Yuke 2007-7-21 10:12
同一時間，係屋企既我認為自己都冷靜夠啦，係時候打個電話比阿奈報平安，等佢唔駛擔心我。
（接駁鈴聲：別再做情人，做隻貓做隻狗不做情人…）
電話響左一陣就有人接，但係我喂左幾聲都無反應，只係聽到背景好嘈。初時我以為係阿奈個邊收唔到，又或者嘈得滯令我聽唔到佢講咩，於是就拎住個電話諗住等佢有反應，點知就比我聽到佢同阿sam既對話。
係廁所行返出黎既阿sam比阿鋒激到震，出返黎一坐低就即時叫左半打酒，諗住暢飲一番黎下一下火。
「點呀？」阿奈一見到佢咁既樣就問。
「個死仔！話我而家學人玩專一，貴左就教訓返佢轉頭喎！」
「佢無野呀？！今晚high大左呀？！」
「唔好提佢！由佢自生自滅！」
本來阿奈聽到佢咁講都算收聲算數，但當佢打算擰返正個身個陣，又比佢咁岩望到阿鋒同阿奈係度攬攬錫錫。
「喂！唔理都唔得啦！」阿奈見到咁既埸面，即刻就拍阿sam，「你睇佢兩個！」
電話另一邊既我當然唔知佢地見到d咩，但係意識之中已經察覺到係同阿鋒同埋個個女仔有關。
「唔理呀！佢地鍾意點就點啦！」
「喂！阿龍！」阿奈見阿sam無打算開口問既意識，於是叫左阿龍過黎。
「做咩呀？」
「佢兩個搞咩呀？！又攬又錫！」
「咁都要問？一齊返囉！」
「唔係丫嘛！？」
「咁大反應做乜姐？好出奇咩？」
「阿鋒佢仲同緊阿ka一齊架喎！你話我出唔出奇啦！？」
「咁又點姐？佢兩個一早就一齊架啦，如果唔係阿柔失左憶都唔會分開啦。由頭到尾佢兩個都無分過手，而家只不過係一齊返姐。何況就算阿柔唔出現，阿鋒遲早都飛左阿ka架啦。」
「你咁講咩意思呀？！」
「老實講，我一直都唔明點解阿鋒會同阿ka一齊。係我角度，除左係阿言結婚個次我係覺得佢叫做身材唔算太差之外，其他時間我都覺得佢算唔上係一個靚女。所以阿鋒揀阿柔都好正常姐，靚仔配靚女，fit晒！」
「而家阿ka好差咩？！」
「我睇唔出佢有咩好囉，之前佢都尚算叫做身材ok，但佢同阿鋒一齊左之後又肥返啦。」
「除左身材之外佢有咩唔好呀咁又？！」
「講樣講身材已經唔夠阿柔黎，講性格更加唔係阿柔對手！」
「你知唔知咩叫情人眼裡出西施呀！？身材或者樣唔好唔係罪黎架！講性格既話雖然佢平時係粗魯d姐，但或者佢對住阿鋒個陣好溫柔你唔知呢！」
「睇都睇得出啦下話？！妳幾時見過阿鋒可以笑得咁開心架？！」
「妖！同你講都晒氣！」佢一手推開阿龍。
到阿奈坐低個陣，佢終於都發現自己原來一直拎住個電話無收埋，係見到阿鋒同阿柔攬埋一齊個仲激動咁滯唔小心禁到個接聽制…
「大獲，呢次仆直！」佢即刻就同阿sam講，跟手就拎起個電話，「喂？阿ka呀？喂？」
我無出到聲，由聽到佢地既對話開始，d眼淚就好似開左水龍頭咁，點收都收唔到…
「喂？！妳係咪度呀？！」
半分鐘之後我收左線。唔該，唔好再比我聽到任何關於佢兩個既野…第一次感覺到個心好痛…第一次感覺到個心好似就黎碎裂咁…點解…點解會咁…？
「死啦！頭先阿ka打黎，我唔小心禁到個制，唔知佢聽唔聽到我地頭先講d野tim架…」阿奈一聽到我收左線就同阿sam講。
「我諗無事既，妳唔好自己嚇自己啦。」
「好難講喎大佬！阿龍頭先仲要咁踩佢法，佢聽左唔亂諗就奇啦！你唔係唔知佢一向都有d自卑架啦！」
「一係我同妳上去佢屋企睇下佢啦？」
「係就快啦！」
一講完，佢地兩個已經急急腳搭的士黎我屋企。
巧心 2007-7-21 19:23
[u][color=Orange]好 好 睇 喔 !
support 你 喔 `[/color][/u]
Yuke 2007-7-21 19:52
阿奈講得無錯，聽完佢地既對話之後我的確有亂諗到，仲坐左係床度不停咁喊。阿龍講得岩，我真係比唔上個個女仔，論樣論身材論性格，我無一樣比得上佢。唔怪得佢可以令阿鋒笑得咁開心…
當初我同阿鋒走埋一齊個陣，都有諗過自己究竟配唔配得起佢，不過個陣比甜蜜沖昏左頭腦，所有野都無諗得清清楚楚就同左佢一齊…再加上阿奈同我講過，兩個真心相愛既人唔應該睇呢d野，所以我先放低左呢d諗法。
但其實我同阿奈都錯左，我忘記左阿鋒係個咩男仔，忘記左佢既身邊有好多出眾既女仔會自動痴埋去，忘記左自己既外表同性格…
我唔靚，我男人婆，我肥妹仔無身材，唔識溫柔唔識了解人…更加唔夠了解阿鋒會點諗點做…我知我知…我知自己有好多缺點…我知自己比唔上個個女仔…
男人都係鍾意d瘦削、細細粒、外表柔柔弱弱既女仔係咪？
頭先雖然燈光好暗，但仍然足夠我望到個女仔。依稀記得，個女仔骨架好細削，條腰好幼，樣…我望得唔太清楚，不過我感覺到，佢一定唔會差得去邊…
係咪生成咁既樣就代表佢注定要比人保護、疼錫？係咪似我既女仔就要學識堅強要比人遺棄？或者男人天生都有種所謂既使命感，要去保護d弱質女流…而第一種感覺，就係外表…
「叮噹！叮噹！」
係我胡思亂想之際，門鐘突然響起。係阿sam同阿奈，我即刻抹乾d眼淚去開門比佢地，廢事比佢地見到我喊啦。
「點呀妳？無事呀？打比妳又唔聽電話。」阿奈一入黎就一輪嘴咁問我。
「我…無事。」
「妳頭先聽到晒我同阿龍講d野呀？」打開天窗說亮話，阿奈一貫既作風。
「嗯…」反正佢知，我都係直認比較好。
「哎呀！咪鬼理佢啦！佢亂講之嘛！」
「係咩…？」我苦笑左下，「我唔覺得佢有講錯…」
「妳邊有佢講得咁差姐？何況係阿鋒衰先既，佢都未同妳分手就去搞第二個！」
「其實佢地無做錯呀…」
「咁都叫無做錯？！」
「如果要講既，我先係第三者，係咪…？」我好記得阿龍講個句「佢地無分開過…」。
「但係…但係佢同條女分左手架啦喎！而家同左妳一齊之後又同條女一齊，咁仲唔係個八婆先係第三者！？」
「唔係…佢兩個根本無分開過…」我透左啖氣，「妳同佢返去啦，比我冷靜下就無事…」
「妳真係頂得住嘛…？」
「嗯，咁我地走先啦，有咩妳就打比我啦…」
送走左佢地兩個，我又坐返係床邊繼續亂諗。
愈諗，個心就愈痛…甚至我開始有d恨，恨自己點解唔生得靚d，恨自己點解唔生得細粒d，恨個天點解唔比我早d同阿鋒開始，恨佢又要係我開始左之後拎走我既幸福，我恨…
忽然之間有種好想上阿鋒屋企既感覺，好想睇下我同佢一齊生活左咁耐既地方。心動不如行動，二話不說即刻走左上佢屋企。
上到去我就入左房，望住同佢訓左好多晚個張床，諗起佢曾經同我講過既說話…
亂諗左一陣，大門就有鎖匙開門既聲，我知道阿鋒返黎，本來想行出去當係通知聲佢我黎左，但都未郁手開門，就已經聽到有把女仔講野…
「呢度邊度黎架？」
「我屋企呀…」
「哈，我好似黎過…」
「梗係黎過啦，仲住左好耐tim…」
「哎呀！」一連串既碰撞聲，講緊野個位女性應該係撞到野。
「無事呀？點呀妳？醉啦，坐低先啦。」
「我邊有醉姐…」
「傻妹，到而家都仲係咁，飲醉左都唔認…叫左妳唔好飲咁多架啦…」好…好溫柔…聽到呢度我個心又揪一揪…
「我…愛你…」
「我都係，好愛好愛妳…」
阿鋒從來無同過我講佢愛我…而家佢話…佢愛佢…由頭到尾都係愛佢…
「你唔會離開我架呵？」
「點會？如果無個件事既，我地就唔會分開咁多年…」
出面靜左大約五分鐘，我就聽到由個女仔發出既呻吟聲…
我知，我知佢地係出面做緊…隔住一度門，但係出面同入面就係兩個世界…一路聽我就一路喊…個女仔既呻吟聲，阿鋒既沉重呼吸聲…好似一下一下打係我心口度咁…壓得我好重，好重…連呼吸都覺得好困難…
為左唔比自己既喊聲傳出而驚動到佢地，我唯有死咬住自己個嘴唇，直到咬到自己皮破血流…個心仍然好痛…痛到連支持身體企係度既力都無埋…我感覺到隨住自己既淚水，體力正一點一滴由體內流失…終於，順住門既角度，我趺坐左係門後面…
唔知隔左幾耐，突然有人踢開度門。
係「呯」一下個隻踢開。坐係門後面既我完全受晒個度無情力，即刻成個人衝向前趴左係度。
阿鋒行入黎，手上面抱住個女仔。佢望到我見到我知道我係度，但係理都無理過我，就算我勉強支撐住自己企起身，就算我淚流滿面，佢仍然無理過我…自顧自抱左個女仔上床，幫佢拉返好張被。佢望住個女仔個陣笑容一直都無停過架…直到佢發現我仲企係佢地後面…
「仲唔走？」一對住我，佢即刻咩笑容都無晒。
我好愕然咁望住佢，佢…叫我走？！
「妳屋企就係屋企架咋，要走唔駛等聽日，走啦，唔好嘈住佢訓。」
…個一刻我真係心痛到差唔多暈低…我唔明，就算最愛個個唔係我，都唔駛咁對我姐？
「…咁即係咩意思？」好辛苦先拼出呢句。
