查看完整版本: [[完]]當我們學會愛之後~(勁好睇呀)

又過左個零月。呢間月入面我間唔中都會上下阿柔屋企，拎d野比佢食又或者幫佢執下屋，有時就陪佢去行街或者上媽咪班，佢而家大晒，真係當正我妹仔咁黎點。佢個肚都差唔多三個月啦，我成日都叫佢小心d，唔好做d危險動作，如果唔係流產就麻煩。

阿鋒隔幾日都會上黎我屋企一次，又或者當阿柔唔得閒個陣佢就會叫我落去陪佢食個飯咁。次次見到佢我都唔捨得走，鬼咩，隔幾日先見一次，唔掛住就假。不過我知無得怨啦，係我自己拎黎。

阿龍阿sam佢地都係咁啦，無穿無爛，大家都過得幾開心。

今日阿柔同阿鋒講，話要返去外家拎d野，佢而家搬左出黎自己一個住，間屋係阿鋒租比佢既，等佢唔駛成日煩住話要去阿鋒度住嘛。本來佢有叫埋阿鋒一齊陪佢返去，不過阿鋒唔想，最後都係由佢自己一個返去就算。

跟住阿鋒就同左阿sam佢地去做野，阿奈又話要去搵個fd，得返我自己一個。

一個人係屋企無咩好做，咪上下網玩下電腦咁囉，玩到悶悶地又想訓陣，諗住去訓啦。點知都未正式訓落床，電話就響。初頭我以為係阿鋒做完野打比我啦，一望個來電顯示先知係阿柔。

「喂？」我以為佢打黎又係叫我過去幫佢拎野之類，語氣已經唔多耐煩架啦。

「喂…阿ka…」佢把聲死唔斷氣咁，唔係出左咩事呀？！

「喂，妳做咩呀？」咪扮野好喎，我唔會上妳當架啵。

「救我…BB…救…」

聽到佢呢句真係嚇都嚇死我！唔係真係出左事呀？！

「妳而家係邊呀？！」我一路講一路快手快腳換衫，一定要快d搵到佢，希望去到個陣仲可以黎得切啦。

「屋企…快d黎…」

我聽得出佢好辛苦，究竟發生左咩大事？！

「妳頂住呀！我而家即刻黎！」

一換好衫我就衝出門口，上左的士之後叫個司機有咁快開咁快，用九秒九既時間趕去阿柔屋企。

一路搭車我一路打電話，點知阿鋒佢地d電話全部唔通，可能未做完野收唔到又或者無開機啦。打比阿奈，佢個電話又長響無人聽。激死！

架的士一到步，我就即刻飛上樓。好彩咁岩有電梯到，如果唔係我真係會跑樓梯上去搵阿柔都似。

跑到去佢屋企門口，想伸手禁鐘個陣先發現佢度大門原來打開左，見到咁既環境，一陣不詳既預感湧上心頭，我深呼吸左啖氣，手震震咁輕輕力推開度門…

果然，我既預感一d都無錯，一打開門，見到既影象足夠嚇死我！

阿柔佢訓左係地下，臉色發白狀甚痛苦，但佢既神智仲係清醒既，因為當佢見到我個陣，仲識得伸手叫我。

「妳點呀？！到底發生咩事呀？！」我即刻走埋佢度，諗住扶起佢先講。

不過當我一拉佢，佢一郁，我就見到地下有一大灘鮮紅色既液體。係血！仲要係由阿柔下體流出黎既血！

「妳點呀？！」我有d慌，好驚佢同個BB有咩事。

「BB…救…BB…」佢捉住我隻手。可能佢真係痛得太西利，終於都頂唔順慢慢暈左過去。

「喂！喂！」我搖左佢兩下，都係無反應。

咁既情況我都唔理得咁多，究竟發生咩事呢個問題都係遲d先研究，而家最緊要既係就報警送佢去醫院先。

由等差佬到，到上白車再到醫院，我一直不停咁打電話搵阿鋒佢地，但仍然都係一個都搵唔到。

去到醫院，阿柔即刻就比醫生推左入手術室，而我就留係出面比差佬問話。個差佬係咁問我咩事，我都唔知點答佢好，事實我都唔知發生咩事。

一路問話我都心不在焉，擔心緊阿柔同個BB究竟有無事。最擔心既係個BB，又唔知到底發生咩事，點解無啦啦會搞成咁。

佢地入左去已經差唔多兩個鐘，搞咁耐唔會出左咩大問題嘛？

終於係三個鐘頭之後，醫生出返黎。

「佢點呀醫生？！」一見到醫生，我幾乎係撲埋去捉住佢黎問。

「係妳送佢入黎既？妳係佢邊位？」個醫生望左我一眼，跟住就問我。

個刻我差d就想粗口百出。大佬呀！我而家唔係黎同你玩問答遊戲呀！我問你野你又問返我！我頂！

「我係佢朋友！佢而家到底點呀？！」

「佢既陰道口有明顯爆裂既情況，」佢托一托佢副金絲眼鏡先繼續講，「初步懷疑做成呢個情形既原因係因為佢係同一時間入面比超過一個人強迫進行性行為，而家要再進一步同佢檢查先知。」

我聽到呆左，比超過個人強迫進行性行為？！咁咪即係比人輪姦？！

「咁佢肚入面個BB呢？！」我記起佢頭先有流血，即刻就問個BB既情況。

「由於個胎係仲未成形既情況之下比外物過度壓迫，子宮承受唔到而破損，所以佢個BB已經救唔返。」

救唔返…佢個BB無左…阿鋒既骨肉…

「一陣會有警察黎同妳地落口供，妳而家可以入去睇下佢先，我地會安排佢繼續接受檢查。」醫生交帶完之後就行左去。

我無入到去睇阿柔，個一刻我淨係知道自己個心好亂，腦入面有好多好多問號解釋唔到。到底發生咩事？

我坐左係度慢慢組織返成件事。開始諗到單野可能同阿鋒佢地既背景有關，雖然我知道既野唔多，佢地亦無係我面前提起過d乜，但最起碼我知道一路以黎都有人睇唔過眼佢地咁後生就咁有勢力，一直都想搵個方法打擊佢地，令佢地失去而家手上邊既勢力。

會唔會就係因為咁，阿柔先會比人輪姦？但阿柔而家住緊呢度，係阿鋒新租比佢既，應該無理由會有人知佢屋企係邊先岩架。何況而家唔係得阿柔一個同阿鋒有關係，仲有我呢？點解好揀唔揀揀阿柔，而唔係揀我呢？

如果佢地係因為知道阿柔有左，咁樣對阿鋒黎講會傷害d既，咁佢地又係咩渠道知道阿柔有左既消息呢?

「小姐？小姐？妳無事丫嘛？」我諗到入晒神，連個差佬嗌左我幾聲都唔知。

「下？我無事。」比佢拍一拍我，我先回復返正常。

「咁唔該妳過黎呢邊同我地落多次份口供。」佢帶左我去另一邊。落口供就係咁麻煩既事黎，同一件事要講十次八次甚至更多次，真係你想唔記得都難。

落口供個陣，我當然無蠢到同差佬講可能係黑社會尋仇事件啦，只係簡簡單單交代左發現阿柔受傷既經過就算。

落完口供之後，差佬就同我講要去搵阿柔落口供，叫我坐係出面等等。就係呢個時候，我電話響，係阿奈打黎。

「喂，妳打比我呀？」一拎起個電話阿奈就問。

「嗯…」係，我頭先的確係打過比妳…

「做咩呀？call得我咁急既？」

「妳搵唔搵到阿鋒佢地呀…？」我答到阿奈，反問返佢有無阿鋒既消息。

「阿鋒？係度呀，佢地岩岩做完野黎搵我。」

「咁…妳而家同佢地黎醫院啦…」

「醫院？！妳唔係有咩事嘛？！發生咩事呀？！」

「你地黎到先講啦…」係呢個時候我唔想講咁多，「仲有，妳同阿鋒講聲…阿柔出左事。」講完之後我就即刻收左線。

係電話只會講得唔清唔楚，我自己又未平伏到個心情，我想等佢地黎到之後，自己亦都冷靜左先慢慢同佢地講。



十五分鐘之後阿鋒佢地就黎到。

「阿柔點呀？！」阿鋒第一個入到黎，見到我之後亦都係第一個開聲問既。

「佢而家應該仲係入面落緊口供…」

「究竟發生咩事呀？」佢顯得有d緊張。

「頭先…」我開口想講，但講左兩隻字之後又無咩勇氣講落去。

「頭先咩姐？講啦！」阿鋒喝我。

我比佢既態度嚇親，如果我係一個唔識得佢地既人，我大概會諗阿柔先係佢女朋友，因為佢真係有d過份緊張。

「頭先阿柔打比我話出左事，咁我即刻去搵佢囉。點知去到佢屋企就見佢訓左係地下，下體仲流緊血，我又唔知佢發生咩事，驚佢有生命危險咪送左佢入黎醫院囉。我地入左黎已經三個幾鐘，醫生出返黎同我講，話佢…可能比人輪姦…」我的確唔係幾滿意阿鋒既態度，於是乎一鼓作氣講晒出黎，可惜既係，我自己都愈講愈細聲。

「…輪姦…？」瞬間佢已經轉換左幾種表情，由愕然，到唔相信，再到迷茫，最後既係憤怒。仲有一樣最唔顯眼既，係心痛。

我望住眼前既佢，隱約有種不詳既預感。我感覺得到，呢次之後，將會所有野都唔同晒…

同阿鋒佢地交代完成件事之後，差佬亦都同阿柔落完口供出返黎。

個差佬出到黎，望左我地一人一眼，面上邊既表情變得有d鄙視。雖然唔知阿柔究竟同佢講左d咩，但我相信佢大約都估到。可能佢會覺得我地係抵死既，古惑仔，行得出黎就預左有今日。

阿鋒見到差佬出黎，第一時間就衝左入去睇阿柔。

「鋒！」阿柔一見到阿鋒，即刻攬住佢係咁喊。

阿鋒無推開佢，反而伸手攬返住佢，由得佢慢慢喊。阿鋒見佢喊左一陣之後情緒平伏左d，於是就捉住佢隻手坐係佢身邊。

「話我知，到底發生咩事好無？」柔聲細語，佢又回復返以前對阿柔個種溫柔。

「我返完外母之後就返去屋企…返到去無耐就有人黎禁鐘，我以為係你上黎搵我啦…點知一開門就有幾個男人衝入黎…」佢仲係斷斷續續咁喊緊，「我問佢地係邊個，但佢地無答到我，跟住就…嗚…」

唔駛再講，我地都知跟住發生咩事。

「佢地臨走個陣先同我講…叫我有咩唔明就黎問你…」阿柔喊得好淒涼。

「無事架啦…有我係度，真係無事架啦…」阿鋒攬住佢，慢慢掃佢個頭。

見到佢地咁，我個心不其然有d難受，雖然我而家呢刻阿鋒安慰佢係應該既。

「頭先差人黎問我，我咩都無講到架！你信我呀！…我真係無講到…」阿柔不斷強調自己無出賣阿鋒既背景資料。

「係係係，我信妳。妳乖，休息下先好無？我一陣再返黎。」

「唔好！你唔好走！」佢拉住阿鋒，「如果你出左去…佢地又黎咁點呀…？」阿柔既情緒好唔穩定。正常既，比著任何一個女人，遇到咁既先可以冷靜先奇。

「咁…我留係度陪妳啦，妳乖，休息下先。」阿鋒安慰完佢，轉頭就同我地講，「你地返去先啦，有我留係度陪佢得架啦…」

我無出聲。我知道而家阿柔需要佢多過我需要佢，而阿鋒亦都有責任留係度陪住佢，所以就算我妒忌，就算我呷醋，我都無講任何野去反對。

我當然明白而家就算去講或者妒忌，都係無用呢個道理。其實由我決定比阿鋒返去佢身邊個日開始，我已經無權去妒忌，何況而家既阿柔仲要發生d咁既事？

跟住落黎有差唔多兩個禮拜既日子，阿鋒仍然留係阿柔身邊照顧佢。我明白，佢需要佢丫嘛。但係明白還明白，當去到醫院見到阿鋒對佢有幾溫柔有幾關心個陣，我都仲會覺得心痛。女人，都係善妒既動物黎既

今日我去左醫院，表面上就話想去探下阿柔，事實係我想借呢個機會見下阿鋒。

但當我入到病房個陣，先發現得返阿柔一個係度。

「阿鋒呢？」我隨手放低拎黎既野，順口問左句。

「佢出左去買野食比我…」阿柔既情緒睇黎已經平伏左好多。

「妳無乜事啦嘛？」我倒左杯水比佢。

「無咩事啦，有心…」語氣態度都軟化左好多，佢又變返以前個個最溫柔、可愛、文靜兼且純情既阿柔。

「嗯…好好休息啦…」

「以前…對唔住…」佢突然同我講對唔住，搞到我比佢嚇親。

「下？做咩無啦啦同我講對唔住呀…？」

「我唔應該咁對妳既…係我唔死心，先會搞成咁…」

「傻啦，妳都係鍾意佢先會咁姐…」除左呢句之外我都唔知仲可以講咩，唔通鬧佢一餐數落佢以前有咩唔岩？不過我真係無諗過佢會同我道歉，更加無諗過佢會為自己既行為內疚。

「男不壞女不愛係真架…佢唔算係一個好男人，但佢係我心目中係最好既…由我十六歲個年開始跟住佢，雖然中間曾經有段時間係空白既，但係咁多年黎，我都再睇唔上任何一個男人…」

