Yuke 2007-8-7 11:37
「做咩會帶埋佢黎？」阿龍見我出左門口，就問。
「唔知，或者係想有個人陪下我啦…」
「你同佢仲係拖拖拉拉？」
「你都知我同佢呢半年黎係咩關係，有時我真係好唔識得面對佢…」
原來阿龍一直都知我同阿鋒既關係，唔怪得佢頭先會叫聲我做阿嫂…
「我明既，你覺得對佢好似好內疚咁…」
「嗯…」
「阿奈呢排有無搵過我？」阿龍突然轉話題。
「有，不過我都係話唔知。」
「嗯…我暫時都唔想比佢知道住…」
「你仲諗住避到幾時姐？」
「遲d先算啦，返去我反而唔知點面對佢…」
「其實你咪同我一樣，都係係度逃避緊…」
「或者啦…避，有時都幾好既…」
「有時唔避都唔知應該點做好…」
「有無諗過乾乾脆脆放棄是但一邊姐？」阿龍問。
「有，但你都好清楚，就算我同邊個一齊都好，對另一個都係唔公平。何況…」阿鋒抽左啖煙，「阿ka錫阿逸個幕我仲記住，到而家我都仲懷疑佢有幾愛我…」
「咪傻啦，試下企係佢角度去諗。點解佢而家甘心做代替品之餘又要對你愈黎愈冷淡？點解佢錫完阿逸之後又無同阿逸一齊？」
「或者…佢只係想返黎同佢爭過…」
「乜你真係咁認為咩？你好清楚由始至終佢都無同阿柔爭過，佢一直係度忍讓緊…雖然我同佢平時唔係好多野講，但我睇得出佢對你好認真，認真到…甚至可以放棄佢自己…」
「係咩…？咁點解佢又要錫阿逸？」
「係因為佢想你放低佢，佢想你知自己鍾意邊個，甚至佢想你返去阿柔身邊…」
阿龍講得好岩，幾乎完全講中左我心聲。
其實我好想阿鋒可以勇敢d去面對自己既感情，好想佢可以清楚知道自己愛既係邊一個。我唔介意做佢既後備，但我唔願意見到佢唔開心…
阿龍講完之後大家都靜晒。當其時如果用鏡頭去拍既話，就會見到兩個男人自各各坐係度煲煙諗野。場面流露出既係苦惱、孤清、淒美既情感。
後黎聽返呢件事個陣，我都有為呢個場面而動容過，因為個一刻我先知道，原來阿鋒都有軟弱既一面，仲要係比我平時所知既佢軟弱得多…
其實所有所有，主動權都係在於阿鋒個度。佢想同邊個一齊，想同邊個分手，我同阿柔都唔可以左右到。感情，係存在係佢心入面，無任何人可以控制到佢既決定。老實講，如果一開始個陣，佢可以將呢段剪不斷、理還亂既三角關係痛痛快快咁結束，今日換黎既結果就可能會好好多。縱使佢可能會後悔，可能會內疚，但總比而家咁樣黎得好。
「仲記唔記得我地豆釘個陣你係公園度見到我比人打？」阿龍突然問。
「嗯…」呢個話題暫時將阿鋒既思緒拉返黎現實。
「我仲好記得當時係因為我無錢食飯，餓到頂唔順就去偷人地d零食，點知比幾個同我差唔多大既o靚仔發現左，之後就比佢地夾住黎打…」
「我記得…」
「個陣我已經比人打到半死，又餓又暈咩力都無。有條友舉起個拳頭就諗住一野打埋黎，我心諗今次實死硬，點知突然有人衝出黎幫我擋左個拳，仲出手打返個幾條o靚仔…」
「哈，個拳都咪話唔痛，我仲記得之後我塊面腫左成個禮拜…」
「嗯…係你帶我返屋企…其實我一路以黎都當你阿哥咁看代，我無屋企人，老豆死得早，阿媽又唔知係邊個，唯一最錫我既就係你同
巧心 2007-8-7 14:22
其 實 呀 鋒 係 咪 想 同 呀 ka 一 齊 番 ?!
紫霜 2007-8-8 11:23
..................無言..................