「唔係要我講到咁明嘛？走啦，我無話過同妳一齊架。」
我呆左，心入面不停咁諗，點解一個人絕起上黎真係可以咁絕？點解佢可以講得出呢句說話？係，我知道佢從來無話過同我一齊，但係我心入面一直都相信佢，一直都以為佢唔講只係有其他唔比人知既原因，我無過問，但係一直都相信佢心入面係真心同我一齊。但係點解…？
「…你…究竟有無一秒鍾意過我…？」我好想知，真係好想好想知…同佢一齊呢幾個月裡面，佢究竟有無一秒個心有我既存在？
「無，咁得啦？死心啦？」
…我笑左出黎…我笑，自己真係太蠢…佢已經做得咁明顯，但仲要去問個咁既蠢問題…諗都無諗，我即刻走左出門口。
離開左阿鋒屋企之後，我無返到自己屋企。只係自己一個人係條街度不停咁行，我唔知自己想去邊或者要去邊，淨係識得漫無目的咁行…唔記得自己行過左幾多地方，唔知道身邊既人用咩眼光望住我呢個淚流滿面既人…由天光行到天黑，唔知行左幾耐，唔記得左自己
Yuke 2007-7-21 19:52
∼∼Disco∼∼
阿奈沖涼換衫再黎到，起碼都要成粒鐘，我係街度實在行到好
Yuke 2007-7-21 19:53
吧檯個邊阿奈嘈到拆天，而我就一早無理佢地係度講緊乜，自己一個係舞池爆到天昏地暗。如果你而家問我我老豆姓乜，我真係會答你唔知囉。
跳下跳下，我唔小心撞到隔離條女。舞池有幾逼係人都知架啦，碰撞一定有。於是撞到佢之後，我輕輕講左聲Sorry就諗住擰轉身繼續跳，點知就比佢係後面一手捉住我。
「喂！妳撞到我喎！」
「我咪同妳講左Sorry囉…」咪阻住晒啦，跳得咁happy你黎阻頭阻勢。
「Sorry大晒呀？！」
「咁妳而家想點呀？」
「賠錢囉！妳撞到我喎，少少醫藥費都要掛？！」
「下！？乜話？！大聲d！？」我仲爆緊，根本聽唔到佢講緊咩。
「玩野呀妳？！叫妳賠錢呀！扮聾呀家陣？！」
「妳講乜呀？！」我唔係有心玩野，而係真係聽唔到。又嘈又爆緊，你叫我點聽呀姐姐？
「妳老母丫！」三句唔埋，佢就一巴車埋黎！
「做乜呀！？」咁樣比人打一巴，兜口兜面食到正晒，我當堂醒一醒。
有人嘈交仲要郁埋手，梗係有唔少人圍觀啦，就連吧檯個邊既阿奈都發現唔妥。
「喂！阿ka同人嘈呀！」阿奈第一時間就拉住阿sam行埋黎。
「做咩呀？」佢一行到埋黎就問我。
「條女話我撞到佢，叫我賠錢喎，仲車左我一巴。」我摸住塊面，心諗駛唔駛咁大力呀？好q痛呀。
「無野呀？！撞到妳就要賠錢，咁妳打左佢一巴係咪要賠埋條命呀？！」呢d咁既情況阿奈梗係代我出頭，何況錯不在我喎。
「嘩！佢撞到我喎！」
「撞到妳姐，咁妳而家有無傷到呀？有無暈呀？駛唔駛幫妳叫埋白車呀？！」
「賠返些少錢都要掛！？」
「嘩！妳high到上晒腦頂啦，傻q左呀？！撞到人就要賠錢，咁我一日賠唔少啦！」
「點都要講返聲sorry呀？！」條女見自己理虧，即刻就轉呔。
「我頭先咪同妳講左囉，仲想點呀？」真係覺得而家d人好煩，撞到咪撞到囉，唔想比人撞唔好落黎丫嘛，呢度成日都人撞人架啦。
「聽唔聽呀？！人地都話同妳講左sorry呀！」
「呢度咁嘈，聽鬼到呀？！」
「妳而家係咪玩野呀？！」
「係又點呀？！玩妳唔起呀？！」
「好！妳要玩丫嘛！我就同妳玩大佢！」
算吧啦，串已經唔夠阿奈串，仲要大佢？嘿，簡直係晒氣囉，阿奈出左名「吳大德」，佢最怕係你唔同佢玩，你要玩既基本上佢咩都奉陪。
我地已經嘈到d人望實晒我地。而家d人都係八卦架啦，有人嘈交咪當免費戲咁睇囉，我地自己都係咁啦，何況人地？
阿sam雖然成個過程都係度，但佢都覺得條女真係有點兒過份囉，所以由得阿奈繼續同佢嘈落去，反正佢知道阿奈唔會輸既。如果真係郁起手上黎，呢度又係自己地方，阿sam話事既，阿奈又點會有咩事？
「又做乜呀？」阿鋒同阿柔傾傾下計，見到舞池個邊圍住成堆人係度，就問。
「好似嘈交喎。」
「乜事呀？」佢行左過黎。
「岩啦鋒哥！呢度最話得事既係你，呢條女岩岩撞到我sorry都無聲喎！」
「我咪同妳講左sorry囉！」條女都真係幾好笑，而家玩屈得就屈呀？
「收聲啦！」阿鋒大大聲喝左我一句，跟住又問返條女，「咁妳而家想點呀？」
佢喝我個下我真係呆左囉，咁耐以黎佢都未試過真係鬧我一句。就算有時發脾氣，都唔會咁大聲同我講野。
「叫佢而家係度講多聲sorry啦！大聲d呀，唔係我怕我聽唔到呀！」
「咁簡單咋？」佢望住我，「咁妳講啦。」
「我…」我好唔服氣，明明唔係我唔岩，做咩又要我道歉？加上阿鋒d語氣真係好差，搞到我愈黎愈想喊。
「我叫妳講呀！」
「喂！明明阿ka已經講左，做咩又要講多次呀？！而家佢打左佢一巴呀！道歉個個應該係佢！」阿奈忍到呢度已經頂唔住，即刻就幫我出聲。
「算啦…」我拉住阿奈，「Sorry，咁得未呀？」
「咁而家無事啦？無事就繼續跳舞。」阿鋒見條女接受左我道歉，開始疏散人群。
「妳跟我黎！」圍觀d人一開始散，阿鋒就拉住我行出去，「我唔該妳！以後唔好再係我個場搞事！
「我…我無…」
「無！？人地無啦啦屈妳呀？！個d我d客黎架！妳次次都係咁我仲點做生意呀？！」
「我真係無呀…」人地唔信我屈我唔緊要，但係點解連佢都要咁講…？
「夠啦！我唔想再聽到妳講野！總之妳要發癲既唔該妳過其他場！咪再係我個場度亂take野！」
「…我係咪真係咁乞你憎…？」就算分左手都仲可以係朋友丫…點解一定要咁對我？
「係呀！得啦？！走啦！過主呀！」佢係咁推我，趕我走。
好…就憑你呢句，我走…我尚有些少骨氣係度…
真真正正既心碎，原來要係學識點樣去愛之後先會感受得到…
以前成日聽人講分手有幾傷心有幾痛，當時自己都懷疑係咪真係可以痛到令人尋死？但係而家，我先明白到原來個種心痛真係會令人萬劫不復…個心痛就好似比人用刀係個心度一野一野片落去咁…你會感受到血液係你身體入面慢慢流失…
點解人唔可以呢世都生活係童年入面？點解要比我地學識點樣去愛？點解係得到幸福之後，又要比返相同既痛苦我地？
真係唔想大個，好想好想時光可以倒流返返以前…
如果有得比我選擇既話，我會寧願一世都做佢既朋友。就算自己鍾意佢都好，我都會做佢既朋友。做朋友既話，可能就唔會造成今時今日咁既局面，咁無論我愛唔愛佢都好，呢句都仲可以係佢身邊守護佢…
巧心 2007-7-22 17:53
[u][color=Orange]個 呀 KA 好 慘 呀 T^T"
SUPPORT 你 喔 `[/color][/u]
Yuke 2007-7-22 20:58
個晚之後隔左幾日，阿柔打左個電話比阿sam，主要係想幫阿鋒
Yuke 2007-7-22 20:58
我有成大半個月無返過屋企，平時唔係落D就係朋友屋企訓。唔返去，係唔想撞到阿鋒同阿柔。我承認自己係度逃避緊，呢個世界話大唔大話細唔細，雖然話住樓上樓下要撞到都唔易，但係我就連個少少機會都唔想有。除左唔返屋企，就連手提電話我都唔係成日開。不過間唔中我都仲會打個電話比阿奈，等佢知道我仲未死得，唔駛擔心。
呢大半個月，我幾乎日日夜晚都係Disco度渡過，但係我就無再落過阿鋒佢地個場。多數時間都係約其他豬朋狗友四圍去下，有時撞著無人陪，就會自己一個人求其揀間就腳既落去。自從個晚掂左第一次毒品之後，我就開始失左自制能力，差唔多晚晚都爆到七彩先捨得走。
唔好問我點解唔駛返學，而家放緊暑假係人都唔駛返學架啦。不過就算要返學，我要唔返既話一樣可以逃學兼無人阻止到我。
今晚我又照舊自己一個人落左去，係個舞池度漫無目的咁左fing右fing。爆左一陣之後我又返去吧檯度坐，就係我四圍望緊個陣，見到個好熟悉既身影。係阿奈黎，我奇怪緊佢做咩會一個坐係度，於是決定行過去叫佢。
「喂！」我行埋去後面拍一拍佢。
「嘩，做乜妳會係度架？無啦啦行埋黎想嚇q死人咩！」
「咁而家嚇得死妳未呀？」我無佢咁好氣，「咁岩落黎咪係度囉，廢話。」
「妳搞咩黎呀？！瘦左咁多既？！妳呢排去左邊呀？手提又唔開，屋企又唔返，差d以為妳死q左呀！」佢一輪嘴係咁問，搞到我都唔知答佢邊句好。
「痴線！邊有瘦到姐！我有打比妳架，咪話左去d fd屋企訓囉…」
「瘦左咁多都話無瘦到？！」佢見到我迷下迷下又問，「妳又爆緊呀？！」
「嗯…」
「妖妳！咪食咁多啦！妳睇下自己而家似咩！」
「得啦，唔好講廢話。做乜妳會一個人係度既？」我求其推開左個話題。
「阿sam佢地落黎呢邊傾計嘛，咁佢地做野我係入面又悶，咪出黎坐下囉。」