我無出聲，由佢繼續講落去。

「當我同返佢一齊之後無幾耐，我就恢復返記憶。當時我真係好開心架，佢竟然咁多年都無忘記過我。但我估唔到，原來佢同妳一齊過，我都曾經對佢有信心過，以為佢同妳之間係點都好，我都係最重要個個。點知…佢睇到妳跳樓個陣，佢竟然心痛，最後仲選擇左妳…」

我仍然無出聲。心入面其實好想同佢講句，當阿鋒知道妳比人輪姦個陣，佢都一樣有心痛…

「佢放棄我個陣真係好傷心，無諗過會變成咁，我唔甘心，不停咁問自己有咩比唔上妳。當時我真係覺得個世界好灰、好黑暗，直到我知道自己有左個刻，我先覺得呢個世界仲有希望…但係而家…」佢開始眼泛淚光。

我相信呢刻佢講既野都係內心說話黎既。起碼，佢所講既大家都有目共睹。

「唔駛咁唔開心啦…妳睇下，佢而家唔係係妳身邊陪住妳咩？」我唔知可以講d咩黎安慰佢，我都明白失去晒所有野既感受。

「但係佢點都會返去妳身邊…佢愛個個點都係妳…」佢抹眼淚，「或者你地都覺得我一直利用緊個BB…但其實我真係想生佢出黎架，我都想照顧佢睇住佢長大，所以當我比人…個陣…我真係好擔心佢會有事…」

講到呢到，阿鋒咁岩就買完野返黎。

「妳做咩喊呀？唔舒服呀？！」佢一入黎見到阿柔眼紅紅咁，就好緊張咁問。

「無野呀，我無事，有沙入眼之嘛…」

「妳黎左呀…？」當佢知道阿柔無事個陣，擰轉頭先發現我黎左。

「嗯，我買左d補品拎黎比阿柔姐…」

由幾時開始，我同佢見面個陣會變得咁客氣？客氣到好似見到個唔熟既人咁…

「妳肚餓架啦，食野先啦。」佢行埋去扶阿柔起身，我覺得佢有d無視我存在囉。

「我唔阻你地啦，下次先黎探過妳。」我唔想再睇落去，係度既感覺就好似自己完全係個陌生人咁，而佢兩個先係一對。為免自己忍唔住喊出黎，我都係選擇左起身走人。

我個心好混亂，同時對阿鋒既信心亦都開始動搖。佢對阿柔既體貼，到底係出自內疚、關懷定抑或係愛意？

而我所預感既野，係咪即將會發生？

呀ka超慘呀~

唉 "

呀 鋒 到 底 鍾 意 邊 個 嫁 !?

隔左兩日，阿sam搵左阿鋒去茶記食飯。

「搵我想同我講咩呀？」阿鋒一坐低就點左支煙，問。

「你又知我實有事搵你？」

「無野你唔會特登約我出黎啦，你估你真係好得閒咩？」

「你而家打算點姐？」既然阿鋒都估到七、八成，阿sam都直話直說。

「唔知…我都唔知可以點…」

「咁拖落去唔係辦法架喎，阿柔都就出院啦，你點都要面對。」

「我知兩個都好愛我，但係…」

「問你樣野啦，兩個女人之中你最想保護邊個？佢地兩個入面，你又最想見到邊個笑？只要你搵到答案，你就自自然然識揀啦。」

「我想保護阿柔…因為佢真係連點樣保護自己都唔識，話晒你我帶佢入呢個圈子，我應該負責任保護佢。佢已經三番四次受到傷害，如果我再唔保護佢，我會覺得自己好對佢唔住…」阿鋒扯左啖煙，繼續講，「但我想見到阿ka笑，我唔想佢因為我而唔開心，或者…佢唔應該愛上我…」

「矛盾，你自己都知無可能叫佢兩個並存架。你試諗下，你想保護阿柔會唔會係因為兩次佢比人傷害都係你既關係，令你覺得疚先想保護佢？如果呢次兩次意外都係發生係阿ka身上個陣，係想保護個個會唔會又變左係佢？」

「我都唔知，但我的確唔想阿ka再為我唔開心…我想佢堅強d…」

「咁其實你已經比左個答案你自己啦。o靚仔，呢個世界無兩全其美架，情債的確唔好受，既然個天比得呢個兩女人你，你就要好好去選擇。阿ka堅唔堅強你自己知，阿柔會點你亦好清楚，其實你已經知道你自己想點，係你自己唔肯去承認姐。」

「比我諗清楚先啦…我而家都好亂…」

「好，不過你記住，無論你點揀都好，就算我唔認同都會支持你既。」



接落黎有成個禮拜，阿鋒仍然無搵過我，而我都再去醫院探阿柔。

呢日我同阿奈落茶記諗住吹下水，點知一行入去就見到阿sam佢地幾個同阿柔都係度，仲有阿逸。我唔知道佢地幾個圍內聚腳到底有d咩意圖，但我知道，明顯係有事唔比得我同阿奈知，所以先會暪住我地。

「喂！你又話去買野？！係度做咩呀？！」阿奈見到阿sam，梗係質問佢在場既原因啦，何況阿sam仲呃左佢喎。

「我返去先同妳解釋啦…」阿sam細細聲同阿奈講。

「鋒…」阿柔見到我，即刻拉住阿鋒出聲。

「得啦，我知要點做，妳放心啦。」阿鋒拍一拍佢隻手，示意等佢黎主持大局。

咁多個禮拜無見過佢，佢又無主動搵過我，話唔會胡思亂想就假，所以我已經一早就諗過晒可能會發生既情況。而家再見到佢既舉動，我已經深知佢下一步想講咩，同時我亦知道呢d說話一定唔會係我想聽既。但有時就係咁，唔想聽都要聽落去，我知道無得避。

「係咪有野想同我講？」我選擇主動坐低兼開口問。

可能我真係冷靜得有點兒過左火位，當在場既人見到我坐低之後，個個表情都閃過「愕然」兩隻字。

沉默左半分鐘，阿鋒回復冷靜，開口講佢既第一句說話。

「對唔住…」同一句開場白，上一次我可以得到佢，今次呢？「我希望妳可以堅強，妳仲大把機會搵過個好男仔，我…其實一d都唔岩妳，我比唔到幸福妳架…」

我想笑，借問一聲，如果連你都比唔到幸福我，仲有邊個可以？我可以搵過個好男仔？請問有邊個男人，可以係聽到自己個女朋友曾經有過第二個男人既BB而唔會介意？

「既然係咁，咁我祝福你兩個可以白頭到老。」我深呼吸左啖空氣，好用力咁拼出呢句說話。我知呢刻再去講任何野都係無用，既然佢係決定左既，咁我唯有尊重佢既決定，我退出就好。

我終於知道佢地為乜會係度，為既，就係想諗方法點樣開口同我講好。但其實又駛乜諗咁多？而家幾簡單，幾句說話就搞掂晒。

「應承我，好好照顧自己。」阿鋒捉住我隻手講。

「我會。你都要照顧自己，記得好好對佢…我走啦，拜拜…」我輕輕鬆開佢隻手，起身行出門口。

行出茶記門口，我突然覺得天旋地轉，腳一軟就想暈低。咁岩阿逸係後面追出黎，見我想暈即刻就伸手扶住我。

「妳點呀？！」佢好緊張。

「無事…」借住佢扶我度力，我終於可以企穩自己。

「一係我同妳返屋企先啦…」

「唔好，我唔想返去…陪我去玩晚好無？」我望住佢問。

我唔想返屋企，唔想返去面對個個充滿我同阿鋒回憶既地方。我唔想喊，唔想自己覺得痛。大家可以放心，我唔會再自殺，上次我死可以得到佢，但我知今次再死已經係無用。何況佢都想我好好咁生活落去，而我亦都答應左佢，既然呢個係佢既意願黎，咁我當然要跟住做。

個晚我拉住阿逸陪我落左D，選擇左用毒品去麻醉自己，已經好耐無再掂呢樣野lu。我當然知道阿鋒佢唔會想我咁做，不過一晚，就一晚咁多，呢次之後我真係唔再掂。今晚，我真係唔想去諗其他野。

道別了怎可要見…？ 就像這一生再精彩，也得一次童年…

但是我天真未變… 孩子很好騙，為了不死的信念

仍然信，你狡辯，若我聽教你便回來我身邊…

明知等不到亦要等，還好有眼淚來陪襯，反正空虛，沒什麼想發生…

難得開心過讓我等，難得我愈捱愈振奮，可以等誰願意問？沒有真相才吸引

我勇敢、我膽怯、我不忿… 回頭問背後誰著了燈…？

但願你真的看見… 現在我天天，抱緊這布公仔去睡眠

但願我天真未變… 孩子很好騙，為了不死的信念

仍然信，你狡辯，若我聽教你便回來我身邊…

明知等不到亦要等，還好有眼淚來陪襯，反正空虛，沒什麼想發生…

難得開心過讓我等，難得我愈捱，愈振奮！

可以等，誰願意問？ 連眉梢都因你劇震！




我勇敢、我膽怯、我不忿… 回頭問背後誰在接吻…？

====================================================================



歌聲慢慢由電腦喇叭傳出，喚聲係睡夢中既我。

擒晚我落到去D唔夠一個鐘，已經爆到七彩，玩左半晚，阿逸見我已經爆到豬頭咁都知我唔開心，為免我再留係度繼續take野，於是就送左我返黎屋企。返到黎之後我就即刻訓著左，可惜由於一個夢既關係，我訓得一d都唔好。

係夢入面，我見到阿鋒同阿柔本來就係一對，無論我付出左幾多、做左幾多野都好，都始終打動唔到阿鋒。夢入面既阿鋒話我知，佢同阿柔呢世都會係埋一齊，叫我唔好再晒時間去等。最後佢就係我面前，拖住阿柔一步一步行入教堂…

夢醒，枕頭已經被眼淚淹沒。

我好難過，直頭醒左之後都仲一直諗緊個夢。

呢個夢會唔會就係想話比我知，由一開始我同阿鋒就注定係錯既？個天會唔會係想同我講，我選擇退出係正確，阿柔同佢先係命中既一對？

好無助、好難過，唔知有邊個可以話我知到底應該點做。

不過阿鋒講過一句說話，佢希望我學識堅強。既然佢想，咁我就應該學習，我要為左佢而堅強，為左佢而笑。

之前咪話過要出黎搵野做既？學校個度我已經退左學架啦，但工就仲未搵到。無計啦，呢段日子發生太多太多野，一來要照顧阿柔，二來我實在未有心機去搵。

但係而家唔同lu，無左阿鋒係身邊，我要努力養活自己。

就由今日開始，努力搵工啦。



過左幾日，哈，又咁好彩。我見既第一份工即刻就請左我，仲同我講叫我過兩日就返工。學歷唔高，搵到既都唔算係咩好工，只係普普通通既一個文員仔黎姐，人工亦唔係好高，都算係叫做夠兩餐之餘仲可以儲下錢。我又自己一個人搵一個人駛，慳慳地都可以儲到錢既。

搵到工咁開心，我當然想搵個人陪我慶祝下，阿奈阿sam呢對理想當然地實走唔甩啦，見完工之後我就即刻call左佢地，約左佢地今晚落我地阿sam佢地個場度玩返晚，當係慶祝就算。

「喂！」

行到出間公司門口，突然有人係後面叫住我。

「咦！乜咁岩呀？」原來係阿逸，仲以為邊個tim。

「我岩岩做完野行過嘛，」佢見我手上面拎住個公文袋，又問，「妳呢？」

「我岩岩見完工。好開心呀，佢請左我。」我笑。

「咁好？咁係時候請食飯啦喎。」

「好呀，我約左阿奈佢地今晚落D，而家同你去食飯先，我請。」搵到份工心情特別好，暫時都忘記左感情上既煩惱。

「咁行啦，搵間好d既屈妳請。」

講就咁講姐，到最尾餐飯其實都係佢埋單，話等我出左糧先請返佢喎，總之乜都有佢理由啦。成餐飯我地都有講有笑，雖然唔知佢而家對我仲有無咩特別意思，不過我仲感受到佢係關心我既。

