妳信唔信佢先？」
「信就梗信架…」
「信咪得囉，諗咁多黎做乜姐？咪鬼亂諗啦，就黎換季啦，同妳出去行下街啦？」
「是但囉，反正無野做。」
就係咁，我名阿奈就出左去行街街shopping啦。
「喂，去呢間睇下d衫。」我指住其中一間舖頭。
「入去囉。」
又係時候換季啦，梗係要揀返d靚衫啦。自從同左阿鋒一齊之後，我都盡量執返正d自己，打扮呀舉止呀都似返個女仔d。
入到間鋪頭望左兩望之後我就隨手拎起件衫埋鏡到拼，而阿奈見d衫唔係好岩佢就企左係我後面無無聊聊咁望黎望去。
Um…左照右照睇左一輪都係覺得件衫麻麻地，想話擰轉身放返好件衫啦，點知阿奈突然捉住我。
「喂，做咩呀？幾好睇呀，睇多陣啦！」
「咩呀？」聽到我一頭霧水，搞乜鬼？
「哎呀，妳睇多陣啦！睇啦！」佢係咁拉住我係塊鏡面前照，死都唔比我擰轉身放返件衫。
「做咩姐？比我放返件衫埋去啦，唔岩呀。」
「睇多陣啦！咪幾好睇！」
「做乜鬼姐妳？！」
佢突然擰轉身望一望舖頭出面，「無野啦，妳繼續揀啦。買完好去食野啦，我肚餓呀。」望完之後佢又放手同我講。
「痴孖筋，岩岩先食完野咁快又肚餓？！妳生蟲呀？！」
「係呀，
巧心 2007-7-20 23:04
[u][color=Orange]跟 住 點 嫁 ?!
好 想 睇 埋 落 去 呀 !
suppoRT 你 喔 `[/color][/u]
Yuke 2007-7-20 23:12
原來，阿柔同阿鋒係幾年前一場混亂之下識既。
個日阿鋒係阿柔間學校附近做野，點知開緊片個陣有差佬到場，咁阿鋒梗係走架啦。咁岩個段係放學時間，阿柔放學之後諗住趕返屋企補習，於是走左條平日唔會走既後巷。就係呢個時候，阿鋒沖沖忙忙咁撞到佢，個一刻，大家都好似突然比大家吸引住咁，靜左落黎望住對方。
突然之間阿柔聽到後面有人大叫「咪走」，本能反應之下即刻就拉左阿鋒入後巷。等到d差佬走晒之後，本來都諗住走既阿鋒因為腳傷關係再無力行，阿柔見到佢咁於是就扶左佢返屋企。
就係咁，佢兩個無幾耐就開始拍拖。
阿柔係個乖女，份人純品讀書又叻，當佢屋企知道佢同阿鋒來往個陣都不知幾反對。但阿柔一直都好堅持，最後仲同屋企反埋面，搬左去阿鋒度住。
阿鋒好錫佢，一直都當佢係老婆咁看待，仲同晒班細既講，以後都要叫阿柔做阿嫂，有咩事都要第一時間睇住佢。
本來大家都以後佢兩個可以就咁落去直到結婚，點知一次事故，令到阿鋒同阿柔分開左。
有日阿鋒接到命令要去做野，留低左阿柔一個係屋企。佢臨出門口個陣仲叫阿自己一個係屋企小心d，連佢自己都以為，係自己屋企自己地頭，應該無咩事發生先岩，所以就無叫到d細上黎睇住阿柔。點知就係個晚，阿柔比d仇家係阿鋒屋企拋左落街。死落去，不過就失左憶。
當阿鋒知道之後，發左癲要搵條友出黎，佢接受唔到阿柔受傷既事實，內疚自己無好好睇住佢照顧佢之餘，更加仇視令阿柔受傷個個人。當搵到條友個陣，阿鋒就好似失左控咁，發狂地打條友，如果當時唔係有阿sam同阿龍係度禁住佢，條友一早死左。
阿柔失左憶之後，佢阿媽就係醫院接左佢返屋企住，仲以後都唔比阿鋒見佢或者搵到佢。
「點解我地唔知有條咁既女架？！」
「記唔記得有排妳比妳媽捉左去外國？阿ka個陣陪埋你去架。件事就係發生係個段時間。」
「佢唔係失左憶架咩？！而家無啦啦彈返出黎做咩呀？！」
「係前幾個月係街撞返既…就係個晚妳聽到d細既提起佢個日…佢到而家都仲係唔記得阿鋒係邊個，只係o靚仔唔死心繼續搵佢，希望佢記得姐…」