Yuke 2007-8-8 11:33
我地出左去玩。大三巴啦，黑沙灣啦，博物館啦…原來澳門都有幾個唔同既博物館，分別有大賽車博物館、葡萄酒博物館、海事博物館、藝術博物館…仲有幾個架，不過淨係行呢幾個館都已經夠我地行一日，其他既唯有聽日先再去玩啦。
夜晚我地去左食葡國菜，一路食就一路笑唔停，感覺好開心。
我感覺得到，阿鋒黎左澳門之後成個就好似輕鬆晒咁，可能係地方唔同，佢所顧慮既野唔駛咁多。見到佢食既飲既都比平時多，仲好好笑容，最主要係，佢對我既態度就好似我地岩岩拍拖咁…我突然好渴望時間可以永遠咁停留落去，當然，我知呢個只係我既奢想。
食飽飽之後我地再行左陣，跟住就慢慢行返阿鋒屋企。
返到去排隊沖完涼，阿鋒第一時間就撻左落阿龍張床度訓。我食得太飽，仲未訓得著，加上黎到呢個地方，硬係覺得時間唔應該就咁訓左去就算，於是行左出露度吹下風，望下風景。
「咁夜仲唔訓？」阿龍拎左支酒行出黎。
「嗯，呢度夜晚好靚，想睇多陣先訓…」呢度個露台可以望到海，感覺好舒服。
「佢訓左啦？」
「嗯，沖完涼佢已經訓著左…」
大家望住面前既風景無再出過聲。經過時間洗刷之後，我地大家都知道有時候係無聲勝有聲既…
「多謝你…」我望住佢講。
「做咩多謝我？」
「多謝你令佢今晚咁開心…」我笑。
「傻啦，我都無做過d咩。」
「唔駛特登做d咩既…佢當你好兄弟，見到你平安無事佢已經覺得開心…」
「呢份開心妳都有份帶比佢…」
「我？如果我係可以令佢開心既話，咁就唔係今時今日先令佢開心…」
「…有無諗過同佢講出自己既諗法、感受？」佢突然問我。
我諗左一陣，終於都擰左下頭，「我唔想再增加佢既負擔…」
「妳應該講，妳唔講，佢呢世都唔會知…」
「或者啦…又或者如果佢真係有心既，佢會睇得出我既感受…」
「妳轉變左好多…無論係外表定性格都好…」
「係咩？」我望住佢，「唔好講我啦，你呢？你又點？」
「我？我有咩點…？」
「你同阿奈既事，阿奈已經講晒比我知…」
「…暫時我都唔會返去住…」
「嗯…冷靜下都係好事黎既…」
「妳唔會話佢知今日黎見過我架呵？」
「放心啦，如果係要講既我頭先見到你就已經打左電話返去啦…」
「嗯…」佢飲左啖酒，「好好照顧自己啦，如果連妳都失去埋，咁就唔知仲有邊個可以扶持住阿鋒佢…」
「佢可以扶持住佢自己既…」我笑。
其實，人與人之間既關係有時就係咁好笑。當你扶持住身邊人個陣，身邊又會有另一個人扶持住佢。但扶下扶下，我地最後都會發現，原來我地都係要靠自己。
諗返轉頭，我好似係第一次同阿龍講咁多關於內心世界既說話。
或者佢講得岩，我應該去講自己既感受。但目前我真係唔想再去搞咁多野，所有野都係順其自然算啦。
我同阿鋒係澳門住左幾日，之後就返返香港。
去到香港落船個刻，我突然覺得阿鋒又回復本來既佢。即係係香港，冷靜、冷淡、冷漠既佢。
落船無幾耐佢就好自然咁甩開我隻手，唔再拖住我，唔再同我講野…
我理智雖然話我知佢咁做係正常既，但係情感上就覺得有d難受。
「妳返屋企啦。」佢幫我截左架的士就推我上車。
「嗯…」我無異議上左車。
其實都明知佢會咁對我，點解仲會有莫名其妙既失落？
係澳門淨係得我一個係佢身邊，自自然然所有野佢都會以我黎做出發點。但係返到黎香港，佢有阿柔，阿柔先係佢生命中既支柱，佢放棄我係好正常既…
Yuke 2007-8-8 11:33