「今晚你同唔同我地落去呀？一齊玩開心下。」食飽飽之後我就問佢。

「無咩所謂，妳想我去咪陪妳去囉。」

「講得咁勉強，無人逼你架喎。」我一路笑一路起身走人。

今晚心情的確唔錯，搵到工係其一啦，阿逸又不停咁搞埋d爛gag引我笑，所以就連平時我唔太飲酒，今晚都飲左唔少。

當晚一落到D，我就同阿逸阿奈佢地玩得好癲。無take野，不過成晚飲左唔少酒，加上心情有種莫名既興奮感，所以玩得特別hing。

老實講，我落黎只係想尋開心，根本就無諗過會撞到阿鋒佢地。

但世事有時就真係咁難講，愈無諗過既野就愈有可能發生。

就係我同阿逸佢地係舞池玩到興起，阿鋒同遲黎既阿sam仲有阿龍阿柔就係大門入緊黎。佢地入到黎之後坐左係舞池附近既檯度，而阿sam亦未有第一時間搵阿奈，反而坐左係度飲酒。

隔左一陣，突然有個女仔行埋黎撓住阿sam隻手。

「喂！捨得落黎啦咩？」個女仔同阿sam講野既態度好親密，仲要挨身挨世，唔知有咩關係呢？

「妳又會係度既？」阿sam見到佢無咩大反應，亦無對條女既動作作出反抗。

「我特登過場黎搵你架，鬼咩你咁耐都唔搵我咩。」

「妳忙丫嘛，咁多仔媾邊有時間理我呀？」阿sam講笑。

「藉口，你知你搵我既話我一定到架。」

嘩，佢兩個十足十調情咁款，比阿奈見到實嗌大交都似。

真係呢頭唔好講人，個頭阿奈又真係打算出去食支煙。行經舞池d檯個陣，又比佢咁岩見到阿sam同個女仔。

現場環境當然係好嘈啦，但阿奈又唔係真係聾既，阿sam佢地又無發現阿奈係度，阿奈係近距離之下仍然聽得好清楚佢地既對話。

「搵我咩事呀？」阿sam遞左支酒比個女仔。

「無事唔搵得你架咩？係咪掛住你想見下你唔得先？」

「嘩，妳咁講嚇親我架。咁而家我人又係度啦，妳想點先？」

「想出去跳舞囉，咁你陪唔陪我呀？」

「做咩一定要我陪妳姐？」

「想咪要你陪囉，你可以唔陪架。」

阿奈愈聽愈火滾，條女都幾搞笑，佢憑咩要阿sam陪佢？可惜阿sam偏偏又無拒絕既意思，最後阿奈都係決定唔睇好過睇，轉身行去吧檯。

而係當時，唯一一個發現阿奈係度又走左去既就只有阿龍。雖然龍仔平時成日同佢鬥氣，但佢始終都好關心阿奈，見到阿奈咁於是佢都跟埋過去吧檯。

「做咩呀？」阿龍坐低，順手叫左兩枝啤酒。

「無野！」阿奈個樣擺明就已經係嬲，仲要話無野，搵鬼信？

「無野妳就唔會咁啦，當我第一日識妳咩？係咪嬲佢兩個咁呀？」

「鬼得閒嬲佢地呀！」一睇就知佢嬲到震啦，死淨把口。

「咪激親自己啦，佢兩個無野架。」

「你又知？！咁樣挨身挨世唔係有野係咩？！」

「總之條女同佢無野啦…」阿龍明顯有d野隱瞞緊，想講又唔想講咁。

「你係咪知道d咩？！好快d講啦喎！你知我最憎人呃我！」

「…妳真係想知？」

「佢兩個曾經一齊過…好多年前既事啦，雖然阿sam無承認過，亦都拖照拍女照媾，但有傳個陣阿sam其實好鍾意呢條女，不過到最後都無左下文啦，後黎條女做左佢契妹，我知既野就係咁啦…」

「…個陣佢真係好鍾意佢…？」

「傳聞黎姐，又有邊個知道係真係假？都過左去啦，而家佢地都無野囉。」

阿奈無出聲，望住阿sam個邊。

當佢見到阿sam同個女仔繼續有講有笑，即刻就又無名火起。

「妖！」阿奈拎起枝啤酒，唔理三七廿一就倒晒落口。

「咪咁啦，一係我同妳去打機啦，咪留係度激親自己。」

「唔去呀！我返屋企！」佢發脾氣起身走人。

其實有時誤會既野真係可大可小，就好似今晚咁，一個女仔既出現就已經可以改變好多野。

阿龍陪住阿奈返到屋企，一路上阿奈都無出過聲，但明顯佢情緒上面有好大轉變。由岩岩係Disco度好嬲，到返到屋企個陣已經變得傷心。

「妳點呀？」直到返到上樓阿奈都仍然無講野，阿龍見到佢咁都開始擔心。

「…做咩你唔一早話我知有個咁既女仔姐？」阿奈終於反問。

「妳知妳疑心幾大架啦，一早講妳知妳咪仲唔開心？加上佢同條女又無野囉，咁仲提黎做咩姐？咪盞妳唔開心。」

「無野佢兩個就唔會咁親密啦…」

「咪心多啦，咁佢係佢契妹黎架嘛，親密d都好正常架？妳同妳d阿哥都會咁啦。」

「點同姐？我同阿哥佢地一直都係兄妹，但係佢同佢之前一齊過架！」

「咁一齊過都唔代表d乜姐，係咪？而家都無野囉。」

「佢今日落到黎都無搵我丫…連我走左都唔知…」阿奈愈諗愈灰，開始喊起上黎。

「唔好咁啦…」阿龍都未遇過阿奈咁樣，有d手忙腳亂。

佢當然知道阿奈而家唔開心啦，其實比佢喊下反而仲好，起碼喊左出黎個人會舒服d先嘛。但係睇到阿奈喊，佢又唔忍心見到佢咁。

「傻妹，喊出黎啦，喊出黎舒服d，喊完就無事架啦…佢一定會返黎搵妳…」



另一邊仲留係Disco入面既我同阿逸仍然玩得好開心，一直唔知阿奈佢地發生咩事，更加唔知阿鋒佢地都係度。直到我地玩到

的確，除左見到佢地個刻有一絲難受之外，我今晚成晚既情緒都好高漲，甚至感覺到有種莫名既興奮帶動緊我既情緒，幾乎可以話有d反常。我盡量控制自己既情緒，盡量笑，阿鋒唔係話過想見到我笑咩？咁我而家就笑比佢睇。
一路同阿逸玩，我就一路有咁大聲笑咁大聲，我唔知自己係想透過呢種情緒表達d咩，但似乎只有大聲咁笑，我先可以壓抑住想喊既衝動。可能我真係笑得太大聲啦，吸引左阿鋒佢地既注意，下意識裡面我知道佢一直都望住我。

突然間唔知邊度黎一種衝動，我居然攬住阿逸一啖錫左落佢度。無任何郁動，就只係嘴唇對嘴唇。

我知，呢一幕阿鋒一定會見到。

因為當我望返過去個陣，我見到阿鋒個眼神好複雜，係受傷、係心痛、係妒忌、係憤怒。

我笑，成功啦。我知阿鋒同我講分手個刻其實需要好大勇氣，亦相信佢事後絕對有為自己既選擇而內疚，我知，佢唔想我傷心嘛。我知就算以後點扮無事都好，佢都會覺得我個心唔好受。但只要而家比佢見到我錫阿逸，佢就一定會誤會我唔再愛佢，我可以好快就搵第二個，咁樣反而會令佢個心安樂d。

「妳為咩咁做呀？」阿逸見我無啦啦咀佢，即時反應當然係呆滯，不過好快佢就回復冷靜。

「…你咪當我突然之間想錫你囉，當係多謝你今晚令我咁開心。」我求其搵左個藉口諗住推堂過去就算，呢個時候我唔想去諗咁多野黎做解釋。

「我過去幫妳同佢解釋。」佢望左我一陣，之後竟然提出過去幫我同阿鋒解釋。

「唔駛呀，駛咩同佢解釋姐？」我拉住佢。解釋？解釋咪只會令我岩岩所做既野流於白廢？

「妳咁做為咩呀？妳明明就係仲愛佢，做咩要扮到咩事都無姐？」

「我唔愛呀！唔愛呀！」我大叫。

或者我自己都唔想再愛，但心入面既感受清清楚楚話緊我知，我仲愛，我仲會心痛，我仲會唔開心。只係，我已經唔想再去喊，唔想再去傷心。

阿逸望住我顯得有d無奈。

「…對唔住…」事實我知自己好過份，所以道歉。

「唔駛同我講對唔住，妳知妳自己做緊咩就得啦…」

「既然佢選擇得阿柔，我希望佢地真係可以長久落去…唔好再有第二個我…」

「我知妳心入面好唔開心，不如喊出黎啦？喊出黎妳會舒服d…」

「唔啦…再喊又有咩意思…？」

「妳自己決定啦…但妳記住，無論點都好，我仲會企係妳身邊…」

當時我實在無去深究阿逸呢句說話係咩意思，我只係知道佢好支持我，係作為一個朋友身份既支持。

阿鋒自從見到我主動攬住阿逸黎錫之後就一直無出過聲，淨係坐左係度飲悶酒，一直陪係佢隔離既阿柔實在有d忍唔住咁沉寂既氣氛。

「你做咩唔出聲姐？」

「妳比我靜下好無…？」阿鋒講完又拎起枝酒再飲過。

「…你妒忌？」明知阿鋒想靜，佢仲去提問呢d問題，係咪博鬧？

「哈，妒忌？」阿鋒苦笑左下，「乜我有資格妒忌咩？」呢條問題我相信絕對唔係問緊阿柔，而係問緊佢自己。「係我放棄佢先！係我一次又一次傷害佢！佢可以打我鬧我甚至對住我喊我都唔會怪佢，因為一直以黎我都覺得佢好愛我，係我對佢唔住，咁做之不過係比一d微不足道既補償比佢。但係…」佢一口講到呢到，停低深呼吸左下之後先繼續，「但係直到頭先個刻，當我見到佢攬住第二個黎錫，我開始懷疑佢到底有幾愛我…？」

難得，真係好難得，到底佢係飲醉左定還是真係咁痛？一直以黎佢都好收埋自己，就算對住阿sam阿龍佢地都從未試過咁坦白講出自己既感受。

「妳覺得佢愛唔愛我…？」佢突然問阿柔。

「…你唔好再問我好無？知唔知你咁樣我好難受…」阿柔望住佢。

阿鋒見到佢咁，亦都無再出聲問落去。或者係個刻就只有眼前呢個人可以關心佢愛佢，雖然阿鋒明知自己唔會再好似以前咁對佢咁好，但始終佢都係選擇左呢個人，就要為呢個人負所謂既責任。

我慶幸佢終於都誤會左我，我真係想佢將我係佢心入面放低。

個晚，係我係跟住落黎既日子裡面最後一次見到阿鋒。縱有萬般不捨，亦要捨棄。

我會緊記佢對我既期望，努力做，盡力做，我會堅強。

信我，我一定得。



當晚半夜，就係我同阿逸玩到

第二日一早阿奈就醒左。

擒晚阿龍係阿sam返左入房無幾耐之後就走左，而家係阿奈身邊既理所當然係阿sam啦，佢擒晚成晚都無訓到，呆呆滯滯咁坐係床邊，望住熟睡中既阿奈，一路煲煙一路諗野。

「早晨。」佢見阿奈訓醒，即刻就報上一個微笑加外一句早晨。

可惜阿奈睇黎唔多領情，一望到阿sam個樣佢就諗起擒晚個女仔。

「阿龍呢？」阿奈第一句就問。

阿sam見佢起身即刻就問起阿龍，個心有d唔舒服，又唔多想答佢，唯有唔出聲望住佢就算。

「我問你阿龍係邊呀？」阿奈見佢無反應，加重左語氣再問多次。

「妳咁緊張做咩姐？」阿sam覺得佢態度反常，於是反問左佢一句。

「無野啦。」佢見問極阿sam都唔答佢，就想出去自己搵阿龍。

「妳同佢係咪有d野？」忍左成晚，加上而家見到阿奈既反應，終於都令阿sam忍唔住開口問。妒忌係正常既，尤其以阿sam呢類咁小器既男人黎講。

「你講乜呀？」聽到佢咁問既阿奈真係眼都突埋，佢無野呀？

「妳知我咩？咁大反應做咩呀？」妒忌既火焰係阿sam心入面愈燒愈勁，但相反面上邊既表情就顯得愈加冷漠，嘴角甚至出現一絲冷笑。

「痴線！都唔知你講乜。」

「我問妳係咪鍾意左佢呀？！」

「你咁大聲做乜姐！？」可能阿sam呢句真係問得太大聲，即時引黎阿奈唔滿意既眼神。

「答我啦！妳係咪鍾意左佢呀？！定還是同佢有路呀？！」有時人就係咁執著，對於一d所謂既答案窮追猛打。

「你知唔知自己係度緊講咩呀！？」阿奈開始扯火。

「我講緊乜妳自己好清楚！」

「夠啦你！我都未問你同擒晚條女咩關係，你竟然走黎問我係咪鍾意阿龍？！」

「擒晚邊條女呀？！」

佢兩個開始嘈起上黎。鬼咩，大家個心一人一條刺係度，唔嘈就假。

「擒晚條女唔係你以前條女咩？一見人就嗒晒糖咁，我走左幾耐你先知呀？！」

「佢係我契妹黎！就算以前我同佢有咩關係而家都過左去啦！」

「係過左去既就唔會見到面仲攬身攬世啦！」

「妳自己對住d契哥個陣咪又係咁！而家黎話我呀？！」

「喂！我攬都有限度丫！會唔會好似佢咁送晒波餅呀？！何況我同d阿哥一直都係兄妹關係，唔似得你同佢囉！契妹喎！不如契埋上床tim丫笨！」

「好！我就當妳有道理！咁妳同阿龍呢？！你兩個夠攬住黎訓啦！咁你兩個又咩關係呀？！」

「可以有咩關係呀？！攬下就一定代表有野架啦咩？！白痴！」其實阿奈已經唔太記得自己擒晚有無攬住阿龍黎訓，但以佢份人係偏偏唔會係呢d時候黎解釋，唔理三七廿一，嘈左先算。