「哦…」
咦，唔係喎！諗深一層，阿sam佢地落黎傾計即係阿鋒都係度啦？咁我係咪應該走？佢見到我會唔會又好似上次咁，趕我走？諗到呢度，我即刻就同阿奈講。
「我…我都係走先啦…」
「哎呀！妳咪鬼係度避黎避去啦！避得一時避唔到一世呀！」雖然我同阿奈都無講到出口，但係大家都估到大家諗緊d咩。
「邊有避姐…」
「咁都叫無呀？！妳大半個月唔見人咪又係為左唔想見到佢地！」果然係阿奈，一睇就睇得出點解我會咁做。
「無野啦，我都係走先啦…廢事搞到大家都唔開心…」
「一係我同妳返去啦？」
「唔駛啦，妳留係度等妳老公啦，咁大個人我會有d咩事姐？放心啦。」
「咁…好啦好啦，妳無野就搵得啦，記得得閒打個電話比我呀！咪take咁多野呀！」
「得啦，唔好咁長氣啦…」
出左門口之後，望住面前既路忽然間覺得好攰，邊度都唔想去，淨係想搵個地方可以比我真真正正坐低休息下。
返屋企囉，都大半個月無返過去啦…一路行一路望，返屋企條路仍然係一樣，呢度曾經有好多歡笑聲存在過，點解…而家好似變晒咁既？
返到屋企之後我沖左個涼，然後坐左係床邊度聽頭。
一隻一隻催人熱淚既傷感情歌由喇叭度播出。有人話過，係失戀個陣千其唔好去聽歌，因為咁樣只會愈聽愈傷心。其實佢講得係岩架，不過大多數人明知道傷心，都係會繼續去聽，而我係其中一個。
Mp3自動跳到隻歌，好熟…
==================================================================
聽說她關心你，曾聽說她長得很美，還令不羈的你，終於可以，體貼入微…
看見今天的你，眉宇裡存著朝氣，無論她是誰人，也令我妒忌！
遠遠望你，共身邊的女人…情若卸任！而責任！恕我要交別人！
此刻衷心衷心祝福，你和她！任陸地蒼海變化，仍然同渡甘苦好嗎？
此刻衷心衷心祝福，你和她！但願幸運的愛侶，抗拒世間的變卦…
我覺得很高興，情緒奇妙沒法辯明，而直率的天快，只懂給你，真的反應…
過去我的率性，難完全明白愛情，曾是吵鬧沒停，抱憾…這類行徑…
遠遠望你，共身邊的女人…情若卸任！而責任！恕我要交別人！
此刻衷心衷心祝福，你和她！任陸地蒼海變化，仍然同渡甘苦好嗎？
此刻衷心衷心祝福，你和她！但願幸運的愛侶，抗拒世間的變卦…
用心跟她！用心跟她！熱愛吧！…叫我再不須記掛…
===================================================================
呢隻歌已經係我部腦入面好耐好耐，以前聽落一d感覺都無，但係而家就覺得d歌詞講得好岩、好中…
一個咁cool既男仔，我真係從來未見過佢可以笑得咁開心，更加未見過佢可以咁溫柔…係阿柔既力量，我竟然見到阿鋒改變左…個日我望得清清楚楚，阿鋒面上邊既表情係幾咁開心、幾咁幸福…佢抱阿柔入房個陣，佢既表情係幾溫柔…
我好妒忌，妒忌得好緊要…不過我深知，如果要去鬥既話我根本無可能鬥得贏阿柔，何況從一開始我就無諗過要去爭。
聽完呢隻歌，我更加決定以後都唔再搵阿鋒。
我唔會嬲佢或者阿柔，其實佢兩個都無錯係咪？大家都係為左愛先會去到呢個地步。只要阿鋒覺得開心既，我反而會祝福佢地。
唔係有人話過架咩？愛一個人唔一定要得到佢架，只要佢開心快樂幸福就夠架啦。
巧心 2007-7-22 21:34
[u][color=Orange]好 感 人 喔 !
support 你 喔 `[/color][/u]
Yuke 2007-7-22 23:45
[quote]原帖由 [i]巧心[/i] 於 2007-7-22 09:34 PM 發表
好 感 人 喔 !
support 你 喔 ` [/quote]
當然感 人..不過之後仲感 人....::53::可惜...冇人sup我::17::.....我唔係好想post了
巧心 2007-7-23 19:25
[quote]原帖由 [i]Yuke[/i] 於 2007-7-22 23:45 發表
當然感 人..不過之後仲感 人....::53::可惜...冇人sup我::17::.....我唔係好想post了 [/quote]
[u][color=Orange]-0-` 我 不 是 人 麼 !?[/color][/u]
Yuke 2007-7-23 20:06
[quote]原帖由 [i]巧心[/i] 於 2007-7-23 07:25 PM 發表
-0-` 我 不 是 人 麼 !? [/quote]
唔多呀ma::31::
Yuke 2007-7-24 09:34
∼∼一個月之後∼∼
又過左一個月。呢個月裡面我好平靜，日日都係屋企渡過，無咩特別事都會盡量唔出街，就算出街，我都唔會去阿鋒佢地成日出沒既地方。
無錯，我仲係好驚見到佢。怕既唔係佢既冷言冷語，怕既係自己控制唔到會衝埋去攬住佢。
我發現「思念」真係種好可怕既念力，就好似一個你見唔到既影子咁，無論你行去邊做緊咩，只要你一有空閒既時間，佢就會進注你既思想空間。
近呢個禮拜開始，我成日都作嘔作悶，尤其係聞到飯香我就更加想嘔。
阿奈見到呢兩個月以黎瘦左咁多，而家又咁唔舒服，幾乎隔日就黎我屋企陪住我。
「點呀妳？又嘔呀？」
「嗯…今日已經第三次啦…」嘔到個人好似虛脫咁，於走我訓左上床同阿奈傾計。
「妳呢排突然之間瘦左咁多，而家又成日嘔，好似唔係好對路喎。」
「無咩事既我諗，可能呢排生活太緊張姐，加上之前又係咁take野呢…」
「唔係喎，妳聞到飯香會嘔喎…」佢突然好緊張咁問我，「妳幾耐無黎過M呀？！」
「做咩姐？」我比佢嚇一嚇，「妳知我一向都唔係好準架啦…」
「唔係啦，不如去驗一驗啦！妳而家似有左喎！」
「唔會掛？邊有咁好彩呀？要驗都唔知去邊度驗啦…」
「去買驗孕棒啦！我聽人話好準架！我幫妳問下邊度有得買啦。」
阿奈都未等我有反應就行左出房打電話，而我就繼續訓係床度諗野。
唔通，真係有左？諗下諗下，隻手就好自然咁摸住小腹個位。我無諗過自己會有阿鋒既BB，如果真係有左既話我一定會生佢出黎。點樣佢都係阿鋒既血脈，就算阿鋒唔愛我，我仍然仲有一樣屬於佢既野可以留係身邊。
「問到啦，佢地話藥房或者萬寧個d有得買，我而家落去幫妳買啦。」
「妳一個人落去得唔得架？唔怕比人誤會有左個個係妳咩？」
「車！買黎驗下就叫有左架啦？唔比我買黎當雪條棍既？就算真係有左都唔關佢地事啦！」
「係啦係啦，咁妳快去快回啦。」我笑，阿奈就係咁，凡事都有一套自己既道理。
其實我有d心急，好想知道係咪有左阿鋒既BB，但如果真係有左既話，我會決定唔話比阿鋒知。我唔想佢覺得我用個BB黎綁住佢，更加唔想佢覺得我利用呢樣野黎拆散佢同阿柔。
亂諗左半個鐘，阿奈終於都返黎。
「喂，買左啦，妳去驗啦。」
我拎左盒野入廁所。第一次用，都要睇說明書先識。用左之後，我就跟住說明書所講，坐左係廁所板度等結果。當然，說話書無話一定要坐係廁板度等。
十五分鐘過去…
「喂，得未呀？咁耐既？」阿奈走黎拍門問我。
我望下支野，再望下說明書，上面話如果係圖示位置有條紅色直線既就代表有左。我左手拎住張說明書，右手拎住支野，對黎對去，足足望左三分鐘。
係紅色，真係紅色，我有左！
「點呀？」佢一見我打開門就問。
「我…」我有d激動，要深呼吸先可以講埋下半句，「有左！」
「唔係掛？！咁q好彩？！咁點呀？！」
「我決定生佢出黎！」
「妳痴線架咩！而家廿歲都未夠就話生仔！帶住個細路好麻煩架！」
「我唔理，我一定要生佢出黎！」
「唔得！佢咁樣對妳妳仲幫佢生仔？！無野呀？！」
「佢點對我係另一回事，總之BB我一定會生！」
我同佢係度拗，我當然明白佢點解咁緊張，佢覺得我一個女仔，咁細個就帶住個細路，咩都做唔到之餘自己一個養又辛苦，第時想搵第二個男朋友又難。何況我生出黎阿鋒又唔會感激我，又唔會同返我一齊，佢咪覺得我咁樣做唔抵囉。
「聽我講去落左佢啦！」
「唔落！」我好決絕。
「妖！講極妳都唔聽！我唔理妳呀！」佢發脾氣走左。
佢唔會明白，我得唔到阿鋒都想留返佢一d野係身邊既心態。點樣都好，我都一定會生個BB出黎。
「BB你乖，一定要平平安安出世，媽媽就算點辛苦都好，都會好好照顧你。」我摸住個肚同個BB講，「生左你出黎之後，我會努力咁養大你。」