阿鋒返到黎香港無幾耐就去左搵阿sam，咁岩阿奈又唔係屋企，兩個男人可以靜靜地傾下心事。
「…麻煩，條女又要我帶狗落去散步。」阿sam係度咦咦哦哦。
「超，麻煩你咪一樣咁享受…」阿鋒輕笑。
阿sam無出聲，輕輕笑左下，不過由佢既笑容睇得出，阿鋒講中左佢心聲。
「而家咁樣咪幾好，打算幾時結婚呀？」阿鋒問。
「我真係有諗過架…」
「你唔好比我估中你，你想結婚都係為左想同佢搞野姐。」
「痴線，如果真係左搞野既，你覺得我開到聲要求佢唔會比咩？咁耐以黎我都唔搞佢，就係想佢知道我真係真心想同佢一齊，並唔係為左得到咩。我尊重佢，亦想佢知道佢既身份地位同以前任何一條女唔同…我知佢一直以黎都好無安全感，亦知道佢好驚我終有日會離開佢…」阿sam扯左啖煙繼續講，「但係佢唔知道，我其實比佢更加驚佢會離開我。雖然佢唔係特別靚特別索既女仔，但係佢有種吸引力，身邊好多男仔都會自自然然比佢吸引到，我知佢同我拍左拖之後都仲有好多男仔追佢…就連阿龍，都一直鍾意緊佢…」
呢段剖白我諗如果比阿奈聽到既話，佢一定會當場喊左出黎。係而家呢個社會，已經好難得再搵到一個好似阿sam咁好既男人。好既，唔係指佢有車有樓有錢有份好工；好既，係佢既深情、一心一意、愛錫同埋尊重。
「如果真係有心既咪結婚囉，話晒都拍左幾年啦…」
「我有同佢提過，但佢擔心佢屋企未必接受我…」
「…家家有本難唸的經啦，各人有各人煩惱…」阿鋒突然好感慨。
「算啦，總有日佢屋企人會明既，我唔強迫阿奈，免得佢難做。」
「嗯，慢慢黎啦…」
「你同阿柔又點呀？」
「咪又係咁…」
「不如你搵次坐低慢慢同佢傾清楚啦，咁樣落去對你對佢都無好處。」
「邊有機會傾清楚？晚晚佢都蒲天光先返，一返黎就即刻沖涼訓覺，我起身個陣佢都仲未起身，有時直頭成晚唔返黎。何況每次講唔夠三句佢就喊，我唔想再見到佢喊…」
「咪搵日一早約定佢，話夜晚有野同佢傾叫佢唔好去蒲囉…」
「我咩辦法都諗過晒，鬧又鬧過
Yuke 2007-8-8 11:34
某日我返緊工，手提擺左係袋度。我做緊野比較忙，一時無留意個電話係咁響，直到隔離個同事通知我，我先拎起個電話睇下。
係阿奈打黎，打左好多次，半個鐘頭內總共有三十幾個call，我即刻打返比佢。
「喂，妳去左邊呀！？」阿奈一聽電話就問。
「我做緊野丫嘛，妳搵得我咁急做咩姐？」
「妳冷靜d先，冷靜d聽我講，記得冷靜…」
我疑惑，到底發生咩事？「嗯，妳講啦。」
「…阿鋒…阿鋒佢而家係醫院…妳快d黎…」
聽到呢句個刻，我心頭即刻就好似響左下悶雷咁，個心即時變得實一實，腦入面諗起幾個禮拜前阿鋒黎我屋企問我既一句說話。
我無諗太多野，收左線之後我就立即同老細請假，拎起手袋就衝出公司門口。
由上的士到去到醫院，我一直係度祈求阿鋒唔好有事。
「奈！」一入到醫院我就大叫。
「阿ka，呢邊呀！」阿奈企左係急症室門口。
我見到阿sam坐左係地下，將個頭埋係兩隻腳之間。阿奈個樣好焦急，不停行黎行去。周圍仲有十幾個阿鋒既兄弟，個個面上邊既表情除左憤怒就係擔憂。
見到咁既情況，我心入面既預感愈黎愈唔好，我唔知到底發生咩事…
「阿鋒佢係邊！？」我問阿奈。
「醫生係入面同佢急救緊…」佢見到我面色發白又問，「妳無事丫嘛？」
「到底發生咩事呀？！」我無回答佢，而家我淨係好心急想知點解會咁。