「妳都識講攬下唔代表有關係啦！咁我同條女都無野姐！」

「唔同喎，你同佢以前一齊過！但阿龍係你兄弟黎，你咁樣懷疑我同佢會唔會有d過份呀？！」其實阿奈真係好嬲，佢覺得就算點都好，都唔應該懷疑自己條女同自己個兄弟有路。

「哦！我懷疑就係我過份！咁妳亂諗又係咩呀？！」

「你都打橫黎講！我廢事同你嘈，要懷疑你自己慢慢懷疑到夠！」

跟住阿奈就出左門口，唔駛問佢梗係去搵阿龍啦。



「啪啪啪啪啪！啪啪啪！」一連串急速既拍門聲係阿龍屋企門口響起。

阿龍擒晚返到屋企之後都無訓過，一直坐左係度諗野。突然之間聽到咁急既拍門聲都嚇左跳，以有發生咩事，即刻就去開門。

一開門就見到阿奈又嬲又谷氣個樣。

「做咩呀？個樣咁嬲既？」

「唔好提啦！條粉腸都唔知痴左邊條線！好懷疑唔懷疑竟然懷疑我同你有野喎！都痴線架！我都未問佢擒晚條女咩關係就走黎話我！哼！」阿奈直行直入，未行到梳化坐低已經一輪嘴係咁講。

「究竟咩事姐？妳坐低慢慢講啦，咪咁嬲先。」阿龍閂埋度大門，就跟住佢後面行去梳化坐低。

「我點知咩事姐！？我都想知佢發咩神經呀！一起身就比佢質問我係咪鍾意左你！白痴架！由細識到大都知我同你唔會有野啦，咁都要問！激死！」

阿龍無出聲，佢當然知道發生咩事啦，但同阿奈講都無用，而家唯有由得阿奈發洩完就算。

「你做咩唔出聲姐！係咪而家連你都覺得我有錯丫？！」阿奈見阿龍無晒反應，即刻就啤住佢問。

「痴線，梗係唔係啦，妳都知妳嬲起上黎個陣無人夠妳講架啦，咪諗住等妳發洩完啖氣落左先同妳講野囉，起碼就算講錯野都唔駛比妳鬧嘛。」阿龍笑。

「係鬧我都第一個鬧左個白痴先呀！」

「係啦係啦，邊有人好似妳咁傻架？妳愈嬲咪盞自己愈激氣？」

「咁唔嬲可以點呀！度氣會頂住係度唔上唔落架嘛！」

「唔好咁啦，最多比妳打一身啦，咪嬲啦。」

「唔要呀！打你你痛咋嘛，又唔係佢痛！」

「咁妳想點呀…？」唉，一見到阿奈嬲我地就頭大。要

[夢醒，枕頭已經被眼淚淹沒]  好有詩意呀XD

-0- 佢 地 鬧 到 咁 勁 ...

乜 無 人 投 訴 嫁 咩 ?!

係完全無心理準備之下突然撞到阿sam，阿奈即刻顯得有d不知所措。

嬲就肯定仲有架啦，一來嬲佢個日講錯野，二來嬲佢激親佢咁多日都唔搵佢。不過嬲還嬲，一見到佢啖氣都落左一半咁滯啦，如果阿sam而家肯開口

呢個世界就係有咁多野話唔埋，當阿奈阿龍係酒吧飲緊酒既同時，阿sam同阿鋒咁岩又落黎同一間Bar度。

阿sam個樣睇落有d憔悴，似乎幾日幾夜都無訓過覺好咁。岩既，就算係佢自己發脾氣先亦唔好受嘛。

愛情呢樣野就好似有個定律咁。唔理係先發難個位定係受難個位都好，往往情侶鬧交完之後都會好自然咁失眠、流淚，就好似唔經過呢d情節，套戲就唔會正式落畫咁。

阿sam有無喊我唔知，不過就好肯定佢有失眠，由佢對國寶眼度已經睇得出啦。

佢兩個由入黎到坐低，竟然都發現唔到阿奈同阿龍。

「十幾日唔見人，死左去邊呀？」阿sam一坐低就叫左半打啤酒，睇黎佢今晚係想黎買醉多。

「我同阿柔去左旅行。」阿鋒輕輕笑左下。

「旅行？去邊呀？」

「日本。」又笑。

「咁開心？你個死仔都會去旅行架咩？同得佢去旅行即係進展唔錯啦？」

阿鋒無答佢，只係拉一拉嘴角笑就算。佢成日都係咁，當遇到佢唔想回答既問題個陣，佢就會以微笑帶過。

「唔好講我啦，你條女呢？」阿鋒奇怪今晚阿奈唔見人。

「佢？嘿…」阿sam好無奈咁苦笑左下。

「發生咩事呀？」阿鋒覺得唔對路，平時只要一提阿奈，阿sam實會笑到見牙唔見眼，但係今日竟然一反常態。

「我都唔知點講…我搵左你好多日，就係想同你傾下。

佢一路飲酒，一路將呢十幾日所發生既事話晒比阿鋒知。

「你會唔會多疑左d呢？一個係你兄弟，一個係你女人，你覺得佢地會搞埋一齊咩？」阿鋒一聽完，第一句就問阿sam。

「其實我都唔知，我都唔係有心咁講野…我淨係知自己唔想失去佢，唔想同佢分開，更加唔想佢受傷…」

「你已經傷害左佢啦。」阿鋒呢句話令到阿sam即刻啞口無言。

無錯，佢係唔想傷害阿奈，但係佢前幾日所講既野已經深深咁傷害左佢。

「我…你都知我d脾氣…個刻我只係覺得好妒忌，所以…」

「大家做左咁耐兄弟點會唔知咩你脾氣？你同我一樣，癲起上黎個陣就唔理自己講緊乜，最終搞到好多野都無得返轉頭…」呢句說話講得好感觸丫呵？真係想知佢講呢句個陣到底係諗緊咩。

「o靚仔，你唔知既等我黎話你知。你自己根本就好鍾意條女，相信佢相信你自己啦，同時我亦覺得阿龍就算真係鍾意左佢都唔會同你爭囉。係你教我架，係鍾意既就要好好珍惜，後悔既滋味唔好受架…」

阿sam無出聲，但阿鋒呢幾句說話的確提醒左佢。

另一邊既阿奈落左黎大半晚，飲左半晚悶酒，到而家呢刻終於捨得抬頭望下四圍既環境，又咁岩得咁橋，比阿鋒點化左既阿sam又正正抬頭叫酒飲，就係咁，佢兩個終於係呢刻四目交投。

阿sam見到阿奈同阿龍坐埋一齊，眼神隨即變化出佢內心複雜既情緒。

開心，係因為太耐無見過阿奈；安樂，係見到阿奈仲安然無恙；失落，係見到阿奈憔悴既樣貌；妒忌，係見到陪住佢既係阿龍而唔係自己…

千百萬種情緒完全透過眼神而表露無遺，就連身邊既阿鋒都察覺得到。

「冷靜d先，無謂愈搞愈亂呀…」

冷靜，岩，要冷靜。阿sam拎起支酒一飲而盡，希望酒精可以令自己冷靜落黎。

但係可惜，坐係另一邊既阿奈比起阿sam，情緒似乎要黎得單純好多。

佢見到阿sam，亦都知阿sam見到佢，但係佢無任何表示，甚至無話比阿龍知阿鋒佢地都係度，反而開始撩阿龍講野，唯一唔同左既，係佢表現得有d瘋狂。

阿龍當然唔知阿奈發生咩事，佢都仲未見到阿sam佢地，佢只係唔明點解阿奈既反應同情緒會突然之間轉變晒。

呢邊佢地玩得好癲，另一邊既阿sam就愈睇愈妒忌…

直到阿奈一個唔小心，其實都唔知佢係有心定無意，總之個刻佢就仆左落阿龍度，而阿龍見到佢趺親亦好即時反應咁扶住佢，變相兩個攬埋一齊，睇到呢幕既阿sam終於都忍唔住要爆發。

佢粒聲唔出咁行過去，阿鋒初時以為佢只係想過去

係Bar入面既阿sam阿奈相對無言。阿奈又唔想係而家呢個時候同阿sam講野，於是企起身諗住走，阿sam見到佢咁，第一時間就拉住佢。

「唔好走啦，我唔想妳走…」

「…放手啦，而家先黎講呢d野有咩用…？你一早就放棄左我啦…」

「我無，我一d都唔想放棄妳…妳知唔知呢十幾日我有幾掛住妳？我有幾想妳可以係我身邊？我想搵妳，但又唔知點同妳講…」

「夠啦，我對你已經夠晒失望，而家我唔想再同你講任何野…」

「妳意思係…分手…？！」

「我只係唔想再失望多一次…唔想再聽多一次咁難聽既說話…」

「我知係我對妳唔住！但我真係因為妒忌先會亂講野架咋，我無心架！」

「妒忌就可以咁架啦咩？咁如果再有下一次呢？！係咪次次都無心就可以咁？！我要聽多幾多次呢d說話呀！？」

「唔會架啦！我應承妳唔會再有下一次！我發誓！」

其實阿奈點會唔心軟？阿sam對佢好、愛佢，佢都知道，同樣地佢亦好珍惜阿sam，雖然阿sam傷害左佢，但佢都知道佢真係無心既。

「真係無下一次…？」

「妳唔信我既，我發誓！如果我再有下一次咁對妳…」

阿sam都未發完個誓，阿奈已經一手遮住佢個嘴。

「唔駛真係發誓啦，只要你記住你所講過既野就得啦…」

「嗯…」呵，終於都和好如初啦。

「但係…阿龍佢點呀…？」岩岩無事，阿奈又諗起阿龍話鍾意佢單野。

「…我會同佢傾啦，妳唔駛擔心…」

「你同佢傾都得，但你要應承我唔准再郁手打佢。」

「做咩呀？妳怕我打傷佢呀？」

「咁快又呷醋？佢係你兄弟黎架，你點可以郁手打佢架？」阿奈鍾唔鍾意阿龍係另一回事，但係友情方面阿奈係絕對唔容許阿sam出手打兄弟既。

「佢搶我女人啵！我梗係要同佢死過啦！」哈，其實阿sam有時睇落都幾似個小朋友。

「你唔好忘記係佢鍾意我先架…」



個晚係Bar，龍仔終於坦白承認左自己對阿奈既感情，同時阿sam亦因呢件事而同阿龍嘈左交。阿奈話當佢聽到阿龍話鍾意左佢個陣真係好愕然，諗起佢一直以黎收埋左咁耐，付出左咁多就覺得佢好慘咁話。不過呢種感覺係短短十幾分鐘之內，隨即就比阿sam既言語吹散左。

之前因為某個基本上無關痛癢既女仔，搞到阿sam阿奈兩個鬧晒大交嗌晒分手咁。有好多人唔明白點解可以為左少少事而搞到滿城風雨，唔緊要，唔明係正常架。當你真正認識左佢兩個之後，你就唔會覺得發生呢件事有幾出奇架啦。

唔好睇佢兩個平時嘻嘻哈哈好似都唔太著重大家咁，又或者把口成日亂講唔介意對方去媾仔媾女，其實佢兩個都正一係醋程黎！永遠一個呷緊醋個陣，另一個又會特登激多幾錢重；呷緊醋個個見到又覺得唔抵得，一唔抵得又會激返對方。結果？咪好多時都會愈搞愈衰囉。

佢兩個都唔係第一次為左呢d少問題黎鬧交架啦，係今次嚴重左d姐。不過算啦，反正而家佢兩個都無事囉，我地都唔理得咁多。

阿龍擒晚出左酒吧之後就同阿鋒去左飲酒，兩條友係公園飲到天光先捨得返屋企。唔駛問，兩個都已經一早貓晒。本來飲醉酒無咩咁大件事，但係而佢兩個既酒量黎講，飲醉發生係佢兩個身上既原因肯定只係得兩個。