我無諗過咁樣做有無錯或者會有咩後果，我只係想留返一d野係身邊。只要係阿鋒既，我都會好好珍惜。
∼∼阿sam屋企∼∼
「佢奶娘！激叉死我！低能架！」阿奈返到去一打開門就狂鬧。
「做咩呀？又邊個激親妳？」
「阿ka囉！我就黎比佢激死！都痴痴地架！」阿奈透左啖氣，又繼續講，「我見佢咁好似病到有左咁款，咪落去買左支驗孕棒返黎比佢驗囉！點知驗完出黎之後知道真係有左喎！我梗係叫佢落去佢啦！佢又死都唔聽，話一定要生出黎！」
「唔係掛？佢有左？妳地有無驗清楚架？」
「梗係有啦！人地介紹個牌子比我架！我自己都親眼睇過說明書同埋支野證明有左既！」
「佢唔肯落？」
「係呀！激到我彈起！個臭男人既BB有咩咁要呀！」
「唔好咁話阿鋒啦，佢點樣都係我兄弟…一係我同佢傾傾啦，阿ka自己一個生出黎都唔係辦法。」
「講黎有q用咩！佢個賤人都唔會同返阿ka一齊架啦！你估佢有咁好死會負責任咩！」
「咁講左都好過唔講呀，佢係BB個老豆，有權知架喎。」
「但係我唔知阿ka想唔想比佢知喎…」
「唔好理佢想唔想啦，妳都係想解決件事係咪？反正達早都要比阿鋒知，不如一早講左先啦。」
「咁又係，你都講得岩既，咁你同佢講啦。我仲好火呀！」
「傻妹，咁我去搵佢啦，咪咁嬲啦妳。」
「唔嬲就假！激到我火都黎埋！」
Yuke 2007-7-24 09:35
第二章 - 第五節 - part 1
其實阿sam都唔清楚應唔應該而家就同阿鋒講，事實上都無咩時間足夠佢地去考慮清楚，呢d野都係愈解決既愈好。不過佢覺得，既然阿ka有左，咁阿鋒就係個B既老豆，無論阿ka決定係生係落點都好，阿鋒都應該有權知道。負唔負責任呢d係後話啦，最緊要係知道左先。
（接駁鈴聲：有著妳便有著我，真愛是永不死…）
「喂…？」未訓醒既聲線。
「喂，起身啦，落黎食野呀。」
「唔啦，好眼訓呀…」
「落黎食野啦，太陽燒屁股啦，起身啦。」
「都話唔落囉…」
「有正經野同你傾呀，落黎啦。你一個人落黎好啦，一陣樓下見啦。」阿sam唔比機會佢反駁，一講完就即刻收左線。
出門口落樓下個陣，阿sam首先落左黎搵我。佢知道阿奈一嬲起上黎就咩都唔清唔楚，為左確認我有左單野同埋我既諗法，佢都係落黎問一問我比較安全。
我開門見到係佢，大約都知道佢左咩事黎搵我。
「係你呀？阿奈話左比你知啦？」
「嗯，我想知…妳決定成點？」大家都識左咁耐，好多時都係直問直說。
「我話左一定會生佢出黎…」
「妳真係諗得好清楚？」
「嗯…為左佢，我會好努力咁生存落去…我會生佢出黎養大佢…」
「咁既然妳決定左就唔好後悔啦…」
「我唔會後悔…」我望住阿sam既眼神有d憧憬，我知道，BB出世之後會係另一番光景，我好期待接受呢個新生命來臨既一日。
「咁妳多d休息啦，大肚婆唔好咁粗勞啦。」
「我會架啦，多謝你關心。」我笑左下。
∼∼茶餐廳∼∼
轉過頭，阿sam已經落到茶餐廳。呢個世界就真係有咁岩得咁橋，係佢坐低無幾耐之後發現自己無晒煙又轉身出返去買煙。
而我就因為佢既一番說話，激勵左自己要好好生活落去，於是決定第一樣要做既野就係落街食個好既午餐。雖然無咩胃口，但係大既唔食細既都要食嘛，所以我就自己一個人落左去食野。行到入茶餐廳就坐左係最後面既卡位，仲有背住門口黎坐。
於是乎當阿sam係門口撞到阿鋒之後行入黎我都唔知道，而佢地亦見我唔到。
「點呀？」我聽到把聲覺得好熟，擰轉面一睇之下發現真係佢地！唔知點解，我第一個反應就係擰返轉頭。
「叫左野食先啦。」
「點呀？有咩正經野要講？」
有正經野講？我既直覺話我知我唔應該留係度，但係我又唔想走開，咁樣…我算唔算係偷聽？
「問你丫，你有無諗過自己做老豆？」
「無啦啦做咩問d咁既問題？」阿鋒笑左下，「梗係有諗過啦，你知我同阿柔都好鍾意BB架。」
「咁如果我話你知，阿ka有左呢？」
我嚇左跳，阿sam竟然去通知佢我有左！
「咁又點呀？」阿鋒聽到之後，用最快既速度反問返佢一句。
「佢話諗住生出黎，咁你打算呢？」
「仲可以點？我同佢都分開左囉。」
「但係你話晒都係個BB既老豆喎！」
「咁一係等佢生左出黎之後，叫佢比返個BB我同阿柔養囉。」
「你唔係呀？！你都同佢分左手啦，而家仲想拎埋佢個BB走？！」
「你同我講都係想叫我負責任姐，我唔會同返佢一齊架啦，佢自己一個人養又唔掂，咁咪等我同阿柔養囉，唔係點姐？」
「就算係咁，你覺得阿柔會接受到咩？！」
「點解唔得？佢一向都對小朋友好好。」
「我相信無一個女人咁樣都唔會呷醋囉。」
「佢一向都好信任我，我同佢解釋既話佢會明白。」
「你真係諗住咁做？！」
「唔係點？佢要生即係唔會落啦，唔通我捉佢去落呀？」
「你咁樣會唔會賤左d呀？！」到呢刻，就連阿sam都睇唔過眼。
「反正阿柔而家個身體唔係咁好，醫生話佢生既話可能會有危險。佢又咁鍾意細路，而家有人幫佢生就岩晒啦。放心喎，我會當佢自己仔咁錫架啦。」
「佢係咪都係你個仔黎架啦！咁你即係諗住要仔唔要
Yuke 2007-7-24 09:35
第二章 - 第五節 - part 2
係茶餐廳既我聽到背後靜晒，呆左一陣野之後以為佢地都走晒啦，諗住起身埋埋張單就返屋企。點知一擰轉身就見到阿鋒仲坐左係度。
一見到佢，我就即刻將視線望向其他地方。
「原來妳係度，咁即係聽到晒我地講咩啦？」佢見到我，主動開口問我。
我一聽到佢問我，眼淚就不受控制想流出黎，為左死忍，我咬住嘴唇唔出聲。
「妳聽到架啦？一係就落左去，一係就生出黎之後比返個BB我地。」
兩樣我都唔樣揀，唯有選擇繼續沉默。
「點呀？！唔好十問九唔應呢？」
「兩個我都唔揀…我更加唔會將個BB交比你地…」我仍然無正面望佢，但口中就好堅決咁講左呢句。
「咁落左佢囉！」
「點解你要咁決絕？！個BB你都有份架！」我個心好痛，我唔明點解佢可以咁對我，可以咁對自己個仔…
「唔係妳仲想點？！我而家咁樣已經叫負左責任啦！」
「我唔需要係負任何責任…」
根本由佢第一日放棄我開始，我已經知佢唔會再為我做任何野。如果我係要佢負所謂既責任既，我大可以係我知道自己有左個刻就去搵佢。
但係我無…目的就係唔想再去煩佢…
「係妳自己講架！咁我唔理囉！反正個BB都唔知係咪我既！」
佢呢句說話簡直將我打入左震撼之中，我完全唔敢相信佢會咁講…
「你…覺得我會係出面同第二個亂上床咩…？」我望住佢，眼神透露出徹底既失望。
「我點知妳同我分左手之後有無同第二個男人做過？！」
原來佢傷我既仲未夠深…呢句說話先係最致命既一擊…係佢心目中，原來我已經變成一個淫亂既女人…
忍左十分鐘既眼淚已經不受控制，一滴一滴趺落…
「喂！你個賤人你講乜呀！」
阿sam同阿奈唔知幾時就落到黎，仲聽到晒我同阿鋒既對話。
「你叫佢比返個仔你都已經夠晒賤格架啦！而家仲要講埋d咁既野？！阿ka似係d咁隨便既人咩？！」
「我點知呀？！佢都差唔多兩個無出現過啦！話唔定去左第二條仔度訓呢！」
「佢咁愛你你覺得佢做得出咩？！」
「妳講就係架啦？！點知妳兩個有無係度扯貓尾，等我食呢隻食貓架？！」
「你講乜呀！口水花亂噴！」
「講乜妳聽得好清楚！唔駛我重覆多次掛？！」
「我發覺你真係好唔係人黎架喎！咁賤既野你都講得出既？！」
就係呢個時候，有個人影衝左入黎。
「你地係度做咩呀？」係阿柔，佢一入黎見到阿奈同阿鋒開晒大戰咁就問。
「關妳咩事呀！八婆！」阿奈已經夠火，一見到阿柔佢仲火！
「喂！警告妳小心講野呀！邊個妳都話得！佢妳就唔話得！」
「唔話得呀而家！？我係鍾意話佢呀！咁點丫？！八婆！八婆八婆八婆！」
「好啦喎妳！」
「咩呀！你話阿ka就得，我話佢就唔得呀？！我係唔收聲架啦！吹咩！打我丫笨！」
阿鋒聽到佢咁講，竟然真係想舉手打落去！
「傻q左呀！女人你都想打！」阿sam見到梗係捉住佢隻手啦，容乜易一陣真係打落去架？
「放手！」佢fing開左阿sam隻手。
「點呀！唔夠膽打呀！？」阿奈條氣又邊有咁易順呢？
「我唔打女人！」阿鋒一路啤到阿奈實一實。
如果佢啤住個個係我，我真係會驚到唔敢再出聲。可惜佢啤住個位係阿奈，偏偏阿奈份人又唔鍾意咁易屈服。你啤佢咩？佢啤返你。你惡咩？佢仲惡過你！
「你唔打我打！」一句說話未完，反手阿奈就「啪！」一巴打左落阿柔度！
阿鋒見到阿柔比佢打左巴，係阿柔都未識得叫痛之前，已經一時衝動打返阿奈一巴！
「你無野呀！？」阿sam即時就推開佢！