「咁即係點呀？！一腳踏兩船呀？！」
「唉，妳唔好理咁多啦，無事既，佢地幾個d野佢地會自己搞掂啦。」
「嘩！咁都唔理呀？！唔得囉！我唔會見住自己個姊妹去死囉！」
「咁今日阿ka有無見到佢兩個？」
「梗係無啦！有既我仲可以返到黎問你？！好彩我醒目，一見到就即刻拉住佢望第二邊姐！如果唔係我都唔知點收科！」
「我聽日提下o靚仔啦，我會叫佢盡快搞掂。」
「係先好講呀！一就一二就二，咪玩阿ka呀！」
「得啦…」
∼∼第二日∼∼
阿sam一早訓醒就約左阿鋒同阿龍出黎食野。咁應承左阿奈既，點都要做下野既…何況佢都想盡快提下阿鋒，叫佢唔好搞咁多野。
「你呢排同阿柔點呀？」一坐低無幾耐阿sam就問。
「咪又係咁，佢都係唔記得d野，不過呢兩個陪住佢，我都好開心lu。」
「擒日阿奈返黎話見到你同佢行街，個陣阿ka都係度，不過佢就見唔到。」諗黎諗去，阿sam都係覺得直接講比較好。
「…係咩…？」
「你諗住點姐？」
「梗係飛左阿ka同返阿柔一齊啦！阿柔份人同個名襯到絕！又靚又溫柔！」阿龍搭嘴。
「雖然照咁睇我都覺得阿柔比較好…」
「你仲記唔記得，個陣我地打交打到一個二個傷晒，阿柔幫我地包好晒d傷口之後仲要整野比我地食。幾好玩，幾開心呀，哈。」阿鋒一講起就係度笑，笑得好開心。
「梗係記得啦！我仲笑佢整野整得難食，之後佢仲扁嘴想喊tim！哈！」睇黎阿龍都好鍾意阿柔，講起以前一樣都係笑唔停。
「你呀！成日淨係識得蝦佢，又唔係唔知佢易喊啦喎。」
「鬼叫佢好蝦呀？又唔識反抗，見到佢想喊個樣就想笑。」
阿龍同阿鋒兩個不停講返以前發生既每一件事，愈講就愈開心，似乎已經忘記晒阿sam岩岩講過d咩。
「總之你自己搞得掂就得啦，咪話我唔提醒你。仲有，你收得埋拆掂既就最好唔好比阿ka知發生咩事，你知佢同阿奈架啦。」阿sam見到佢既反應其實都已經心裡有數，之不過佢相信阿鋒有能力去解決呢件事，所以都廢事講咁多啦。
「比佢知又點？反正佢都做唔出d咩。」阿龍不以為然。
「我係怕佢唔開心個陣，阿奈會發癲咋。」
「得啦，我自己會處理到…」阿鋒笑一笑。
Yuke 2007-7-20 23:13
我係屋企就黎悶死啦…電視又無野好做，電腦又玩到悶，唉咪啦，都係打個電話比阿奈傾下計先，唔係真係鋪塵都似。
（接駁鈴聲：Hi！我係古巨基，送首新歌比你地，係唔經唔覺之後，你既朋友好快就會黎聽你既電話架啦。別再做情人，做隻貓做隻狗不做情人…）
死野，駛唔駛咁耐都唔聽電話呀？阿基仔就黎再Hi多我一次啦。
「喂？」
「唔好再耐d先聽電話？係度做緊咩呀？」
「無野做喎，岩岩去左沖涼嘛。」
「好悶呀，無野做咁得閒就傾陣啦。」
「哦，講囉。」
同佢亂吹左一陣無聊白痴野之後…
「哎呀！仲未返黎架！」望下個鐘都就黎夜晚十一點啦，阿鋒都仲未返黎。
「又做咩呀？」
「今日又失蹤左差唔多十二個鐘啦…」
「唉，無事架，咪諗咁多啦。」
「成日咁樣唔見人都會擔心架嘛，講句唔好聽真係連佢幾時出事都唔知…」
「痴線啦。係喎，問妳樣野丫？」
「問囉妳咪…」
「如果，我話如果咋下，如果阿鋒係出面有第二個妳會點呀？」
「有咩點呀？分手囉。」
「真係咁簡單？！」
「唔係仲可以點呀？！再唔係去搵條女打佢一巴先分手囉。」我笑。
「妳唔傷心咩！？」
「傷心實會架，不過為個唔愛自己既人喊都無用架啦。」個一刻我真係覺得，唔值得為左一個唔愛自己既人而傷心囉，「做咩無啦啦問d咁既問題呀？」