第一，係因為太開心太高興；第二，係因為好唔開心或者好煩。

阿龍肯定係屬於後者，但係阿鋒呢？佢又為乜飲醉？

阿奈同佢老公呢段鬧交風雲，係後黎佢已經原原本本咁話晒我知，當然唔少得阿龍表白個幕咁震撼而又飛快閃過既場面啦。

有人歡喜自然有人愁，係阿sam阿奈兩個再續未了情緣既同時，阿龍自然傷心都震。阿奈話自從個晚係Bar見到阿龍走左之後佢就無再出現過，就算有時有緊要事想搵佢幫手都搵佢唔到，無人知佢去左邊，亦都無聽任何人提起過佢。

呢件事之後阿sam都無再提起過阿龍，就連有時d細既唔覺意講起，阿sam都會即刻收聲兼黑面，久而久之d人都唔敢再多講。阿sam唔緊張都可以話有原因，但奇就奇在連阿鋒都無咩表示。

阿奈見龍仔咁耐都唔見人，電話無人聽屋企又無人應門，曾經都因為怕佢出左事而去問過阿鋒。可惜阿鋒一直都話唔知唔知，即係問完等於無問。

終於係過左一排之後，大家對呢個問題既疑惑都沉靜左落黎。

日子一日一日咁過，我都係返工放工再返工。無去玩無去蒲更加無見過阿鋒，就連阿奈我都好少搵。唔係我唔想搵佢，而係有時我真係忙到連食飯都無時間。

岩岩出黎做野無幾耐我就已經開始打兩份工；一份朝早九點到六點，另一份夜晚七點半開始到凌晨兩點。每日除左返工就係食飯同訓覺，幾乎連休息都無時間，你話我仲邊有時間去搵朋友？

不過間唔中係我休息個日落樓下買野食，都會撞到阿鋒班兄弟。我由佢地口中得知阿柔同阿鋒都生活得好好，佢地仲話阿鋒而家變得好依賴阿柔喎，有時連街都唔去，夜晚留係屋企同阿柔兩個人煮飯食就算，就連夜生活都減少左好多。

以前佢邊度會咁？我都唔知叫左佢幾多次唔好蒲咁多，亦都提過佢好多次要主意自己條氣管，佢氣管一直都唔係咁好，我叫過佢唔好食咁多煙同埋小心天氣轉變，但佢就一次都無聽過我講，每次都只係話得得得就算。但而家見到阿柔可以改變到佢，對我對佢黎講都算係一件好事，起碼佢身體健康左，我亦唔駛再成日擔心佢會出咩事。

唔好怪班友仔口沒遮攔，佢地都唔係有心向我提起。只係大家都見我仲可以生活得好地地，先會同我講幾句關於佢地既野。

其實我聽到佢地咁樣真係覺得幾開心，最少佢地仲幸福，咁樣就已經無白廢到我既心血，而我所流過既眼淚亦都有返些少價值。

我知道個晚係D度咀阿逸個幕一定表演得好成功，因為而家個結果就係我所預期中個個。阿鋒終於放低左我，一心一意同阿柔生活。

唔好問我點解可以咁大方，我只可以答你，雖然我仲係好愛佢，但我唔一定要得到佢。如果佢可以生活得開開心心又得到幸福既，咁我退出又有咩所謂？只要佢過得好，我就覺得滿足。

係呢段時間裡邊，我見到最多既可以話係阿逸。

其實一直以黎都係佢搵我多，好似每個月出糧咁，佢都硬係話要屈我請食飯而叫我出去，但次次出到去食飽埋單個陣，又梗係話下次先要我請。

我唔知道佢對我仲有無任何愛情既成份存在，只係知道佢真係好支持我、幫助我。每次有事個陣，無論係咩都好，只要我打個電話佢就會出現。

我好感激佢呢份情意，係友情既情意。其他野，我真係諗都無諗過。

嘩...........呀ka好偉大呀~

其 實 呀 龍 去 左 邊 ?!

時間轉下眼就過左一年，唔好聽到一年呢兩個字就以為過左好耐呀，其實一年時間好快就過架咋。

托賴，阿sam阿奈兩個依舊感情不變，都係三日一小吵、五日一大吵咁啦，但咪又係轉下又無事。有時都幾佩服佢地，成日咁樣嘈黎嘈去，分左手又係返埋一齊，但係感情仲可以一日好過一日。

阿龍仍然無出現過，就好似人間蒸愛左咁，無人搵到佢，亦都無人知佢係邊。

至於我呢，辛辛苦苦搵左成年錢，終於都儲落左一筆可觀既金錢。出左黎做野之後我開始知道讀唔夠書既苦況，所以係儲到呢筆錢之後我就決定去讀返d課程黎進修下自己。無辦法啦，鬼叫自己以前懶唔肯讀書？而家唯有邊做邊學啦。

我係舊公司拎左經驗，做到份約滿左之後就轉左去第二間公司做，人工高左，時間亦都鬆動左，夜晚個份兼職亦都無再做落去，所以先有時間去讀夜間課程。

讀左幾個月，出黎既第一次考試成績都算叫做唔錯啦，畢竟我唔係一個蠢人，讀書方面仲可以叫做有些少小聰明既。

之前有同事問我，做咩咁鬼博命，又打工又進修搞到自己咁辛苦？

個陣我笑住答佢因為自己貪錢，讀書唔夠又賺唔得多，所以先咁博殺。但事實係我知自己份人一得閒無野做就會成日亂諗，一亂諗就會唔開心，唔開心又會愈諗愈多。為左唔想做成呢個無止盡既惡性循環，我唯有盡量將自己有咁忙搞到咁忙，做野個陣唔得閒去諗其他野，返到屋企又

過左幾日，阿奈又約我落去食飯。

個晚我放左工仲要返學，放左學之後拎埋d書就直接落茶記度搵佢。

「咁遲架妳，就黎悶死我啦！」

「唔好意思囉，塞車丫嘛。」我將個袋連埋個堆重死人既書求其放低就坐好。

「快d叫野食啦，等妳等到我餓扁啦！」

「係啦係啦，餓扁左妳仲係度咩…」

叫左野食之後，我地又繼續我地既吹水話題。都係講下呢幾日點丫，有咩搞笑野發生個d咁啦。點知講講下，阿奈突然望住門口唔出聲，咁我坐既位置背住門口，當然睇唔到佢望緊咩啦。

「喂，做咩姐妳？呆晒既？」我伸手係佢面前掃下。

「下！？無，無事！繼續食飯啦！」

「無事妳又望到呆晒？」我想話擰轉身睇下佢望緊咩，點知佢就捉住我。

情形就好似以前係旺中第一次撞到阿柔同阿鋒個陣咁，死都唔比我擰轉身。

我開始察覺事態唔尋常，亦都意識到佢係有野唔想我見到。

「係咪阿鋒黎左？」我望住佢，輕輕問左句。佢唯一唔想我見到既，大概就只有阿鋒一個。

阿奈佢無出聲，就係佢呢句唔答我，我已經知道自己估中左。

「得啦，放心，我無事。」我深呼吸左下。

其實佢肯同我講野既，我會樂意繼續做佢既朋友；佢唔願意同我講野既，我亦會識趣唔去煩佢。佢而家生活得咁開心，我無謂再去搗亂啦，係咪？

入黎既唔止阿鋒一個，仲有阿sam。

阿sam一入黎就見到阿奈，但仲未發現我，因為我背住佢地黎坐，淨係睇背影既話佢地亦唔知我係邊個。我諗我既轉變係令佢地發現唔到我既最大原因，以前我因為打理方便一直留偏短既直髮，但而家我已經留返長d頭髮，仲電攣左。

阿奈知道阿sam實會發現佢，於是係咁打眼色比阿sam示意佢唔好過黎。

唔好話阿sam蠢，係人係鬼都唔會明阿奈到底係咩意思，當然阿sam都唔明啦，所以最後佢都係行左過黎。

「你行過黎做咩呀！？」佢一行到埋黎，阿奈即刻就捉住佢細細聲講。

呢個時候阿sam先望到我，我輕輕講左句Hi算係打左聲招呼。

「佢點會係度架？」阿sam同我點左下頭之後就繼續同阿奈咬耳仔。

「我約佢黎食飯架嘛！」

跟住係阿sam後面既阿鋒無幾耐都行到黎，佢第一眼就發現我，眼神除左愕然之外仲有幾份難以形容既複雜。

我對住佢點左下頭，笑左下，咩都無講到。

「我地唔食啦，走啦！」阿奈想拉我起身走人。

「我都未食飽，坐啦…」我拉返低佢。

我唔走係因為我覺得咁樣走左去會令到大家好尷尬，我亦唔想阿鋒覺得我係有心避開佢，所以選擇左繼續留係度。

「咁算啦，坐啦坐啦，大家都餓囉。」阿sam諗住打圓場。

「Ka！我坐妳隔離！」阿奈見係咪都要坐低，佢又唔想阿鋒坐我隔離，於是即刻起身坐左過黎我個邊。

「我都係唔食啦，走先。」或者阿鋒見到阿奈咁既態度，自己都覺得留係度無咩意思，所以想走。

「喂…」我拉住佢，「未食飯既，不如坐低一齊食啦…」

其實大家都明白，逃避落去對大家都無好處，倒不如利用呢個機會，大家去面對一下仲好。或者我地可以因為呢次機會，而做返普通朋友呢？

佢聽到我咁講，無出到聲就坐低係阿sam隔離，我既對面。

見返佢既感覺好奇怪。當我見到佢第一眼個陣，我心即時跳一跳，但好快個種心跳既感覺就無左，冷靜落黎之後反而覺得無咩感覺。我知自己仲好掛住佢，但見返之後個感覺又唔太大。係個一刻，或者就連我自己都以為自己可以放得低…



由坐低叫野食到食飽飽，前後足足四十分鐘有多既時間，我地四個之間靜到幾乎連烏蠅飛過都聽到。除左阿奈同阿sam兩個間唔中講 一兩 個無聊笑話之外，我同阿鋒都無出過聲。直到大家放低晒飯碗，坐係度煲煙吹水兼飲陣個陣，阿鋒先開聲同我講第一句說話。

「妳飲咩？照舊凍奶茶？」佢問我。

「下？嗯，唔該。」我有d愕然。出乎意料之外既係佢竟然會同我講，更加諗唔到佢仲會記得我鍾意飲咩。坐係度咁耐佢都無同我講過半句說話，我仲以為佢唔會再理我，差d就放棄左同佢做返朋友呢個念頭。

佢點左下頭，跟手就叫個伙計埋黎落單。

「丫，呢排都好似好悶咁啵，有咩好做呢？」阿sam見阿鋒肯開聲，就加把口係度問。

話時話，有時我覺得阿sam講d野都幾無聊，基本上佢係我眼中除左型之外就無其他優點架啦，係阿奈先可以頂得佢順，比我實一早飛左佢。

「悶咪去打飛機囉…」阿鋒搭嘴。

「痴線！悶就要打飛機架啦咩？何況我駛唔駛打飛機呀！？」

「乜你唔駛架咩？咁唔知邊個係度呻，咁耐都未同條女扑過呢？」

阿奈一聽到呢句，差d就將口入面啖檸茶噴返出黎。

「車！扑左你唔知姐！」知唔知咩叫死要面？呢！阿sam而家呢隻就係啦！

「係我唔知定抑或你有扑野，但唔係同呢條女扑咋？」阿鋒奸笑。

好好笑，我都忍唔住笑左出黎。關鍵唔在於阿sam佢地既反應，而係因為阿鋒個笑容。

「咳咳！」阿奈乾咳左兩聲，隻眼就啤住阿sam等佢回答。

「o拿！我發誓我無呀！係佢係度亂講咋！」阿sam舉起三隻手指作發誓狀。

「係我亂講定係事實，你自己心照啦。」阿鋒實行繼續煽風點火。

「你個死仔講夠未呀！呢排見我地無事又要我地嘈過呀？！」阿sam一路講一路打阿鋒，而我同阿奈就係咁笑。

「我有講錯你咩？咁耐無做過我就唔信你唔打飛機啦！」佢邊避邊笑邊講。

「你估我係你呀！？」

「似乎你出名係咸濕佬多d喎。」阿鋒陰陰嘴笑。

「食完就走人啦！咁多野講！」

埋完單行到出門口，我實在覺得d書好重，就想話提出返屋企先，點知我都未開聲，阿sam已經係度問。

「喂，有無地方去呀？」

「你想去邊姐？」阿鋒反問返佢。

「我好耐無去蒲啦…」

「淨係你呀？」

咁事實又真係好耐無去玩過既…

呢年裡面，我地五個就好似各散東西咁。阿龍到而家都仲失緊蹤，講句唔好聽都唔知係咪要落地獄先搵得到佢。阿鋒自從同返阿柔一齊之後已經變得甚少去蒲，就連夜街都出少左。三兄弟之中得返阿sam一個會經常落去，但好老實講，自己一個落去又有咩意思？就算有阿奈係度陪佢都變得同以前唔同啦。所以後期就連阿sam都無乜點落去，間野交低比d細既打理就算。我就更加唔駛講啦，又要返工又要返學，仲邊有時間去玩？至於阿奈…佢都玩夠啦，何況阿sam唔落去，佢自己一個又點會落？