「又話唔打女人？！」阿奈雖然比人煎左巴，不過仍然好冷靜咁啤住阿鋒。
「你痴q左呀？！佢地女人既野咪由佢地自己解決囉！你出咩手姐！」
「唔係佢打阿柔先我會出手咩！？」
「我打佢有錯咩？！係佢條八婆阿ka而家先會搞到咁架咋！你唔望下佢！？瘦左幾多殘左幾多呀？！而家有左仲要聽埋你講d咁既說話呀！」
「我同佢點都會有分手既一日架啦！我根本無諗過同佢會長久！」
「無諗過就唔好同佢一齊啦！而家即係擺明玩佢咁話啦！？」
「唔好同佢講咁多！女人都打，我睇錯晒你！阿奈我地走！」阿sam拖起阿奈就行左出門口。
「我都未見過有人可以賤格到咁架！」一出門口阿奈已經不停咁鬧。
「咪嬲住啦，頭先比佢打個巴痛唔痛呀？」
「痛就梗係痛架！」
「我錫返啦，不過真係睇錯晒佢！」
「你個都唔知咩兄弟黎架！咁都做得出！」
「我都估唔到阿柔會令到佢變成咁。」
「總之就激死我啦！係喎！阿ka呢？」
出左門口成五分鐘先發現唔見左我，足以證明佢地有幾嬲。
阿奈一發現唔見左我身影，即時就四圍望。
「佢唔係仲係入面呀？！」
「唔會掛？！返去睇下！」阿奈邊講邊急急腳行返去門口望下。
「唔見佢喎！」
「妳試下打比佢。」
其實駛咩搵？係佢地嘈到一半個陣我就已經走左。
我估唔到阿鋒可以講d咁既野…心痛真係可以令一個人失去靈魂，我行屍走肉咁返到屋企，呆晒咁住左係度。腦裡面淨係諗到，「無可能，我死都唔會交BB比佢地」呢幾隻字。
電話響，我知道亦都意識到應該去聽，但係手腳已經唔到我控制，就連思想都開始失控。
「佢電話無人聽呀！」
「屋企手提都無人聽？！」
「係呀！死啦…佢去左邊呀！？會唔會做傻事架？！」
「不如上佢屋企搵一搵啦！」
Yuke 2007-7-24 09:36
佢兩個唔駛三分鐘已經衝到上黎我屋企。「叮噹！叮噹！叮噹叮噹叮噹！」經過差唔多兩分鐘既門鐘聲，終於暫時將我拉返黎現實，意識之下行左去開門。
「妳無事呀？！做咩唔聽電話呀？！又咁遲先開門！」阿奈見終於都搵到我，擔心之餘都鬆左口氣。
「…無事…」
「妳唔好亂諗啦，無咩野架咋，佢都係講下架姐，唔會真係拎走妳個BB架。」阿奈安慰我。
「係囉，何況阿奈都唔會比佢咁做啦，我都唔會。」阿sam插嘴。
「…你地走啦…比我自己靜一陣…」我個腦好空白，咩都諗唔到，我而家只係想靜靜地一個人。
「不如我留係度陪妳啦？多個人多個照應，我又唔駛咁擔心。」
「…我想靜靜地…一個人…」
「唉…咁…好啦…記住唔好亂諗太多，有咩事就搵我啦…」阿奈轉身諗住走，但被我拉返住佢。
「奈呀…多謝妳…不過你放心啦…」我望住佢，輕輕笑左下。
「咪傻啦，咁多年姊妹仲客咩氣？妳好好休息啦，我走啦。」
我真係好衷心多謝阿奈呢個姊妹，好多謝佢為左做左好多野，成日幫我出頭，但係我諗我呢世都唔可以再為呢個姊妹做d咩。
我已經失去左阿鋒，我唔可以再無埋個BB。呢一分鐘裡面，我腦入面浮現既就只有尋死呢條路。唔好鬧我蠢，我諗正常既人係呢個時候都唔可以冷靜咁去面對問題，仔細咁去諗每一樣野。自從我承受過失戀個種刺心既痛之後，我就明白到係人都會識講，但係當事情發生係自己身上個陣就永遠都做唔到呢個道理。死，係唯一一個可以留住BB係我身邊既方法。只要我地一齊死左，咁BB都唔會離開我。就算做鬼，我都要帶住佢。
就係阿奈佢地走左無幾耐之後，我跨坐左係窗台前面。望住條街，街上面既人同車顯得好細，感覺好虛無但又黎得咁真實。坐左一陣，聽到Mp3最後個句「此刻衷心衷心祝福你和她…」之後，我就用盡全身既力一跳，跳左落去。
岩岩離開我屋企，諗住出去食d野既阿sam同阿奈，一路行就一路傾計。
「唉，做咩會搞成咁架？」
「鬼知咩，一日最衰都係條o靚仔。」
「妖！唔好再提佢啦！一諗起佢我就把幾火！」
咁岩講起阿鋒，阿鋒同阿柔仲有阿龍就迎面向佢地行緊過黎。
「真係怨家路窄！」
本來大家都為左眼前既所謂仇人而份外眼紅既時候，突然之間，係佢地身後無幾遠處傳黎「呯！」一聲既巨響。
無錯，帶黎呢聲巨響既係我。
阿奈佢地都嚇一嚇，心諗咩事咁q大聲。而第一個望清而前環境既，係最無關痛癢既阿龍。
「…喂！報警呀！！」當佢發現有人跳樓，而跳樓個個又係我個陣，即刻就大叫。
阿奈係聽到佢呢句之前仲有些少未搞清楚狀況，當佢擰轉面見到訓係佢面前成身血既係我個陣，即時成個人呆左。
「報警啦！仲望！」阿sam係震驚之後迅速回復反應，伸手推左下呆企係度既阿鋒。
之後，係一陣手忙腳亂。阿龍啦啦臨打電話報警。阿鋒除左要照顧身邊個位第一次親眼見到咁血淋淋場面，已經嚇到面青口唇白既阿柔之外，仲要阻攔一d多事既途人圍觀。
而阿奈，係呆左一分鐘有多之後，開始成個人發軟咁趴左落阿sam度。
「喂！喂！妳點呀！」佢見到阿奈咁，即刻就扶實佢。
「ka…」阿奈可能真係有d刺激過度，塊面發白不特止，仲開始見暈。
「妳唔好嚇我呀！坐定抖陣先啦！」
係等緊白車黎既同時，幾乎在場每一個都係呆呆滯滯咁望住訓係地下無晒意識既我。佢地都諗唔到而家應該可以做d咩…應該話，就算諗到，佢地都唔可以做d咩。
阿鋒無諗過我會自殺，而家見到我成身血訓係佢面前，除左震撼之外都仲係震撼。阿柔已經驚到淨係識攬住阿鋒係咁係度震。阿奈更加敢相信訓係地下個個就係我，愈喊愈激動，有好幾次仲有衝動想過黎拉我起身，最後當然比阿sam禁住左。阿sam見到阿奈咁傷心，佢自己都不自覺咁心痛，雖然我同佢平時無咩幾句，但因為阿奈既關係，變相佢都好睇住我。就連最唔關事既阿龍，亦都一樣咁呆滯。
平時打打殺殺劈殺佢地就劈得多，咩血腥場面都幾乎見過晒，但應該無見過自己既朋友係自己面前跳樓自殺。就算係普通朋友都已經夠晒驚嚇性，何況係一個由細識到大、玩到大既朋友？
巧心 2007-7-24 15:43
[u][color=Orange]睇 到 我 喊 左 出 黎 呀 ~ 嗚 ...[/color][/u]::31::[u][color=DeepSkyBlue][ 呀 k a 實 在 太 可 憐 啦 ! ][/color][/u]
Yuke 2007-7-24 16:47
五分鐘之後白車已經黎到，即刻就送左我入醫院。除左阿奈同阿sam跟車之外，其他人全部自己搭的士去醫院。
手術室門口既紅燈著左，醫生正係入面埋面同我做緊手術。
「…ka…妳千其唔好有事…」阿奈攬住阿sam不停咁喊。
「傻妹唔好亂諗啦，無事架。」阿奈喊成咁，佢自己見到個心都唔安樂。但係而家又唔可以做d咩，唯有掃下佢背脊，講幾句說話安慰佢。
阿柔仲係攬住阿鋒，兩個人企左係度，而阿龍就坐左埋一邊。
「一日都係你！唔係你阿ka唔會搞成咁！」阿奈突然企起身指住阿鋒黎鬧。
阿鋒無出聲，佢都唔知而家可以講d咩，佢亦都無諗過我會自殺。正確d黎講，係佢估唔到佢既說話可比到咁大既殺傷力我，足以令我走上不歸路。
「你走呀！」阿奈係咁推佢走。
阿鋒仍然無出聲，任由佢推，自己就不斷咁向後退。
「妳冷靜d先啦！」阿sam捉住阿奈。
「仲點冷靜呀？！唔係因為佢，阿ka而家會訓係入邊唔知生定死咩！」
「佢係有錯，不過而家唔係嘈既時候，妳冷靜d等阿ka無事先啦好無？」
阿奈聽到阿sam咁講，雖然無再出聲，但仍然啤實阿鋒。
「你地走先啦，有咩我會通知你地…」阿sam為左令阿奈冷靜d，就叫阿鋒佢地走先。
阿鋒靜左陣就拖住阿柔走左，阿龍見到咁既情況亦跟住佢地走埋。
一出醫院門口，阿鋒就企左係度。
「柔，不如妳返屋企先，我想同阿龍去飲酒…」
「嗯…你早d返黎…」
「嗯，咁我地送你去搭車。」
阿鋒同阿龍兩個送左阿柔去搭車之後就落左Bar。
係醫院既阿奈喊左幾個鐘之後已經無晒力，挨左係阿sam身邊訓著左。
經過醫生既一番努力，外加幾個鐘頭既手術，手術室既紅燈終於都熄左。
「奈，醒呀！醫生出黎啦！」阿sam一見手術室門推開就拍醒阿奈。
其實阿奈邊係真係訓著？佢都之不過係太
Yuke 2007-7-24 16:47
∼∼一個禮拜之後∼∼
醫生話我雖然仲仞籅臐A不過已經渡過左危險期，情況都穩定返唔少，所以將我轉送左去普通病房。
「醫生，佢到底幾時醒架？」阿奈望住護士將我好似木乃伊咁抬走。
「佢咁樣昏迷法，一年唔定一個月唔定，可能一世都唔定。呢d好睇病人既意識，有人幾個禮拜就醒返，有人訓足十年先醒，亦有人呢世都無醒過。」
「咁咪即係變左植物人？！」
「可以咁講。」醫生講完呢句之後就走左。其實做醫護人員既係咪多數都睇到化晒？我覺得佢地好似對生死無咩感覺咁。