「無野呀，假設性問題黎，八卦問下姐。」
「咁如果阿sam有第二個妳又會點呀？」我反問佢。
「佢試下！我殺左佢呀！」
「哈哈，講就咁講姐，或者到時妳咩反應都無呀。」
「一定唔會囉！我實打巴條女！」
「到時叫埋我幫手，我實幫妳，哈哈。」
「喂，今晚有無野做呀？無既落D囉。」
「是但啦，妳唔駛問准過妳老公先咩？」
「駛鬼問咩，落到去自然會見到佢架啦。」
「咁又係。」
「咁唔講住啦，一陣見啦。」
∼∼夜晚Disco∼∼
「龍仔，見唔見阿鋒呀？」阿sam一落黎就捉住阿龍問。
「唔見喎，成晚都無見過人，鬼知佢去左邊。」
「咁得啦，我自己去搵佢。」
阿sam沿住舞池附近走，行左兩個圈終於見到阿鋒啦。但佢隔離有個女仔坐係度，望真d…係阿柔？！
「喂！」佢行埋去一野拍落阿鋒度。
「做咩呀？」
「做乜帶佢落黎呀？！」阿sam係佢耳邊細細聲問。
「我都話唔好架，呢度污煙障氣，但佢又話未黎過想睇下喎，咁我廢事佢自己一個走落黎仲危險，咪帶佢黎囉。」
「你要帶都咪帶佢黎自己地頭嘛！一陣阿ka阿奈佢地落黎見到咁點呀？！」
「你都傻既，唔帶佢黎自己地頭唔通帶佢出去咩？一陣比人嘈個陣無幫手咪一樣傷到佢。佢地落黎先啦，無事既。」
「唉…你自己話得就得啦，小心d咪搞出事啦下。」佢講完之後就行左去，留返阿鋒阿柔兩個係度繼續傾計。
阿奈落到黎梗係第一時間搵佢個老公。「老公！」佢突然係阿sam後面大叫。
「嘩！想嚇死我咩？！」
「咩姐？嚇下你係咪唔得丫？」阿奈笑住坐低。
「做咩落黎之前唔話聲我知呀？」
「咁你忙嘛，反正落到黎都會見到你架啦，咪廢事打黎阻坐你囉。」
「傻妹黎既，妳打黎又點會阻住我喎。」
「口甜舌滑。」佢輕輕打左阿sam一下，「係呢，你同阿鋒講左單野未呀？」打情罵悄完，係時間講返d正經野。
「講左啦…」
「咁佢有咩反應呀？」
「答案係咩反應都無。」
「唔係掛？！佢有無搞錯呀？！無反應即係點呀？！諗住唔理件事啦喎？！」
「佢咁大個人識得處理架啦…何況我地做兄弟既都理唔到咁多…」
「咁佢而家係邊呀？」
「係舞池最角落張檯度，佢今日帶左阿柔落黎呀。」
「下？！條女都係度？！死啦，我岩岩仲叫左阿ka落黎tim！」都未等得切阿sam有反應，阿奈即時就諗起我。
「唔係呀？！佢而家係邊呀？！」
「我點知呀？！我約左佢係呢度等架！」
「咁妳仲唔打個電話問佢？！如果佢未黎到就好啦啦臨上去禁住佢啦！」
正當阿sam同阿奈兩個因為我地既事而手謄腳震緊個陣，我已經行到入Disco既大門。入到黎第一時就想搵阿鋒，但係四圍都唔見佢，問人唔係話未見佢就係話唔知佢去左邊，咁我唯有自己一個繼續搵。
搵左陣，終於係舞池周邊既梳化發現佢。入眼既唔止佢一個，仲有另一個坐係佢身邊既女仔。
初時我以為係佢d朋友黎，無咩留意就想行埋去。但係行到一步我就開始覺得有d唔妥，阿鋒同個女仔有講有笑，個樣仲好似好開心咁，雖然現場既燈光環境好陰，但係仍然唔難發現阿鋒既表情。見到咁既情況，我成個人不由自主咁呆企左係度，同時間心入面亦都升起一個問號。點解…點解阿鋒可以笑得咁自然咁開心？點解…點解佢呢個笑容係我從來都未見過既？我突然之間覺得個心好痛，呢種情緒係我從來都未擁有過既，究竟…發生咩事？
巧心 2007-7-20 23:32
[u][color=Orange]然 後 呢 然 後 呢 ?!