「阿柔前兩日發脾氣，走左落D亂咁high野，點知佢忽大左得罪左個大佬，條友咁岩係阿鋒d仇家黎…於是捉走左阿柔…」
「…佢自己一個人走去救阿柔？！」我接住阿奈既說話。我估到，我應該一早就估到會有呢日，阿柔係佢既命根，佢會一次又一次救佢…
「嗯…」
「咁阿柔呢！？」
「…佢…佢早阿鋒三分鐘入黎，醫生岩岩出黎話…佢救唔返…」
死左…阿柔死左…
我企係度呆晒，直覺話我知阿鋒會跟住阿柔走，佢會！
「…鋒！」我突然失控衝入急症室。
「小姐！妳唔入得黎架，出返去先啦！醫生已經盡力拯救緊架啦！」護士一見我衝入去，即刻就捉住我。
「妳唔好咁啦！妳會阻住醫生救佢架！」阿奈見我失晒控咁，都捉埋我一份。
「鋒！你聽唔聽到我講野呀！？你醒呀！醒呀！」我叫，同時間我已經淚流滿面。唔可以，你絕對唔可以就咁走左去…你係我生命既全部，你唔可以咁不負責任…以前既一切我可以當無事發生，但今次，我係唔會容許你拋低我…
「…Ka…」阿鋒聽到我叫佢，佢聽到！雖然佢意識好模糊，但係佢仲識得用手拎開個氧氣罩叫我！
「佢聽到！比我入去呀！佢聽到，佢叫我呀！」我盡最大既努力掙脫開阿奈同護士既束縛，衝到阿鋒面前。
「我係度，我係度，你聽唔聽到我講野？」我捉住佢隻手，「醒呀，唔好合埋眼就得架啦！你當我求你，你醒…」
「o靚仔你醒呀！我唔准你訓！醒呀！」連阿sam都開始失控。
「…妳…妳要堅強…係…係我…對妳…唔住…」佢望住我同我講。
「好好！你醒就得架啦！你想點我都應承你！只要你唔好有事…」我不斷點頭，我已經唔想再去諗其他野，呢一刻我只係想佢無事…
「終有一日…我會比到幸福妳…我…約定妳…好無…？」佢好辛苦講出呢句。
「唔好再講啦，唔好再講…你會無事架，你會好返，你實會無事架…」
「…Sam…幫我…好好…照顧佢…」阿鋒捉住阿sam隻手講。
「你醒返就可以自己照顧佢架啦，你醒啦…」就連阿sam呢個唔會喊既大男人，黎到呢刻都忍唔住落淚。
「你地出返去先啦…」護士扶起我行左出門口，而阿奈就扶住阿sam。
我坐左係出面，心入面不停求個天，千其唔好比阿鋒有事…
我承受唔到咁多野，面對唔到咁大既打擊…我情願呢個男人呢世都唔愛我，我都唔要個天帶走佢…
三分鐘之後，醫生出黎…
我同阿sam都唔敢衝埋去問，只係企左起身望住個醫生。
「對唔住，我地已經盡晒力。」醫生帶黎呢句說話，係我地最唔想聽而又最現實既一句。或者個醫生一早就知佢會救唔返，所以先會比我地係入面同佢講埋最後既幾句說話…
人既生命原來就係咁脆弱。短短三數分鐘，我地同阿鋒就已成永訣…
突然之間我覺得眼前既一切都變得白茫茫，所有野都睇唔清、摸唔透。身邊既人同事好似對我失去晒意思咁，我只係感覺到呢個世界好殘忍，對我黎講所有野都係痛苦…意識話我知我應該去喊，但我再流唔出一滴眼淚，我淨係呆左咁企係度，腦入面停留既，係阿鋒最後既一句說話…「我約定妳」…
Yuke 2007-8-8 11:34
阿鋒走左之後，所有人都好似接受唔到呢個突如其來既打擊，每個都意志消沉，每個都愁眉苦臉。
我打左個電話通知阿龍，即日佢就返返黎香港。
本來阿奈好想問佢去左邊，但阿奈亦知而家唔係問既時候，所以除左同阿龍交帶阿鋒既事之外，就無再同佢講野。
唔知點解我好冷靜，連半滴想喊既衝動都無。或者係我想好好地安排阿鋒既身後事，又或者係，我想堅守對阿鋒既承諾…我要堅強…