「咁而家點呀？佢會唔會一世都唔醒架…」阿奈聽完醫生咁講又開始擔心。
「無事架，跳樓佢都死唔去，個天唔會唔比佢醒既，我地耐心d等下啦。」
於是，阿奈同阿sam就係醫院展開左馬拉松式既陪伴計劃。幾個禮拜以黎，佢地都輪流係我身邊陪住我，希望我醒返既話第一時間見到我。
某日，阿鋒同阿龍黎探我。話就話探我姐，但我仲昏迷緊，咩都唔知又點可以話探？最多只可以話係黎望下我。
但係當阿鋒隻前腳一踏入病房，阿奈就即刻推返佢出門口。
「你仲黎做咩！」
比佢推左出門口既阿鋒無出聲，企左係度。
「走啦！仲黎做咩姐！覺得阿ka唔夠慘黎踩多佢兩腳呀？！」
「奈，佢都係想黎睇下佢姐…」阿龍知呢刻就算阿鋒講咩阿奈都唔會聽得入耳，唯有開口代講。
「駛咩佢黎呀！叫佢返屋企睇住佢條女先啦！呢度唔歡迎佢！」
「妳點都比佢入去睇一睇啦。」
「唔得！我點都唔會比呢個賤人入去！」
「唔好嘈啦，呢度醫院黎架。」阿sam拉住阿奈，「妳返入去睇住阿ka先啦，我同佢地去傾幾句。」
處理左阿奈，阿sam就同阿鋒佢地行埋一邊傾計。
「你地都係走先啦，阿奈唔會比你地入去架啦。」
「家陣佢都覺得自己做錯啦，唔係入一入去睇下都唔得呀？」阿龍覺得阿奈似乎小提大做左d。
「而家先黎知錯有乜用？如果個日我地唔係度，阿ka送唔切入黎一早就死左啦！仲有佢個肚呢？而家都無埋啦！」阿sam冷笑。
「咁都無人想發生d咁既事架…阿鋒都唔知架…」
「係呀，但如果唔係因為佢，會搞到今日咁咩？個日我出門個陣落去搵阿ka，仲親耳聽到佢話會為左BB努力生存落去，而家呢？！就係因為呢條友仔一句說話，睇下搞到而家點！」
「算啦阿龍，我地都係走啦。」由入黎到而家，阿鋒終於開聲講第一句野。
「就咁就走呀？真係唔入去睇下佢？」
「唔係我唔想入，係佢地唔比我入，算啦…」
夜晚，阿奈同阿sam兩個仍然係醫院陪住我。
一睇阿奈個樣就佢有幾
巧心 2007-7-24 19:25
[u][color=Orange]好 想 知 呀 ka 到 底 醒 唔 醒 得 番 呀 !
support 你 喔 `[/color][/u]
Yuke 2007-7-25 08:33
我係醫院訓左足足有一個月。
某日阿奈佢地兩個照常黎探我，見我仲係未有反應，除左失望之外就係繼續等。
就係佢地食緊野個陣，我隻手突然開始郁。
「佢醒啦！醒啦！」阿奈見到我有反應，即刻大叫。
「我去叫醫生！」阿sam都唔敢怠慢，好似怕一錯過左我就唔會醒返咁。
「阿ka！醒呀！醒呀！」佢用力捉住我隻手。
開始蘇醒既我比佢捉到有d痛，努力睜大眼望下。
「痛…」醒返之後第一個比我既感覺係痛，成身上下都好痛。
「妳終於都醒啦咩？！肯醒啦咩！」佢望住我，眼中有淚水湧現。
「你地出去先，我地要幫病人檢查。」醫生收到阿sam既通知，入黎趕走阿奈佢地。
阿奈同阿sam兩個好心急咁企係門口度等，而我就係入面接受一連串唔知係咩既檢查。
我唔清楚自己做咩會係醫院，但醫生所講既說話我都盡量跟住去做，最起碼我知道，我而家係個病人。個醫生一入黎就左睇右睇，一時照眼一時聽心跳，搞完一大輪終於都捨得出返去。
「點呀？！佢無咩事啦嘛？！」醫生一出黎阿奈就捉住佢問。
「我地檢查到佢大腦可能有塊未消既瘀血，或者會暫時性影響到佢既記憶，其他都無咩大礙。」
「咁即係會失憶呀？！」
「有咁既可能性，詳細都要檢查多次睇下個情況係點先。」醫生講野就係咁無夌兩可，神又係佢鬼又係佢，「不過你地都可以放心，就算真係影響左記憶，當塊瘀血消散左之後，佢就會記得返。」
「阿ka！」佢地一同個醫生傾完就入返黎。
「…做咩我會係醫院架？」
「下！？」阿奈估唔到醫生話我失憶就真係失左憶，嚇左跳。
但我記得，我真係記得佢係阿奈黎架。
「你囉，唔小心係屋企趺左落街。」
「嗯…唔小心囉…」阿奈聽阿sam咁講，唯有配合。
「唔係掛，咁樣衰？」我見到眼前既阿sam又問，「咦？呢個邊個黎架？」
「下？！呢個…呢個…」阿奈都唔知點答好，望住阿sam向佢求救。
「我咪佢男朋友囉，一齊左好耐架啦。」
「男朋友？！妳幾時有男朋友我唔知架？！」
「我…口密丫嘛！點知傳出去會唔會比人笑架？」
「白痴，咁型仔點會比人笑呀？喂，仲唔介紹下？」
「我叫阿sam，妳唔駛介紹啦，我知妳叫咩名。」阿sam幫阿奈解圍。
「唔好講呢d住啦，妳無咩事啦嘛？仲有無覺得邊度痛呀、唔舒服咁呀？」阿奈似乎唔想係阿sam呢個問題上停留太耐，一見我收聲無問就轉去第二個話題。
「成身都痛囉，又會無啦啦係屋企趺落街咁樣衰既，一定比人笑死。」
「傻啦，有邊個會笑妳！」
「係呢，我入左黎有幾耐啦？」除左d傷口痛之外就係骨痛，我相信我都訓左唔短時間。
「妳真係咩都唔記得？！」
「下？記得d咩呀？我淨係知而家係醫院囉！」
「咁妳唔記得佢啦？！」佢指住阿sam問。
「咪玩啦！岩岩先識點會咁快唔記得呀？阿sam嘛！」
「咁妳仲記唔記得我地住邊？！」
「妳唔係同我講笑嘛？自己屋企係邊我諗無人唔記得掛？」
大家都靜左，我望住佢地，佢地又望住我。
「做咩姐？有咩問題？」我覺得怪怪地，忍唔住出聲問。
「無野無野！妳訓左咁耐都餓啦，我地去買野食比妳啦！」
「係就快，我好叉肚餓，就黎餓死。」
佢地出左去之後，我就坐正個人望下四圍既環境，順手回想一下到底發生咩事。
最奇怪既係阿奈做咩會問埋d九唔搭八既問題，而我又做咩無啦啦係屋企唔小心趺左落街呢？阿奈個咪出現過既男朋友又係邊個黎？我覺得中間一定有段故事，但係我又偏偏唔知道發生過d咩，好似好多野都記唔起，但又講唔出係咩。
「死啦，佢真係失左憶喎…」
「但睇黎佢又唔係咩都唔記得晒。」
「不過佢失憶都係件好事黎既，起碼唔駛一醒返就要面對同阿鋒既問題。」
「我都係咁話！你記住呀，咪咁快比佢知道！」
「係啦…妳話佢呢d係咪叫做選擇性失憶呢？」
「我點知姐，我又唔係醫生。」阿奈笑左笑。
「終於都肯笑啦咩？我以為妳唔識笑啦。」
「咁阿ka呢個月咁樣我仲邊有心情笑呀…」
「放心啦，佢而家醒返都無事囉，唔好再咁擔心啦。」
「希望佢真係無事啦…」
就係阿奈佢地行左出去買野食無幾耐，有個人入左黎我間病房。
「…你係邊個呀？」我望住入黎個個人，面善，但我肯定自己唔識佢。
「…妳終於都醒返…」
呃…條友仔都幾九唔搭八，我問佢係邊個佢竟然同我講我醒返。我梗係醒返啦，唔係而家點坐係度同佢講野呀？
「你係邊個姐？」
「…妳唔記得我？」
「我好似唔識你架喎…」搞笑，係我記憶既資料系統入面無呢個人既file囉。
「我…」我完又無下文，都唔知佢想點。
不過望多幾眼，發覺佢都幾靚仔既。算啦，我對靚仔有特別偏好，雖然條仔係就係九唔搭八d，不過都由佢啦。
就係大家都相對無言個陣，阿sam佢地返黎。
「喂！你係度咩呀！」阿奈一見到個男仔就鬧。
「我走先啦。」個男仔見到阿奈，拋低左一句就走左。
「喂，邊個黎架？妳識架？」我問阿奈。
「唔駛理佢，閒人黎架咋。」
「唔係喎，靚仔黎架喎！妳係識既介紹黎識下都好呀！」
「靚仔無本心呀！食野啦！」
我唔係好明阿奈呢句說話係咩意思，但肚餓既我受到面前美食既引誘都唔理得咁多，一於開餐緊要。
阿sam同阿奈當然知道岩岩係度個男仔係阿鋒。尤其係阿sam，佢見到阿鋒一句之後就走左，於是跟住佢行出黎。
「佢失左憶…但唔係咩都唔記得晒，只係唔記得左我地三兄弟…」
「或者唔記得對佢黎講都係件好事黎既…」
「其他野你自己執生啦，阿奈唔希望佢咁快記得返同你既野…」
係病房食食下野既我又開始好奇，無計啦，誰叫我天生就是好奇寶寶呢？
「我硬係覺得頭先條仔好熟口熟面咁，唔知係邊度見過呢？」
「妳理得集丫，d閒雜人等黎架姐。」
「咦，係喎！估唔到妳個衰婆唔聲唔聲媾到件咁型既，妳就好啦！」我見阿sam唔係度，梗係同阿奈講下心底話啦。
「妳駛咩恨姐，遲d或者妳都有呢。」
「係就好呀！但型仔唔岩我，我要靚仔既，哈！」我繼續食住野同阿柔講笑。
個一刻，阿奈表面上好似好開心咁係度陪我癲。當然啦，對於我醒返又無咩大礙，佢已經顯得好開心，但心入面對於我失憶呢樣野，就好擔心。佢驚我唔知幾時會記返起阿鋒既野，跟住又唔開心過。
巧心 2007-7-25 14:50
[u][color=Orange]呀 ka 終 於 醒 番 啦 !