SUPPORT 你 喔 `[/color][/u]
Yuke 2007-7-21 10:12
一種高科技產品所帶黎既電流震動將我拉返黎現實，電話響，係阿奈打黎既。
「喂…？」我拎起電話，深呼吸左啖先出到聲。
「喂妳係邊呀？！」
「係…D…」
「乜話？！妳而家位置係邊呀？！」
「我係舞池最後排附近…」
「唔係掛？！妳唔好行開！千其千其唔好行開，我而家過黎！」
阿奈連拜拜都未講就收左線。「佢到左啦！而家仲係阿鋒個邊呀！」一收線佢就即刻同阿sam報告。
「咁大單？！快d過去睇下啦，希望佢仲未見到o靚仔佢地。」
佢兩個幾乎係撞開d人群咁滯，雞咁腳就黎到我身邊。
「喂，企係度做咩姐？行啦，我地去第二邊坐。」阿奈一黎到就拉住我想走。
但我既視線仍然比阿鋒佢地吸引住，無半分想移開腳步既意思。
阿奈佢地隨住我既視線望過去，即刻就知道我已經發現左阿鋒佢地。
「死啦…」佢細細聲同阿sam講。
「Um…妳無事嘛？」阿奈問我問得小心翼翼。
「下…？無事呀…」把口話無事，但係唔知點解就有種好想喊既衝動。
「妳咪亂諗啦，佢同條女係fd黎架咋。我地去跳舞啦好無？一陣佢地傾完計就會過黎搵妳架啦。」
我知，我知佢係安慰緊我。但係呢d大話又點可以相信呢？如果我無親眼見到佢同個女仔傾得有幾開心既話，我可能都仲會諗佢地係朋友。但係佢個笑容唔係假架，其他野可以呃到人，但係呢個笑容，我睇得出係完全出自內心。
「唔啦，我返屋企先…你地慢慢玩…」心痛既感覺愈黎愈強烈…潛意識話我知我唔想再留係呢個地方，唔想再見到佢地兩個係度做咩…
一行到出門口，我d眼淚已經忍唔到。
我唔知亦都唔想知究竟阿鋒個女仔有咩關係，但由阿鋒面上邊既表情同埋女人既直覺，我已經感覺得到個女仔唔簡單。
佢竟然可以令到一個平日又Cool又串咁既男仔係一夜之間變得咁開朗，我自問真係無d咁既本事，無錯，可以話我完全係佩服佢。
「咁而家點呀？！」阿奈見我心情低落咁走左出去，顯得有d火爆。
「我點知點？單野阿鋒搞出黎既，梗係由佢搞返掂啦。」
「鬼唔知咩！但佢而家掛住同條女吹水，連阿ka有無落過黎都唔知啦！點樣搞返掂呀？！」
「妳咁嬲都無用架。咁啦，我過去同佢講下。」
「係就快啦！仲坐係度做乜姐！」
發緊脾氣既阿奈，有理無理總之係人係鬼都鬧左一餐先，呢個情況之下就連阿sam都不能幸免。
阿sam見到阿奈發晒脾氣都唔敢拖延半步，即刻就行埋去搵阿鋒。
「喂，跟我過黎，有d野同你講。」
「咩事呀？」阿鋒明顯對阿sam打斷佢同阿柔既對話顯得有d唔耐煩。
「過黎啦，正經野呀！」
「等陣啦，一係有咩就係度講啦。」
「過黎呀！」阿sam都唔理得咁多，一手就拉左阿鋒去廁所。
∼∼廁所∼∼
「做乜野呀？！」一入到去阿鋒就fing開左阿sam。
「頭先阿ka落左黎。」簡潔、直接！
阿鋒無出聲，點左支煙就插住褲袋企係度慢慢抽。