阿柔由佢屋企人認領左遺體之後，無幾耐就安排好喪體，我同阿奈佢地三個都有去到拜祭佢。
「伯友…」裝完香之後，我行左過去阿柔媽咪身邊。
「你地仲唔走做咩！？」佢媽咪對我地好反感。係既，如果唔係我地，阿柔可能唔會有呢一日…
「…我只係想同妳講，我想阿柔可以安葬係阿鋒隔離…」我同佢講。
「唔駛！你地走！我唔想再見到你地！」
「我明白妳既痛苦…但我相信阿柔都好希望可以以後都係阿鋒身邊…」我塞左張紙落佢手，「靈位我已經買好左…地址係呢度，風水之類我已經搵師父睇過…地方幾清靜幾好，我希望妳可以考慮下…」
「…唔係你地，阿柔唔會咁早死…」佢喊。
「無人想發生咁既事…但我諗就算比阿柔選擇多次既話，佢都係會揀返呢條路…」我拍一拍佢膊頭，「好好保重，我等妳消息…」
我走左。我絕對明白伯友既憎恨係由邊度散發出黎，我亦好清楚佢有幾痛苦。
因為我都經歷過，我既骨肉，我所看重既野，都已經離我而去…
何況阿柔係佢個女？係佢十月懷胎生出黎，養育左廿幾年之後，竟然比個男仔就咁就帶走佢既生命。唔心痛、唔痛苦，係假既。
幾日之後輪到阿鋒既喪禮。呢日我好早就起左身，應該話，我自從阿鋒死左之後，呢半個月以黎都無訓過覺好。
阿sam阿龍阿逸三個一早就黎車我去大酒店，我知佢地既心情都唔會好得去邊，所以一路上大家都無講野。
去到大酒店，安排好晒d野，賓客開始入黎裝香叩拜。
有疼錫阿鋒既大佬，有尊重佢既o靚仔，有當佢兄弟既手足，有曾經鍾意過佢、比佢玩過飛過去女仔。就算每一個人對阿鋒既過去擁有咩情緒都好，而家呢刻，大家都將呢d過去放低，帶住懷念既心情黎到。
我地唔敢通知阿鋒係老人院既
Yuke 2007-8-8 11:34
幾個禮拜之後，我拎到阿鋒既骨灰。
阿sam同阿龍佢地都有陪我去安葬埋佢既骨灰。
去到靈位個陣，我見到隔離本來吉左既靈位有阿柔張相係度。原來伯友已經將阿柔安葬左係度…佢兩個，終於可以永遠係埋一齊…
呢個幾兩個月黎，我一直都表現得好冷靜，直到見到阿鋒張相係靈位上面出現…
呢一刻，我終於意識到所有野都真實…
呢一刻，我終於崩潰…
我
Yuke 2007-8-8 11:34
後記
時間過得好快，阿鋒離世已經有兩年。
所有生活都重新上晒軌道，無論人或者都好，都好似將佢呢個人忘記左。
我無追問返究竟阿鋒同阿柔係之前既時間發生過咩事。反正，人已經唔係度，故事亦都結束，再去問又有咩意思？
阿奈佢地已經無再係我面前提起阿鋒，我知佢地唔講，係怕我會亂諗。但有時佢地愈唔講，我反而諗得愈多。要知道呢個人一直都活係我心入面，就算有無人提起，佢都仍然存在。
有時我會覺得，佢地唔去講，究竟係咪代表佢地已經忘記左呢個人呢？又或者，呢個人到底有無存在過？
曾經有朋友叫我忘記呢個人，但我答佢，我唔知自己能唔能夠忘記，或者事實係，連我自己都唔想去忘記。係呢段日子以黎，佢用佢既愛同言語，係我身上、心上刻劃左一個個腳印，又點可能話忘就忘？如果明明唔夠能忘記，而夾硬逼自己去忘記，咁唔係自欺欺人咩？
阿鋒的確無留低咩貴重物品，但佢留左好多好多回憶比我。有開心既，有傷心既，有甜蜜既，有失落既…
回憶，係最可貴亦係最可怕既野。有d人總係想忘記過去，忘記個d令自己傷心痛苦既感覺，但佢地唔明白，其實傷心既回憶又何嘗無快樂既存在？只要擁有過呢d令人回味既過去，咁縱使往後令人心碎，都已經足夠補償。