「喂，不如落D啦。」阿sam見今晚難得咁齊人，雖然少緊件，但都有四個丫。

「我無咩所謂呀，反正我又唔駛返工。」阿奈就真係幸福，有阿sam呢個老公兼且唔駛做。不過呢個其實唔係佢意願黎架，阿奈都話過成日係屋企好悶想搵野做，係阿sam哥仔唔比之嘛，話咩怕佢辛苦唔比佢做啵。

「嘩，我好耐無蒲過啦喎…」

「你係咪咁掃興呀？！」阿sam見到阿鋒個樣好似唔想去咁，即時大叫。

「駛唔駛咁大反應姐？我有話唔去咩？」

「咁即係去啦！去就行啦！」

「喂，你唔駛問埋阿ka架？」係囉，都無人問過我，個個都當我實會去咁。

阿鋒呢句說話一出，三個人六隻眼即時望實晒我。

如果我而家話唔去會唔會好衰呢？但其實又無咩大問題既，咁岩撞正我聽日day off，玩夜d都無咩問題，係怕我咁耐無蒲會眼訓姐。

「算你好彩，我聽日放假，去就去啦，不過去之前我要返屋企放低d書，我實在唔想拎住d咁重既書去玩。」無謂掃興之餘我又想去玩下，眼訓就眼訓啦，大不了係個度訓陣架姐。

「Yeah！我幾驚妳話唔去呀！」阿sam喝彩。

於是我地四個，齊齊返左我屋企放低d野之後，就走左落D度玩。





一去到Disco門口，阿sam已經難掩佢興奮既心情。梗係啦，要個平時一個禮拜蒲足八晚既蒲精悶足一年半載先有得落去再玩過，比我我都會興奮啦。

入到去無幾耐，阿sam阿奈兩個已經第一時間飛左出舞池，留低我同阿鋒兩個係Bar檯附近坐。

望住眼前既燈光轉黎轉去，聽住耳邊咁熟悉既音樂，突然有種草木以舊，人面全非既感覺。以前未行到入黎，係門口d人已經鋒哥前sam哥後咁叫佢地，但而家入左黎幾耐，似乎都無人知佢地係度。

並唔係話d人唔記得佢地，只係d人已經唔同晒姐。話晒都成年咁耐，走既走、戒蒲既戒蒲，唔多唔少都會轉左d人架啦。何況早排阿sam將個場交左比d細既睇住，d細既又再交比d細既，交下交下都唔知交左比邊個。

加上有d o靚仔都係近期先收返黎，淨係聽過阿鋒佢地個名，人都未見過，而家見到都唔知佢地係乜水啦。

「做咩唔出聲？」阿鋒見我坐係度咁耐靜足咁耐就問。

「嗯？無呀，係度諗緊野之嘛。」

「諗咩諗得咁投入呀？」

「問得咁清楚做咩？你一向都唔係d咁八卦既人黎架。」我望住佢微微笑左下。

話佢唔八卦係假既，係要睇下對象係邊個同埋八既係咩姐。從來佢都唔多過問我既野，有時就算我想講佢都顯得唔係好願意聽，所以佢而家咁問我反而好奇。

「妳當我想知。」佢對返住我笑。

「你覺唔覺呢度變左好多？」我望住四周圍既環境同佢講。

「妳指人定環境先？」

「人…以前落黎呢度好開心，就算唔係一大班朋友都可以玩得好癲…但係由幾時開始，呢度變到好似而家咁？」

「傻妹…仲係咁多愁善感…」

「…呢兩個字…好好聽…」我輕輕笑左下。好耐無聽過佢咁叫我，本來呢兩個字對我黎講已經好陌生，但而家一聽，又變得好熟悉。

佢靜左落黎。

「你近排點呀？」

「好悶，生活過得好悶…」

「安安定定唔好咩？成日係出面打打殺殺會令人擔心架…」

「有邊個真係會擔心？」奇怪，佢一向都好有自信，做咩而家講野會變到咁灰？

「仲有…佢呢…」我本來想講阿柔個名，但講到一半又覺得唔係太好。

「…佢？！哼！」佢冷笑左下。

我奇怪點解提起阿柔佢會有咁既反應？班細既唔係話佢地過得好好架咩？我好想知，但我又唔敢問，怕問左會令佢唔開心或者嬲。我明知佢性格，如果佢唔想講既點逼佢都無用，逼佢反而會做成反效果，隨時嬲埋你都有份，所以我都無出聲問到佢。

「唔好講呢d啦，講下阿奈佢地。」我轉話題。

「佢地？佢地有咩好講？」

「唔知阿龍而家係邊呢？」

「…唔知呢…」古怪，佢係唔知既又駛乜諗左先答？

「估唔到佢粒聲唔出，竟然鍾意左阿奈咁耐…」

「呢個世界仲有好多野係估唔到既…」

「你想講咩呀…？」我知佢一定係有野想講，如果唔係以佢份人係絕對唔會無啦啦講埋d咁既說話既。

「妳同阿逸呢排點？」終於佢都問左呢句。

「有咩點？間唔中見下面，食下飯咁囉，普通朋友。」

「你兩個唔係拍拖咩？」

我靜左。原來佢仲以為我同緊阿逸一齊，場戲竟然一做就做左一年咁耐，而佢又真係相信左一合。呢一刻我實在唔知應該繼續做戲好，定係講真話好。我知佢最憎人呃佢，如果到而家都仲講大話，佢知道左一定會嬲死我。

「…我地無一齊過…」最後我決定咁答。

「係咩？咁一年前妳又係呢度錫佢？」佢仲記住個幕，乜個幕比佢既影響真係咁深咩？我唔知佢記住黎做咩，係因為唔甘心我咁快就搭上第二個？定抑或佢仲鍾意我？

「我…曾經鍾意過佢囉…」呢句都算係真話丫，我真係曾經鍾意過阿逸架，不過係係好耐好耐之前，我仲失緊憶個陣之嘛。我咁答都唔算係呃佢呀，只係食左d字無講到姐。

「鍾意點解唔一齊？」

我估到佢會咁問我，所以我亦諗好左點答佢。

「真係愛一個人根本唔需要同佢一齊，只要佢係開心就得…」呢兩句說話我係有心講比佢聽。其實我好想佢知道，無論我自己點樣都好，只要佢係開心幸福既，我就已經覺得好安慰。

記得岩岩同佢分開個段日子，係最難捱最難過既。要面對感情上面既創傷，一日又要返兩份工，做野比人鬧，返到屋企有時又會同屋企人嘈交。搵朋友傾，d朋友又各有各忙，到佢地有時閒得閒啦，佢地又掛住去晒拍拖。無計啦，朋友始終都係朋友，無可能廿四小時都係身邊陪住自己既。

有時見到個個朋友身邊都有男朋友係度錫自己，都會覺得自己好孤獨。尤其係病緊個陣，心入面就更加覺得寂寞。怪自己身體唔爭氣啦，又或者真係捱得太多，呢年幾裡邊愈黎愈多病痛浮現，一病就覺得自己無人錫好慘。但呢條路係我自己揀既，邊度怨得人？我點樣都要撐落去。

辛苦，所以個陣我買左條鍊比自己，條鍊有個牌仔，我就係個牌仔上面刻左阿鋒個名。一直以黎我都將呢條鍊當係佢，當我唔開心、病緊又或者諗起佢個陣，我就會捉實條鍊同自己講，其實佢一直都係我身邊陪緊我。只有咁樣，先可以將所有唔愉快減到最低。直到而家呢刻我都仲帶住條鍊，但我已經將條鍊收得好好，希望盡量唔好比佢發現。

係舞池個邊，阿sam阿奈兩個本來玩得好地地，點知突然聽到有人係佢地後面大叫。

「喂！你撞到我呀！」

本能反應，阿sam佢地即時擰轉身望一望發生咩事。

「話緊你呀！」有條友啤住阿sam講。

阿sam見佢望住自己，即刻左望右望，望左幾下sure左係得自己同阿奈兩個係附近，先開聲同佢講野。

「你話緊我呀？」阿sam直頭用隻手指指住自己黎問。

「係呀！你撞左我好多次啦！」

「哦，咁又點呀？」哈，阿sam真係好鬼抵死，一句反問足以表達佢既無視。

「點呀？！唔駛say sorry呀？！」

「你要佢同你say sorry呀？！哼！難啦！」阿奈覺得好笑，條友仔真係唔識死，夠膽係呢個場叫阿sam say sorry。

「關妳咩事呀？！收聲啦八婆！」條仔指住阿奈講。

「講還講唔好手指指呀！」阿sam見到即刻就拍開佢隻手。

「我係鍾意指呀！咁點呀！？」嘩，駛唔駛咁大聲呀？

連播緊歌都聽到佢把聲傳過黎Bar檯呢邊，咁大聲驚死人唔知你係度鬧緊交咩？

「咁大聲拓呀！？大聲d型d架？！頒個獎比你好無！？」連阿奈都頂唔順佢咁鬼大聲，火大。

條友仔叫到把聲就黎沙咁滯，都係為左吸引人注意姐，佢好成功丫，除左四圍唔關事既人之外，仲吸引左我同阿鋒tim。

「我同妳過去睇下咩事。」阿鋒捉起我放係檯面隻手拉我行左過去。

「點呀？發生咩事呀？鬼殺咁嘈。」佢一行埋去就問阿sam。

「鬼知佢呀？跳得好地地係度嘈生晒。」

阿鋒望左條友一眼，即刻就冷笑左聲。

大家知唔知咩叫MK？

係我地呢班人入面，MK其實無一個特定既宗旨。

並唔係話純粹著衫著得似黑社會就叫MK，起碼黑社會無一套指引教你點著衫先呀，係咪？亦都唔係話大大聲講粗口驚死無人知又叫MK既，好多地盤佬都會好大聲講粗口，咁佢地咪又係MK？我地更加唔會話住旺角、黑社會、係旺角買衫買野既就等於MK，事實好多人都住旺角，好多人都係旺角買衫買鞋買野，我相信呢d人唔一定等於MK囉。

係我地心目中，MK係指個格，係性格既格。你串你型你講粗口甚至你黑社會乜都好，我地都唔會話你MK，只要你唔係扮晒野懶係串就得啦。但係如果你串唔起，幾句唔埋就響朵，仲要九流古惑仔扮大佬講晒粗口咁引人注目既話，我地就一定會話你MK。