「我話頭先阿ka落左黎呀！」阿sam見佢無反應，加重語氣重覆一次句說話。
「咁又點？」佢鬆一鬆膊頭，個樣顯得好無所謂咁。
「佢見到你同阿柔一齊呀！」
「係咩？」
「喂，你咩反應都無架？！」
「見到咪見到囉，我同阿柔又無野，如果佢要誤會既話都無計架。」
「係咪無野你自己心照！」
「係呀！我係鍾意阿柔呀！咁點丫？！」
佢兩個開始係度嘈交，如果我係現場我一定唔會比佢地嘈落去。話晒大家兩兄弟，有咩咪唔岩講到岩囉。
「無人唔比你鍾意佢！但如果你係想同返佢一齊既，就唔該你首先要搞掂你同阿ka單野先，咪係度玩一拖二或者不負責任！」
「一拖二同不負責任又有咩問題呀？！以前我同你仲有阿龍都係咁架啦！喔，而家同條女拍左拖之後就學人玩專一咁話啦下？！教訓返我轉頭呀？！你咪唔記得你以前都係咁呀！」
聽到呢句，阿sam即時比佢激到彈起。
「你覺得咁樣無問題就無問題啦！廢事同你講咁多！」佢拋低左呢句說話就行返出去。
∼∼梳化個邊∼∼
「柔妹！」阿龍係後面拍左阿柔一下。
「咦，你幾時係度架？」阿柔佢笑左下。佢笑起上黎就好似朵純白色既蓮花咁，清新脫俗而又純潔。
其實而家既阿柔對於阿龍阿sam同埋阿鋒一班兄弟都唔太熟悉，係佢既記憶裡面呢班人只可以算係新相識，以前發生過既野佢都仲未記得返。
「哈，無見妳咁耐一樣仲係咁靚。」
「其實我想問你地好耐…我地係咪識左好耐架啦？」
「嗯，幾年前妳同阿鋒拍拖個陣就已經識架啦！」
「乜…我真係同佢拍過拖咩？」
「嗯，妳唔記得唔怪妳，妳失左憶丫嘛！」
「原來我真係同佢拍過拖…我仲以為佢呃我…」
「傻啦，佢對妳咁好又點會呃妳？佢真係好鍾意妳架。」
「從來都無人話過我知究竟發生咩事…」
「咁等我黎話妳知好無？」
「嗯。」
於是阿龍開始講佢地既故事比阿柔知…阿柔一路都只係靜靜地咁聽，就算遇到有唔明白既地方，佢都無開口問過。
「…成件事就係咁啦。」阿龍講完有d口乾，隨手就拎起枝啤酒飲左幾啖。
岩岩講完故仔，阿鋒就行返返黎。
「係度講咩講到無人出聲呀？」佢一返黎就問。
「無丫…係呢，阿sam搵你咩事呀？」
「無乜野，少少麻煩野黎姐，而家搞掂架啦。」
「頭先…阿龍話晒我知我地d野啦…」
「係咩？咁…妳覺得點？」
「其實我對以前既事仲係無咩印象…不過…」
「不過咩？」
「我想問…」佢吸左啖氣，「你而家仲係咪鍾意我呀？」好明顯佢問呢句既時候係用左好大勇氣，因為睇得出佢心口係起伏不定既。
「嗯…」毫無猶疑加肯定。
「雖然我唔記得以前係點，但係…我覺得自己而家係鍾意你既…」
「妳…妳講真既？！」阿鋒有d驚喜，估唔到行左轉去廁所，返黎阿柔就同佢講鍾意佢掛？
「嗯…」一個單音之後，阿柔個頭已經低無可低。
「咁妳即係肯同返我一齊？！」
「唔可以話係返一齊…我只係想…我地可以重新開始…」
阿鋒聽到呢句已經唔理得係咩原因或者理由，總之可以同阿柔一齊已經足夠比所有解釋能夠令佢開心。佢即刻就攬住阿柔錫左啖，不停咁傻笑。