最懷念既時光，已經永遠停留係個段日子裡面；最美麗既回憶，就係我地一齊生活既片段。
而呢段日子，係年少既，係輕狂既。曾經身入其中，令我更加明白江湖之中既「身不由己」，令我更加清楚黑社會並唔係單純既地下社團。一切一切，所發生過既我都銘記於心…
我感激佢為我帶黎呢段日子，因為佢既關係，我見證住自己既成長，見證住自己一路走過既腳印。如果無佢，我可能唔會成長得咁快。
我仲帶住刻左佢名個條鍊，有時我會覺得條鍊好重，重到令我呼吸唔到咁。生活亦變得好空洞、好沉悶，所有野就好似比佢封鎖係個段日子裡面，我變得唔識得去尋找自己既快樂、自己既幸福。
阿逸係後黎既一段日子裡面，都有再次問起我願唔願意比佢照顧。我答應左佢係適當既時間會去考慮，但而家我真係唔想再提感情既事。
之後佢就無再提起過呢件事，只係守候住係我身邊。
雖然間唔中我都會諗，倒不如真係接受左阿逸就算。但原來你放唔低一個人，就永遠都接受唔到另一個…
我清楚知道所有野都係自己既沉迷、自己既執著、自己既堅持。其實只要我能夠放低阿鋒，我就可以重新一次走入呢個世界既懷抱。
天使係咁講，佢話我只要肯去面對，咁所有野都會好起黎。反正人已經死左，就算我點去等、點去執著，佢都唔會返黎。
理智一早認同左天使呢番說話，但係感情唔係天使，而係魔鬼。
敗，係敗於魔鬼設下既沉迷障法。佢令人對愛情執著，難以捨下…
阿鋒離開左，我只有比以前更加更加愛佢。
佢決定走出呢個令佢煩憂既世界，但我對佢思念無減過半分。有時，甚至會覺得自己掛住佢掛到連自己都唔認得…
===========================================================
說好的，三年不見面
用我們的愛，把時間留住…
你笑著說，這是我們的考驗，我們的約定…
就這樣，三年又過了
我還是，回到這個地方
閉上眼，等你的出現，空氣中吻你的臉
我還記得！我們的約定！一輩子，幸福的約定！
為你寫的那首歌，它也偷偷的掉淚了
我還記得！我們的約定！我比以前，還更愛你了！
連那風…都笑我了，我想它會告訴你的…我更愛你了…
你會記得！我們的約定！一輩子，幸福的約定！
迎著風…我也笑了！它一定會告訴你的！
我更…愛你了…
===========================================================
「…終有一日，我會比到幸福妳…我約定妳好無…？」
呢句說話，我一直無忘記過。
亦係因為呢句說話，我堅持住一切。
每當我去拜祭阿鋒既時候，我都會諗起呢句說話。
我相信佢所講既一切，我相信終有一日佢會實現佢對我既承諾…
我仍然係度等…
等佢有日記起我…
等佢返黎，為我抹乾面上既淚痕…
阿鋒，你記得嗎？
呢個，係我同你既約定…
一輩子，最幸福既約定…
~~全文完~~
Yuke 2007-8-8 11:35
＊ 作者的話＊
阿鋒同阿ka之間既故事黎到呢度，算係終結啦。
但現實裡面，感情永遠無完既一日。
呢個故事只可以話係生命既開端。往後，仲會有更多更多既故事發生。
人生都係漫長既，而記憶永遠短暫。作為人類，能夠做既就只有將回憶寫低。
故事既結局一d都唔完美，但其實人生又點會有完美呢？
係現實世界裡面，世事根本就無完美。而愛情，更加係破破碎碎。