MK，係一個格。係一個非常非常之咁惹人討厭既性格。

好，而家唔係討論MK問題既時候，入返正題先。

o拿！而家面前呢條蛋散就係正宗既MK出品啦！

「小朋友返屋企飲你既奶啦，你已經夠晒引人注目啦，咪再係度亂咁吠。」阿鋒笑住講左句。

「up乜呀你！？你又係邊位呀？！走埋黎拓呀？！」

「嘩，而家d人真係惡，佢問你邊位喎。」阿sam拍住阿鋒膊頭笑住講。

「好彩佢唔係問我邊度姐，我怕我到時會答佢彌敦道。」連阿鋒都忍唔住笑。

「嘩！彌敦道好大生意喎！不過我都唔差，我佐敦道既！」佢兩兄弟一人一句，已經笑到停唔到。

「笑你老母瀨屎呀笑！」條友見佢兩個笑得咁開心，又串左佢地一句。

「你點知架！？我老母瀨屎個陣我真係會笑佢架！」

哈，我同阿奈就黎笑死。阿sam d表情好過癮，佢串人個陣又抵死，個樣又要扮到好愕然咁，真係好鬼好笑。

「你老味！你兩個邊度架！？咁臭串！」

我最憎就係呢d人，講兩句唔夠人串就問人邊度。家陣仲細咩？下下都搬個「屋企」出黎比人知。真係有料既就唔駛問啦，直接開波啦嘛！仲問人邊度？out啦！

「喂，佢真係問你邊度喎！」阿sam大笑。

「唔係真係要我答彌敦道嘛呀你？！」阿鋒講完都跟住笑埋一份。

「你兩個玩夠未呀？！我叫你講就請啦！」

「嘩！媽媽我好驚呀！有人兇我呀！」阿sam明顯睬佢都傻，繼續玩繼續笑。

「咁想知我地邊度，不如你自己講先丫。」阿鋒出聲。

「點呀！細得滯唔敢拎出黎講呀？！」呢d咪叫乞人僧囉，比佢講先仲要係度串。

「咁我地呢d又的確係小人物黎既…」阿sam個樣即刻就扮可憐。

「係囉，都係你講你阿大係邊個先啦。」

其實如果條仔細心d留意下，就會發現阿sam同阿鋒兩個一路都係陰陰嘴笑緊，可惜佢掛住出風頭，已經留意唔到lu。

「講出黎我驚嚇到你地腳軟咋！」

「咁駛唔駛我買定輪椅先再黎過呀？」阿sam又黎，救命，笑爆嘴。

「聽你就聽啦！我阿大就係呢度既睇場！」

聽到佢呢句真係唔知應該比咩反應佢好，我淨係知我地四個都o晒嘴囉。

「你…你話咩話？」阿sam第一個有反應。

「知驚啦咩！？要走好快啦，一陣佢黎到無得你地走tim呀！」

佢唔係真係以為我地驚呀？雖然我地個係就係愕然左d，之不過同驚一d關係都無架啵…

阿鋒同阿sam兩個本來都淨係眼光光望住對方，但一聽完條仔個句次後，又忍唔住爆笑起上黎。

「我無聽錯下話！？」阿sam笑到成個人好似抽筋咁，趴左係阿鋒膊頭度。

「無…笑我老母瀨屎姐…」哈，阿鋒利用緊阿sam頭先個句串返佢。

「哎呀，你都係唔好再講野啦，我就黎比你笑死…」阿sam已經笑到無晒氣。

「喂，你阿大叫咩名姐？」阿鋒好難先可以忍笑問到呢句，佢個樣好辛苦囉。

「你第一日落黎呀？！係度玩夠膽唔知我阿大係邊個！？」

「唔好意思…我真係唔知邊個先係你阿大…」

「咁咪你見識少囉！咪以為自己識落D講粗口著衫似古惑仔就真係古惑仔啦！」

「哈哈哈哈！你話緊你自己呀！？哈哈哈哈哈！」

呢條仔，真係過癮！睇佢表演簡直仲好睇過獎門人呀！

「不如你叫你阿大出黎介紹下比我地識丫？」

「你老幾呀！？你要見就見架啦！？」

「無，我見你咁英，你大佬都應該唔差得去邊，想見識下姐。」

佢兩個真係好鬼抵死，講野串得黎又好笑，d表情又要鬼馬到死。

「挑！我驚你地見到個陣嚇到瀨屎咋！」

「乜你咁鍾意拎屎屎尿尿黎講既？雖則你係成pet屎咁姐，都唔好成日拎出黎講嘛！臭架！」太好玩啦，阿奈都要出聲玩埋一份。

「八婆！一早叫妳收嗲啦！仲出乜野聲呀！？」

「嘩！家陣淨係你講就得呀？！你話收聲我就要收架啦？！當我係你隻狗呀？！無病呀你？！叫你阿大送你入青山啦！」

好好笑，唔知點解我次次聽親阿奈鬧人都會笑唔停。

「妳又笑乜春呀！？」佢指住我講。

「唔係笑下都唔得呀？」我細細聲up左句。

「你成班係咪玩野呀！？」

「明玩你啦！唔係而家先知呀？！你有無再遲鈍d呀！？」阿奈大笑。

「你老味！」句野都未講完咋，條友仔已經郁手推左阿奈一下！

「做乜呀！？」阿sam見到阿奈比佢推左下，即時反應就伸手扶住佢，跟手就好大力咁推返條仔一下。

「咁緊張做咩呀？！你條女呀？！」

「關你蛋事！我唔想同你條白痴仔講野，叫你阿大出黎！」

死囉，阿sam個樣睇落真係好似扯晒火咁，又係既，打在奈身痛在sam心嘛！阿sam唔緊張就假。睇怕條仔今次都係九死一生多架啦…

「你兩個乜水呀！帶住兩隻臭雞係度扮大佬！」

嘩！一聽到呢句嬲既就唔止阿sam囉，我同阿奈都即時啤實條仔。

「講多次丫你。」連阿鋒d笑容都無晒。

「你大我呀！？講咪講！臭雞！」佢佢佢，佢今次竟然搵左我黎開刀囉！一野就推落我膊頭度，唔知係因為我距離佢比較近定還是因為我個樣比較好蝦啦！我淨係知佢推我個野真係好q痛囉！

「你郁手丫嘛！得！」阿鋒見佢推我，扶我一下跟住就跳左上DJ台，「全場同我開燈！」

「熄晒d音樂佢呀！」阿鋒上左去之後，阿sam都跳埋上去。

我同阿奈都比佢兩個嚇左跳。其實…唔駛咁大單呀？要開燈熄音樂咁嚴重？

一開燈姐，d人即刻起哄。梗係啦，又唔係查牌，又唔係劈友，無啦啦開晒燈咁，爆緊個班仲唔鬼殺咁嘈咩。

「想點呀！？」明顯條仔見到咁既排場都知有唔妥啦，不過既然佢要死撐囉…又好！睇下佢又頂得幾耐！

「你醒醒定定企係度就得啦！」

「阿輝！」阿sam突然係度大叫。

周圍d人都係度搵緊阿輝，有d成日落去玩開既當然知道阿輝就係呢度既睇場啦，而家見有人搵佢，佢地梗係八卦咩事。

「咩事呀！？邊個係度嘈呀！」呢條叫阿輝既o靚仔，以前我同阿奈都見過佢唔少次，佢都算得上係阿sam既得力助手黎既。

本來阿輝行緊出黎個陣都仲係威係勢既，但當佢一見到阿鋒佢地就…

「sam哥！鋒哥！乜咁得閒落黎呀？呢度有我地d細既睇住咪得囉，駛咩麻煩到你兩個開燈咁嚴重呀？」see？個樣變得幾快。

「比你睇就得？！你睇下個場而家似咩？！兒童遊樂場呀？！」

「鋒哥，我無比人係度搞事架。」阿輝誓神劈願咁講。

「你係無比其他人係度搞事，不過你比我地自己人係度搞事呢！」阿sam講。

「無呀sam哥…」

「無！？咁呢條仔跟邊個架！？」阿鋒踢條友仔出黎。

頭先係度扮大佬個條MK仔，一聽到阿輝點樣稱呼阿sam佢地都知自己呢次大獲啦，仲唔第一時間走咩。不過佢無機會丫，事關佢只係向後退左兩步姐，已經即刻比人捉返住，而家仲要比阿鋒踢埋出去tim。

阿輝望住條友都唔知可以講咩好，梗係啦，平時話嘈下其他人就無咩所謂姐，而家好嘈唔嘈嘈正自己阿大喎…

「我叫左你幾多次唔好係度大佬呀！？」

「大…大佬…對…對唔住呀…」咁既情況睇怕佢都係第一次遇到，嚇到腳仔軟不特止，仲口窒窒係咁say sorry。

「同我講有q用咩！係就同鋒哥佢地講啦！」

「唔駛啦！我受唔起！」阿鋒喝住佢。

「係囉，你頭先唔係好惡架咩！？你唔係話佢兩個臭雞架咩？！仲郁手郁腳tim架！做咩丫而家？！唔敢講呀？！」

「頭先…頭先我都係玩下姐…」

「玩！？咁你覺得好唔好玩呀？駛唔駛比你玩多陣tim呀？！」阿sam啤住佢。

「唔駛啦唔駛啦…我唔敢啦…」

「你同我聽住！認清楚佢兩個係邊個！佢地一個係你阿嫂，另一個係你阿嫂d姊妹，以後你敢郁佢兩個一條頭髮即係同我地過唔去！」阿sam捉住佢講。

「係係係，我會記得架啦…」

「咁而家點處置佢好呀？」阿sam擰轉頭望住阿鋒問。

「玩得咁過癮，不如斬晒d手手腳腳落黎再拋佢落海丫？佢頭先邊隻手郁佢地兩個架？就斬個隻先。」阿鋒其實都係為左嚇下條仔姐，但偏偏佢又講得鬼死咁認真，聽到條仔面都青埋。

「鋒…鋒哥，我真係…真係唔敢啦…對…對唔住…」

「算啦，唔玩你，起身走啦，以後咪再比我見到你就得啦。」

「多謝！多…多謝！」條仔一聽見話無事走得，幾乎一路跑出去一路講多謝。

「鋒哥…」阿輝見處理左條友，都知阿鋒下一個實係對付自己。

「你呀，比個場你睇就當兒童遊樂場咁，呢度做生意架嘛，咪整衰自己招牌先得架。搞咁多事，一陣惹到d龜成日黎查牌你估好過癮呀？」

「我都唔想架…你知你同sam哥架啦，成日唔係度，我地好難做野架嘛…」

「哦，咁即係而家關我地事啦喎？」阿鋒反問。

「唔係…」唉，做佢地d細既真係有苦自己知。話佢地唔岩又唔得，話佢地岩晒咩？又唔係呀。

「你地係度傾陣先啦，我同阿ka去跳舞。」阿奈見佢地咁耐無落黎都知有d正事要傾下，自知留係度都係阻住佢地，於是同阿sam講。

「嗯，小心d，一陣我再搵妳。」



我同阿奈出左去跳舞。

隔左無幾耐，阿鋒佢地都傾完正經野黎搵我地玩，咁我地幾個就繼續係池邊度笑下講下跳下咁啦。

真係耐無玩就真係耐無玩，跳左一陣我已經成水成汗。以前晚晚落黎hea都唔覺得辛苦，而家咁樣逼一逼我反而覺得辛苦。

一個鐘鬆d我就已經跳到

入到茶記無幾耐，我地就撞到以前一齊玩開個班友仔。呢間茶記係Disco附近，有時我地朝早落完D就會直接過黎食個早餐先返去，所以而家撞到熟朋友一d都唔出奇。打左幾聲招茶，講左幾句無聊野之後，我地終於可以坐低叫野食。

正當我地四個係度你講我笑、我玩你避個陣，突然就聽到門口個邊傳黎一大班人既笑聲。我同阿鋒背住門口坐，而阿sam阿奈就掛住係度玩，當然唔知門口發生咩事啦，淨係聽到好嘈同埋好多人係度笑緊。就係好奇心既驅使之下，我地四個好快就一齊望向門口。

首先行入黎既，係幾個咬住煙仔拖住條女既公仔佬。話就話佢地係「佬」，但其實睇個樣我諗都係同我地差唔多年紀，最多最多比我地大幾年啦。呢幾條蛋散並唔係重點，跟住先係戲玉。

我的確諗都諗唔到，係後面入黎既，竟然會係阿柔！

見到佢我簡直係嚇左一跳！如果係街撞到佢既話，我一定唔會認得佢囉！佢既裝扮同我識佢個陣相差好遠，佢以前比人既感覺係清新、脫俗同純潔，但係而家呢？以前佢唔會化妝，著衫亦唔會咁──暴露，就算間唔中著背心仔，都只可以話係一種健康既性感，係絕對絕對唔會有而家呢種蒲feel囉！

係，無錯，我都承認如果我唔識佢，第一眼見到呢個女仔既話我都會讚佢好靚，佢係靚左，打扮亦都新潮左，但靚既感覺就變得好普通，普通到…隨手都可以係街搵幾件既所謂靚女。

原來漆黑發光既長頭髮，而家變成鮮紫色，頭髮亦都失去左以前個種自然既光澤。本來唔駛化妝已經夠晒標致既面孔，而家好似圖畫咁七彩繽紛。著既衫亦唔似以前咁健康性感，反而係露肉個隻。佢成個人就好似失去左以前個種神秘、高貴既氣質咁，變得俗不可耐。

但咁樣都唔夠震撼，最震撼既，係我竟然見到佢手上面拎住支煙！

食煙一d都唔出奇，我同阿奈甚至好多女性朋友都有食。其他人黎講我真係唔覺得有咩問題，但而家係我面前呢個係阿柔！

「唉，冤家路窄！」阿奈呢句將我由震撼之中拉返出黎。

我眼定定望住佢地三個，確定每一個都實實在在見到阿柔，但係係咁既情況之下，竟然無一個人覺得出奇或者震撼！證明佢地對於阿柔既轉變係一早就知既！

唔駛三分鐘，阿柔已經發現我地。但佢無行埋黎搵阿鋒，反而同佢自己d朋友坐左係另一邊。佢地係度嘻嘻哈哈，大聲講大聲笑，好難令人聽唔到佢地既對話內容，包括一d性既話題。尤其係阿柔，佢好似專登要比我地聽到咁，去到性既話題仲要有咁大聲講咁大聲。

本來我對性呢個話題都無咩特別既反感或者感覺怕羞，平時自己都會同朋友將呢類話題掛係口邊取笑下對方咁，但我真係唔相信呢個話題而家會出現係阿柔口中囉！好震撼！簡直係好似坐緊過山車咁！