好 yEaH !
suppoRT 你 喔 `[/color][/u]
Yuke 2007-7-26 09:56
大家仲記唔記得我地五個都係學生哥？呢幾個月都放緊暑假，自然無提到學校既事啦。而今日就係九月一號開學日，我地又係時候返學啦。
阿奈一大清早就拍醒阿sam。
「嗯？做咩呀…？」成個暑假幾乎晚晚蒲天光，而家咁早要佢起身即係叫佢去死，梗係死都唔肯起啦。
「起身啦！返學啦！遲到啦！」阿奈一連串啦啦音。
「一向都遲慣架啦…訓多陣先啦…」阿sam轉過身又想繼續訓。
「起身呀！！快d去換衫！！」
「哎呀，咁早起身做咩姐…？」比阿奈嘈到訓唔到，死死地氣爬起身。
「我約左阿ka食早餐呀，你係咪唔陪我呀？」
「得得得，我陪…怕左你…」
∼∼茶餐廳∼∼
「早晨！！」阿奈一落到黎就四萬咁口坐係我對面。
「早晨。做咩做左陳四萬呀妳？執到金呀？」
「開心咪笑囉，唔得架咩？」
「古靈精怪。」我望一望佢，繼續食手上面既多士。
「嘩，妳一早叫左野食架啦。」
「梗係啦，唔通等埋妳先呀？妳例遲黎既，等得妳黎我都餓q死左。」
「咩姐！哼！唔好理佢，我地叫野食。」佢拉住阿sam講。
呢個時候，阿鋒同阿龍咁岩行入黎。
「喂，早晨！」阿龍一見到阿sam就叫。
「今日吹西北風呀？個個都咁早見人既？」
「肚餓咪落黎食早晨囉，擒晚我地都無乜點訓過。」
「咁一齊坐啦。」
「喂！」阿奈拉住阿sam細細聲講，「做乜叫佢地坐低姐？一陣阿ka記得佢咁點算呀？」
「唔係點呀？唔通叫佢地走咩，咁樣阿ka咪仲懷疑？無事既，妳睇下阿ka都無反應就知啦。」
「我唔理！總之我死都唔比佢兩個係返埋一齊架啦！」
「喂，你兩個係度咬耳仔講咩姐？」我見阿奈講野講到嬲爆爆咁就問。
「八卦啦妳，食妳既多士啦。」
「超，唔講咪算囉…」講下講下我先發現阿鋒佢地三個都著住同校既校服，於是就問佢，「咦，你地又同我地同一間學校架？」
「下？係呀。」阿鋒個樣好似好愕然咁。
「你地讀咩班架？」有個咁靚仔既同自己同校喎，梗係要問下讀咩班啦。
「下？咪同妳地同一班囉…」
「同班？！但我好似從來都未見過你地啵！」
「妳可能無留意姐…」
「無理由既！」
咁真係無理由架嘛！有三個咁靚仔又型仔既男同學，我係無理由發現唔到既！就算我唔發現呀，阿奈或者同班個班豬扒女同學都會發現到啦！阿奈肯定會捉住我去昅仔，班豬扒更加會鬼殺咁嘈啦！
「佢地今年新轉黎架嘛！」阿奈見我開始懷疑，即刻同阿sam佢地幾個打眼色。
「新轉黎佢又話我無留意？！」
「佢頭先亂講之嘛，我同左阿奈一齊之後先搵埋佢地轉黎呢個學校既，今日先第一日返學。」阿sam打圓場。
平息左呢個小風波之後，大家都唔敢再亂出咩聲。
「食飽未呀？食飽就行啦。」阿奈一見我拎起張紙巾就啦啦臨叫走。
梗係啦，係佢心目中梗係早一步走我就少一份懷疑啦。再問落去既話點知會唔會又出現d口供唔夾既情況架？
∼∼學校．課室∼∼
我地五個前腳一踏入課室，d同學仔就起哄。
「鋒哥sam哥龍哥早晨！乜今日咁早呀？食左早餐未呀？」呢個咁樣衰加成隻門口狗咁既同學仔係上年同我地同班既。
「關你蛋治咩，彈開啦。」阿sam啤一啤佢。
「係既係既，有咩吩咐再叫我。」
「喂，妳又話佢地新轉黎既？點解阿乜水又識得佢地咁既？」我好奇問阿奈，唔係話佢地岩岩先轉黎呢間學校架咩？做乜條友又好似識得佢地咁？
「人地一早係出面識得掛，我點知姐。」
「又會咁岩既？」
阿奈解答完我，又拉住阿sam係度密密傾。
「死啦，再咁落去遲早穿架咋！咪當阿ka蠢得架，雖然佢又真係蠢蠢地…」都唔知佢呢句係讚我定踩我。
「唯有見步行步啦，而家都返到黎學校囉。」
Yuke 2007-7-26 09:57
第一日返學，大家都等緊Miss入黎做個好無聊既早會。
隔左一陣，門口突然出現兩個係一男一女身影。
個女仔好熟口面…咦？佢咪上次係茶餐廳，坐係阿鋒隔離個個女仔？
「喂，阿柔呀！」阿龍見到門口既人，即刻大叫。
而家阿sam阿奈同阿鋒三個，一聽到「阿柔」兩隻字都同一時間將視線集中係課室門口。
「做咩妳會係度？」呢個時候當然要阿鋒出馬啦。
「咁你係呢度返學嘛，我咪轉校黎陪你囉。」
「駛咩搞咁多野姐？平時仲見唔夠咩？」
「咁我都係想陪下你姐…」
「妳鍾意啦，自己搵個位坐啦。」
阿柔肯定揀都唔駛揀，第一時間跟住阿鋒行埋位，一野就坐左落佢隔離。
個刻我見到心諗駛唔駛呀？雖然話妳條仔特別靚仔姐，都唔駛突登轉埋校黎睇實條仔呀？如果妳係得既，妳條仔點走都走唔甩啦！多餘！
「今次有好戲睇啦。」阿sam趴係度同阿奈講。
「仲掛住睇戲？！條八婆如果係度搞搞震咁點算呀？！」
「我諗唔會既，有o靚仔係度佢唔敢做d咩啦…」
「佢咪多事呀！如果唔係我實行將佢煎皮拆骨！」
除左阿柔之外仲有個男仔，條仔個樣唔差架，都幾型幾靚仔架。雖然未必比得上阿鋒同阿sam，但肯定比阿龍好。
哈，我地學校幾時變左型仔靚仔集中地？今年咁多高質數既入黎讀既？
「喂，岩妳呀！」阿奈搵手肘撞一撞我。
「痴線！咪玩啦！」我笑。
「唔錯喎，又靚仔又型，最緊要夠高！高質數呀！」
「家陣我唔型仔咩！？」阿sam聽到阿奈讚人，明顯有d呷醋。
「但係人地靚仔喎！」阿奈反駁。
「咁我而家唔靚仔咩？！」
聽到呢句我真係想笑出黎，唔好玩啦sam哥仔…你型就夠晒型啦，不過靚仔啦喎…大家心照啦。
「人地靚仔d囉！」
「咁佢又唔夠阿鋒靚仔呀！」
「但係佢靚仔得黎又型喎！」
「挑！咁咪即係阿龍既翻版！」
「嘩！擺明佢好過阿龍好多啦！你睇下人地幾高！」
「既然人地咁好妳咪去媾佢囉！」
「大我呀你而家？！媾咪媾！你叫架咋！陣間唔好係度發脾氣呀！」
「我實會架喎！」
噴…有時都唔知應唔應該怪佢坦白，講到咁明叫人仲點媾得落手？
「咁你就唔好叫我媾啦！」阿奈聽到佢個句都唔知好嬲定好笑。
「妳咁想，我無理阻止妳架！去囉！」
「做咩姐？真係呷醋呀？嬲呀？」
「係呀！妳係我面前讚第二個男人喎！」
「咁讚下唔得咩？我成日都係咁架啦…讚之嘛…又無話媾…」
「哦，咁好囉！下次到我讚其他女又索又靚囉！」
「你…！唔得呀！我唔准！」
「唔准我讚其他女，你自己讚d仔就得！」
「大家一齊唔好讚囉！」
「唔好讚咪唔好讚囉！反正我無昅女好耐啦！」
「丫…黎啦…唔好嬲啦…」阿奈開始出軟功
巧心 2007-7-26 15:12
[u][color=Orange]support 你 喔 `[/color][/u]
紫霜 2007-7-26 18:06
原來咁都叫交朋友::58::
Yuke 2007-7-26 19:35
[quote]原帖由 [i]紫霜[/i] 於 2007-7-26 06:06 PM 發表
原來咁都叫交朋友::58:: [/quote]
人地有佢自己ge風格::53::
＊零．．． 2007-7-26 22:16
不是吧﹏
咁都得﹏::4::
Yuke 2007-7-27 11:30
「喂，等妳個死樣陣間都無人約架啦，一齊去食lunch啦。」
「你又知我無人約？！同你食飯呀？睇下本小姐心情點先啦。」
「妳咪又係約埋阿奈去食飯，總之一齊啦，咪咁多野講。」
激死！食飯咪食飯囉！駛唔駛好似命令咁！
中午lunch鐘一響，大家都雞飛狗走，連個阿sir未講完野都唔理lu。
「行得未呀？好肚餓呀。」阿龍第一個係度叫。
「餓得死你咩！而家咪行囉！」阿奈係唔會放過串佢既機會既。
「喂，你同唔同我地去食飯呀？」阿sam問阿鋒。
「是但囉。」
「我又去！」阿柔見到阿鋒話去又話要跟埋黎。