故事裡面既五位主角，阿ka、阿鋒、阿奈、阿sam、阿龍，由唔識得咩係愛，到學識愛，到愛得深到傷得深，再到痛得更深，直到最後傷既傷、死既死、等既等、留戀既繼續留戀，呢一段過左去既日子會成為歷史，而呢段歷史…將會係佢地五個身上留下永不忘滅既痕跡。
好多讀者問，呢個故事到底真定假架？
哈，由一開始我就講過，係真係假我永遠都唔會揭盅。
其實真假又有咩所謂呢？反正呢個只係一段平凡不過既愛情故事。
再問，我只能夠答既，就係故事裡面五個主角都係真係其人，而其他既，就留d空間比大家去思考啦。（笑）
有人話過，故事好動人、好淒美，令人覺得好可憐、好慘之類。
但呢d都只不過係睇得太少既誤會。
咁樣既一個愛情故事，無論係香港定係世界各地都好，我相信每日都係度進行緊、發生緊。
其實只要留心去睇既話，就會發現原來身邊都有好多相似既故事。
「當我們學會愛之後」，係對呢個世界既另一種認知，係訴說人由童年長大既經過，係一切轉變既始端。
呢個故事，並唔完美，並唔特別、並唔感人，亦都唔憂傷。
佢只係，一篇最淡然既回憶。
係呢度，就將呢個最唔完美、最淡然既故事，獻比所有為不懂愛而正學習愛既人…
紫霜 2007-8-8 12:21
爆好睇呀 搞到我哭左::33::
話時話呀 個作者 我覺得佢好好文彩呀~
＊ 作者的話＊ 睇左覺得好大感觸
(完左真係好唔捨得呀~)
巧心 2007-8-8 15:12
咁 快 完 啦 ... " -3-
我 睇 結 局 睇 到 喊 呀 T^T"
嗚 ~ 嗚 ...
點 解 個 結 局 會 咁 慘 嫁 ?!
紫霜 2007-8-9 15:20
我諗個作者一定係一路作一路哭
~Z~ 2007-8-20 09:41
好好睇呀
我覺得阿ｋａ好可憐ｌｏｗ
阿柔都好無辜
兩個女人都好地地比一個賤男害死左
唉∼∼男人都係衰架啦 十個男人九個衰
好似阿鋒呢ｄ就仲衰
我就覺得阿鋒抵死自己攞黎不得至總要害麻人
最增ｄ咁不負責任既人 無好下場都拍手叫絕抵佢
都好有個阿ｓａｍ係好人
[[i] 本帖最後由 ~Z~ 於 2007-8-20 10:55 AM 編輯 [/i]]
巧心 2007-8-20 19:18
[quote]原帖由 [i]~Z~[/i] 於 2007-8-20 09:41 發表
好好睇呀
我覺得阿ｋａ好可憐ｌｏｗ
阿柔都好無辜
兩個女人都好地地比一個賤男害死左
唉∼∼男人都係衰架啦 十個男人九個衰
好似阿鋒呢ｄ就仲衰
我就覺得阿鋒抵死自己攞黎不得至總要害麻 ... [/quote]
[u][color=Orange]哥 ﹏
【 男 不 壞 ,, 女 不 愛 ! 】[/color][/u]
chengsaulai 2008-8-2 13:12
正...
×幸運星× 2008-8-13 20:41
GoOd!!!!!!!!!!
小盈盈 2008-8-16 11:22
好好睇呀...
人生的確唔會有十成十既完美...
十卜...
winki113 2008-8-21 19:46
*** 作者被禁止或刪除 內容自動屏蔽 ***
s!u-珊 2008-8-23 14:25
-::十卜十卜..supsu
we999 2008-8-24 14:32
好好睇呀~
佢地好慘呀~
我睇到想哭呀-.-
幸福的眼淚 2008-9-11 15:00
我都唔知邊個講野- -
分唔清
但係慢慢睇又好好睇wow
-v-""