人地個邊熱熱鬧鬧，相反我地呢邊就靜到就黎死。

「做咩大家都唔講野姐？」再咁落去個氣氛會令人好難受，為左唔想大家開心完一晚之後又要好似以前咁，我唯有先打破沉默。

「係囉，講下野啦。」阿奈配合我。

「哎呀，仲有咩好講呀？都食飽囉，返去訓好過啦。」阿sam出聲。

「你眼訓啦咩？」奇怪，阿鋒見到阿柔係度仲可以當咩事都無發生過咁。

「未架，但唔走我怕…」阿sam講到一半，停低望住我。

「我無事呀，你地唔好一個二個都怕我會有事先得架，我大個女架啦。」唉，我唔想每一次去到咁既情況之下大家都要沉默呀，我唔再係細路女啦，OK？

好彩，佢地見我無咩事都繼續開始返話題。就係咁傾下傾下、玩下玩下，大家愈講愈投入，甚而連阿柔佢地既存在都忘記左。

直到我起身去廁所…



正常人去廁所都係去完就啦啦臨走人架啦，我當然唔會例外。

點知我一出個廁格，竟然就見到阿柔企左係洗手盆前面。好明顯佢係等緊我啦，因為望晒成個廁所就係得我同佢兩個，唔係等我既話唔好話我知係等隻鬼呀？

「好耐無見。」本來我唔打算理佢，但就係我洗緊手個陣，佢突然開聲同我講。

我無出聲，望住塊鏡既倒影等佢繼續講落去。要知道佢入得黎搵我就一定係有野想同我講，斷估唔會淨係想同我say聲Hi咁無聊掛？

「我同佢未分手架…」呢句說話就咁聽落會覺得九唔搭八，但我就絕對好清楚知道佢想同我講咩。

佢同阿鋒未散，即係代表阿鋒仍然負起照顧佢、保護佢既責任。亦即係話，就算阿鋒唔再愛佢都好，個心依然會有佢既存在，會記掛佢既安危。

「妳講完啦？」我有d抗拒同佢傾落去，因為我知佢實會利用阿鋒黎打擊我。

「妳記住妳同佢分左手架啦！無關係架啦！妳讓得佢比我就應該好清楚我唔會將佢比返妳架啦！妳而家仲黎爭咩姐！？」

「我無意思要同妳爭。」

「咁妳失蹤左咪算囉，仲返黎做咩姐！？」佢真係以為我見阿鋒係因為想同佢爭？佢自己都識講啦，當日我做得場戲就無諗過有得返轉頭，做咩佢仲要覺得我出現係因為我想爭？

唔通佢唔明白我同阿鋒總會有碰頭既一日架咩？話晒我地都係由細玩到大既朋友，總有一日會因為阿奈佢地既關係而見面，我無可能成世都為左一個舊情人連好姊妹都唔見掛？

「唔好再講啦，既然妳都覺得妳所諗既野全部係岩既，咁我仲有咩好講？」我真係唔想再講，廢事一陣佢又大喊大叫，驚動到阿鋒就唔好啦。

「妳當我求下妳，唔好再出現係佢面前…只要妳唔再出現，我就可以永遠同佢一齊架啦…」佢又利用佢最強既攻勢，眼淚。

佢當左我係月老？自問自己無咁大既本事可以影響到佢地既感情囉…

其實聽到佢咁講我反而想笑，係苦笑個隻笑。

佢而家黎求我，咁當初我又可以求邊個？第一次如果唔係佢既出現，可能我同阿鋒就會平平靜靜咁落去，就連BB都可能生埋；第二次又如果唔係因為佢大左肚既話，我同阿鋒就可以好幸福咁過。失去左咁多，但係我又有無去求過佢？我就係知道呢d野好難講，就算無阿柔既出現，都可能會有第二、三、四個女人，如果個天係要唔比我同阿鋒一齊既，咁勉強落去都無用。

「妳知道係呢件事裡邊，我同妳都只不過係被動者，最終既決定權都係阿鋒到…」我嘗試盡最大既努力令佢明白問題所在之處，雖然明知佢聽完都可能當無聽過，但講左點都好過無講丫。

「唔會架！只要妳唔再出現，我同佢就有機會架啦…」

我承認自己心底好渴望同返阿鋒一齊，但我絕對唔會因為咁而轉登拆散佢地。或者咁講啦，我而家只係想同阿鋒做返普通朋友，如果佢仲對我有意思想同返我一齊，而又肯搞清楚同阿柔之間既關係，我會考慮…

「嘩，個死八婆去痾咩痾咁耐呀？」坐係度等我出黎既阿奈開始覺得唔耐煩。

「喂，妳呢排咪話佢成日見暈既？佢唔會係入面暈q左嘛？」阿sam問。

「唔會掛，你唔好嚇我喎…」

「妳都係入去睇下佢好d啦，妳知佢而家身體幾差架啦。」

「我都係咁話，起碼死鬼左都有人幫佢執屍…」

大家唔好怪佢，阿奈把口有時就係咁衰。正確黎講係我地幾個都會咁講野，呢d叫做百無禁忌嘛。

就係阿柔對住我又喊又叫個陣，阿奈推門入黎。

「發生咩事呀？」佢一入到黎就見到我同阿柔企左係度，加上我地面上邊既表情都話緊比佢知有事發生左，所以佢即刻就行埋黎問我。

「無事，一陣先同妳講啦。不過妳黎左就好，我地出返去啦…」我見到阿奈就好似見到救星咁，拉住佢就想同佢行返出去，但阿柔並唔打算放我走，當我一擰轉身佢又捉返住我。

「妳應該我啦好無？我求妳啦…真係求妳啦…」佢個樣的確係我見猶憐，如果比唔識既人見到，實會以為我係度蝦緊佢。

「究竟咩事姐？」阿奈又問。

「唉，總之一陣先講啦，我而家淨係想走…」唔想同佢繼續拉拉扯扯，一d好處都無，「妳放手啦…」

「我唔放！妳一日唔應承我我都唔會放手架啦！」

「妳唔好咁得唔得姐！？」我有d嬲，無名火起。

「咁妳做乜一定要同我爭姐！？」

「我講左好多次，我係唔會同妳爭架！」真係彿都有火！都唔知佢點解可以講極都唔明！佢以前讀書咁叻斷估唔會IQ零蛋掛！？咁少野都唔明白？！

「妳唔同我爭咁返黎做咩姐？！做咩仲要出現返係佢面前！？」

「我…」我講唔出野，「妳唔好煩啦，我無諗過要爭，唔該妳比我靜下啦好無…？」

阿柔無再出聲，其實佢心知肚明我唔係想同佢爭，佢講呢番說話都只係想做個樣比我睇，佢係想提示我、警告我。我知，我亦都好明，唉…算啦。

「我地走啦。」我見佢再無反應，輕輕鬆開佢捉住我隻手就拖住阿奈行返出去。

一返到出去我同阿奈就靜靜地坐低，乜野都無講過、無提過。一直以黎我同阿柔之間既問題已經令到阿鋒阿煩，我唔想係佢靜左一年之後再挑起任何火頭，我唔想佢再為左我地之間既事去傷腦筋。

「發生咩事呀？」阿sam見我同阿奈一返黎就口黑面黑，於是就問。

「無咩嘛妳？」阿鋒問我。

「無事，」我嘆左口氣，「頭先講到邊？我地繼續…」

阿柔係廁所出返黎，我知道佢一直都望住我，我唯有扮無事發生過，扮到好似無同佢相遇過咁。但係就算我點扮，阿鋒仍然睇得出我有問題。

「…佢係咪搵過妳？」突然之間阿鋒問我。

我打左個突，心諗應該點答佢先好。「嗯…」隔左陣我都係決定話比佢知，反正既然佢都睇得出，咁都唔可以再暪落去。

「佢同妳講左d咩？」佢繼續問。

「…佢同我講你地未分手…」其實呢個場合，尤其係阿奈佢地面前根本唔適合去講呢d說話，不過既然阿鋒問到，加上阿奈佢地遲早都要知，咁不如一次過講晒出黎可能仲好。「算啦，反正我都無事，佢都係因為驚先會咁講野架姐。」我幫阿柔講好說話。

「走啦我地。」佢整熄支煙，跟手就拎起張單起身走人。

我無辦法想像到佢下一步會做d咩，就連佢聽完我講之後係度諗緊咩我都估唔到。曾經有某個朋友話我好了解男仔，好知道男仔要d咩做d咩，但其實我只唔係佢所講咁。或者，對住其他男性我可以做得好自在、好清楚佢地所思所想，但當我對住阿鋒，存在既就只有無助…

阿鋒起身走人，我同阿奈佢地就只好跟住起身。

出到門口，四個都企左係度唔知去邊好。頭先我地起身走人，阿柔一直都望住我地，直到我地行出門口，佢仍然好似死魚眼咁啤住我地。

「

去到屋企門口，我企左係度，無入屋既意思，亦無請佢入去坐既意思。

「我到啦…」我輕輕講左句。

「嗯…」原來唔止我，就連佢亦無任何要走既打算。

場面突然之間僵持左，兩個人就咁面對面企左係度，唔知應該講d咩，唔知應該做d咩，唔知大家心入面諗緊咩…

「咁…我入去啦…」我擰轉身準備開門，但佢就突然係後面攬住我。

「…我…好

咁既日子維持左大半年。有時以為日子過得好慢，但當你望下個月曆個陣，又會發覺時光從來都唔會停留。

時間係我同阿鋒之間起唔到任何作用，我地仍然維持係性伴侶既關係。每隔幾日佢就黎我屋企搵我，我知道佢需要，更加知道佢黎搵我只不過係因為佢得唔到阿柔，我知道佢想係我身上搵到既唔係愛情而係慰藉，佢淨係想係佢覺得

個幾鐘頭之後我地已經身在澳門。

阿鋒一落船就伸手截左架的士，上車講左個不知名既地方名之後就合埋對眼係度休息。望住車窗外面一個又一個唔識既路人，我突然覺得呢度對我黎講好陌生…

架車唔知行左幾多路，轉左幾個彎，終於係橦舊式既唐樓前面停低左。

我跟住阿鋒落車，然後佢帶頭行左上去。

呢度既環境好舊，好有八十年代既feel，但周圍都算清靜，幾橦樓分隔得有d隔離，落下有幾架車隨意咁泊左係度。

我開始意識到佢係想帶我見一個人，但我仲未估到個個人係邊個，直到佢企係其中一個單位前面禁鐘。

開門既係阿龍！我呆左，估唔到阿鋒帶我黎搵既人就係佢！佢失左蹤差唔多兩年，原來一直都係澳門，唔怪得之無人搵到佢啦。

「黎左啦？」阿龍見到我個刻都好愕然，佢應該諗唔到阿鋒會帶埋我一齊黎搵佢。不過愕然歸愕然，佢都好快回復冷靜，轉身行入屋。

「嗯。」阿鋒同眼神示意我先入屋，於是我就行左入去坐低係梳化。

「你呢排點？」阿鋒一坐低就問。

「都係咁啦。」阿龍點左支煙。

佢個樣睇落憔悴左好多，以前成日笑、大癲大肺既佢已經唔見左，日復日換黎既係成熟。我感覺得到佢比以前成熟左好多，無論係外表還是內心都係，就算佢只係講左兩句野咁多，我已經感覺得到。

呢度既佈置好簡單，完全係寡佬屋既格局黎。簡簡單單一張梳化，一張床，一部電視，一張檯，一個衣櫃，仲有就係零零碎碎既雜物。

「我帶左d野過黎比你。」阿鋒打開佢拎黎個個塞到漲卜卜既超級大袋，入面既野即時就趺晒出黎。

「乜又係五香內丁同公仔麵呀？我呢邊都有得買啦。」阿龍見到，就笑。

「點同呢？香港個d好食d架嘛。」

「下次拎幾本咸書過黎tim丫嘛，呢邊d女唔夠靚呀。」阿龍幾乎比佢激死。

「你點知架？我真係拎左過黎。」阿鋒伸手入袋底摷左兩本摺到變晒形既蛇貓狗咸書出黎。

「痴線。」阿龍笑左下。

由佢地既對話裡面，我估到阿鋒係呢年幾兩年黎一直都有過黎探阿龍。我亦相信阿sam佢地一直都唔知情，如果唔係阿奈肯定會第一個就衝左過黎搵阿龍啦。

原來阿鋒擒日同我講唔得閒，就係要過黎見阿龍，但係佢今日又做咩改變主意帶埋我過黎呢？一直以黎佢都係自己一個人黎，就即係佢唔想比人知啦，點解而家又要比我知呢？其實我覺得我唔應該係度，我係度佢地反而好似唔識講野咁，搞到氣氛好尷尬。

「佢地呢排點…？」阿龍終於出聲問。佢地，我諗所指既就係阿sam同阿奈。

「都係咁啦，無穿無爛。照舊鬧交當食飯囉，成日都係咁架啦，嘈完咪又無事。」

講完呢兩句之後又靜左。我愈黎愈唔自在，眼見阿龍屋企好似乜都無咁，我即刻就搵左個藉口落街。

「Um…你屋企乜都無，我落街幫你買d野啦。」我即時起身。

「唔駛啦，妳對呢頭又唔熟…」阿龍叫住我。

「唔緊要啦，咁大個人唔會有事既，我落去行下就會知架啦，你地慢慢傾啦。」

「咁…唔該晒妳…阿嫂…」佢第一次叫我阿嫂，可惜，我一早已經唔係阿鋒既女朋友…

「我一早已經唔你阿嫂啦…」我擰轉頭望住佢笑，跟住就閂埋門。

我走左落街。無錯我係對呢度好陌生，但我相信慢慢行既話都會搵到買野既地方既。何況呢度多數人都講廣東話，係溝通上應該唔會成為問題。

行行下我突然諗起聽日仲要返工！但而家比阿鋒帶左過黎澳門，除非今晚走，如果唔係聽日都係唔駛返工。諗返阿鋒幫我執個袋衫，我諗佢都係無打算今晚就比我走架啦…唉，唯有打電話返去請幾日假啦。