「人去妳又去，正一跟尾狗。」阿奈梗係抵唔住頸第一個出聲啦。
「算啦，唔好嘈。行啦。」
一行六個加埋新黎個阿逸，總共七個人，浩浩蕩蕩向住平日我地中午去開個間茶記進發。我同阿奈一馬當先，兩個人撓住手係最前面行。後面有阿鋒、阿柔同阿龍三個，而最後面既係阿sam同阿逸。
「做乜鬼妳無晒心機咁姐？」我見阿奈唉聲嘆氣就問。
「仲好講？我諗住得我同妳同埋條仔去食飯咋嘛，點知而家一大堆人黎。」
「哦！妳仲唔認想媾人地？！」
「咩姐？我好專一架，諗住識多個朋友仔之嘛。」
「係呀係呀，專一。」
「我真係好專一架！我淨係鍾意山下智久架咋！」
「妳死啦妳！一陣比阿sam聽到妳仲唔死！？」我大笑。
「車！聽到咪聽到囉！我先唔怕佢呀！」知唔知咩叫死雞撐飯蓋？
「妳話鍾意邊個話？」阿sam突然之間出現係阿奈身後。
「下！？」佢直頭嚇到跳左跳。
「我問妳話對邊個專一呀？」
「咪…你囉！你知我好鍾意你架！」明顯係度死兜啦！
「係咩？我明明聽到個唔知乜名架啵？」
「邊有姐？你聽錯啦，阿ka呵？」佢係咁同我打眼色。
「唔關我事！我咩都聽唔到，咩都睇唔到！」咁既情況梗係閃水啦，仲留係度咩。
「妳…！死八婆！」佢啤實我，個眼神簡直就話比我知佢係度詛咒緊我。
估都估到而家直頭想殺左我啦！哈哈！
「點呀？對邊個專一呀？鍾意邊個呀？」
「都話你囉…」佢即刻撓住阿sam。
「妳下次再亂講睇下我放唔放過你！」阿sam攬返住佢。
「得！我唔講！」阿奈見到阿sam陰陰嘴個樣已經知道佢作咩打算，即刻發誓以後唔講。
睇黎佢兩個咁恩愛，都係打風都打唔甩架啦。
Yuke 2007-7-27 11:30
∼∼茶記∼∼
「睇下有咩食先。」一坐低阿龍就拎張餐牌黎睇。
「係都係我睇先啦！」阿奈一手搶走張餐牌。
「拎返黎！」阿龍又搶返。
佢兩個而家就好似小朋友搶玩具咁，你一句我一句搶黎搶去。
「你家陣係咪唔比我呀！？」阿奈見搶唔到個牌，直頭企起身叉住條腰問佢。
「得，我投降…」哈，阿龍見到佢發晒脾氣個樣竟然會遷就佢喎。
「一早比我咪好囉，係要人出聲先得既。」
「比妳睇就睇啦，仲咁多野講…」
「咁家陣係咪唔講得丫！」
阿龍即刻收晒聲。唔知點解我覺得佢地之間好熟，其實佢地都係岩岩轉黎無幾耐姐，就算因為阿sam既關係而一早認識，都無理由熟到咁架。尤其係，阿龍出奇既遷就阿奈既態度，一d都唔似識左咁短時間囉。
「喂，你地識左好耐架啦？」我細細聲問阿奈。
「邊係姐，我同左阿sam一齊之後先識佢地咋嘛。」而家阿奈對呢d問題回答得愈黎愈純熟。
「硬係覺得你地有野呃住我。」
「痴線，無啦啦做咩要呃妳？食飯啦，咪理咁多。」
我地幾個連埋阿逸，大家都有講有笑玩得好開心。梗係啦，阿逸同阿sam佢地都係同一類人黎既，一係唔出聲，一出聲就串到死。反而阿鋒同阿柔兩個，全程都無乜點出過聲。
一路食飯一路就有d女走埋黎，鬼咩，邊個叫我地張檯坐住四件又型又靚既仔呢？d女入到黎見到佢地就好似發左癲咁，我好無奈囉。
「妳地走啦，好煩呀！」阿龍比幾條女拉住。
「龍呀，你呢排去左邊姐？我地搵極都搵唔到你既？」其中一個女仔出聲問佢。
「咪煩啦，我要搵妳自然會搵啦，駛鬼妳地搵我咩。」
「你唔理我地啦？」另一個女仔又問。
「哎呀！死開啦！比我食埋餐飯先得唔得呀！？」
見到阿龍發脾氣，d女梗係走先啦，唔通仲留係度比人鬧咩。
阿sam比較好，有阿奈係度無女敢埋身。試下有條女埋黎痴住阿sam？我肯定以阿奈既性格初時都仲會啤住佢地死忍，但如果條女敢做多少少野，例如送波餅之類，佢一定會煎巴佢地。
阿鋒？佢望都無望過d女，靜靜地坐係度食野。又係既，阿柔係度佢都應該唔會同d女講野掛？當然啦，呢個之係我既諗法。
連阿逸呢個新黎既都有支持者，班女仔不停圍係佢身邊講野。
「喂，呢條仔幾靚仔幾型喎。佢新黎架？定係識得阿sam佢地？」
「我點知姐？唔好理咁多啦，佢仲好過阿龍，不如問佢拎電話啦？」
阿奈聽到條女講呢句即刻係度笑。
「龍仔聽唔聽到呀？唔係得我一個話阿逸好過你架！」
「乜呀？家陣我好差咩？！」
「唔係你差，係你矮！你好似唔似似阿鋒咁矮囉！」
「喂喂喂，無啦啦又燒埋黎我度？」阿鋒見大家傾得咁開心都出下聲回應。
「咪係囉，關佢咩事姐？何況佢都唔係好矮之嘛！」聽到阿奈話佢矮，我個心又好似有d唔抵得咁，於是出聲。
「妳幫住人做乜姐？佢係矮過阿sam呀！」
「挑！咁無得講啦！生咁高抹窗咩！？」我唔忿氣。
「高都好過矮呀！」
「佢好高架啦！起碼高過我同妳呀！」咁事實上我真係唔覺得佢矮喎…
「高過我同妳有春用咩！呢度咁多個男仔係佢最矮丫嘛！」
「妳…！無野啦！」佢講既都係事實，我算。
「人地條女都未出聲，妳出聲做咩姐？」
我打左個突，又係喎…人地條女係度都未出過聲，我無啦啦加把口做乜鬼？
「你叫咩名呀？」圍住係阿逸身邊既女，一見到我同阿奈停戰就行埋黎問阿逸。
而阿逸既反應就係啤一啤佢地，唔理唔理同唔理，繼續食飯。
女A + B + C同時係度叫：「嘩！佢好Cool好型呀！」
下…？唔係掛？Cool？！一d都唔覺囉…臭串咋掛？
「你叫咩名姐？比個電話我地啦。」
嘩…我終於見識到咩叫發姣發到出面啦。條女而家個樣擺明就寫住「我想媾你」幾隻大字囉。
「喂，人地媾你呀，你理下人啦。」我笑住同阿逸講。
「個個媾我既都要理下，我咪好唔得閒？」
「哎呀，咪煩啦！人地唔會show妳地架啦，死心吧啦。」阿奈比佢地嘈到心都煩埋。
「又關妳事？！」班女見阿奈出聲就反駁。
「而家妳地係度嘈生晒影響到我喎！咁妳話關唔關我事啦？！」
「收聲啦！成日痴住阿sam我都未同妳計呀！」呢條女，好大膽！竟然夠膽話阿奈痴住阿sam，佢一定係食左熊心豹子膽黎。
「我痴埋佢度！？妳無野呀？！」
「唔係妳痴住佢咩！以前我已經睇妳唔順眼架啦！成日同阿sam阿龍兩個係度嘈！而家又同左阿sam一齊，妳有咩資格呀！？」
如果我細心d既話，會發現條女其實透露左佢地係好耐之前已經識既，但係個刻因為人多關係，又嘈緊交，我當然無乜點留意到啦。
「仲有妳呀！成日痴住阿鋒妳估妳好威呀？而家阿鋒有女朋友妳又痴埋呢條仔度，博咩呀！？」另一個女仔無啦啦指住我黎鬧。
「下！？妳唔係話我呀？！」我見佢指住我，再聽埋佢講咩，差d就噴返口入面啖檸茶出黎。
「係話妳呀！姣婆！咁驚做咩呀？！」
「我無聽錯嘛？！我同佢識左一日都唔夠喎！妳話我成日痴住佢！？」我覺得佢講野真係幾莫名其妙囉。
「咪扮野啦妳！識左一日都唔夠？！以前我就見到妳痴住佢啦！」
「收聲啦！講完未呀？！一個二個同我走呀！」阿sam突然大發脾氣。
班女見到佢咁即刻收晒聲，梗係啦，怕左阿sam真係嬲喎。
「走唔走呀！仲企係度做乜！？」阿鋒見d女無反應，都開口鬧埋一份。
本女班女真係好聽佢地話咁諗住走，之不過我係唔會比佢地走得咁易既。
「喂！企係度呀！我問妳！我幾時成日痴住佢呀！？」我拍檯企起身指住岩岩鬧我條女。
「哎呀，妳比佢地走啦！無呀，妳無痴住佢啦！」阿奈拉住我。
「佢而家屈我喎！」
「係啦係啦，下次我同妳打巴佢，而家比佢地走啦。」
我坐返低。好，我算！今次我就忍妳！
班女終於走左，清醒晒。
「痴孖筋！我識佢一日都唔夠竟然話我痴住佢？！無病呀？！」
「唔好咁嬲啦，食野好無？」阿逸推左杯凍檸茶埋我面前。
阿奈見局勢穩定左，我又無再去追究，即刻就係阿sam耳邊細細聲講。
「嚇死我，差d穿煲。好彩你醒目出聲姐。」
「我再唔出聲容乜易穿架？」
「咁樣落去都唔係辦法，咁多人咁多事，佢遲早會記得返晒。」
「唯有拖得就拖啦，遲一日都好過早一日知。」