白賴仁 2007-2-16 16:19
今晚妳想食乜野???/
男：今晚妳想食乜野？
女：是旦啦！！你話事
男：食壽司好唔好？
女：天寒地凍仲食Ｄ凍冰冰野．．．
男：咁去打邊爐啦，天氣咁凍，打邊爐就最正
女：我前兩日先打過，成日打好熱氣．．．
男：咁去食泰國野或者韓國燒烤好唔好？？
女：都話左熱氣啦，仲要我食呢Ｄ野，你有冇心聽我講野架．．．
男：咁去POKKA好唔好？？ｏ個度Ｄ SET DINNER都幾好食（開始有Ｄ無奈）
女：POKKA好多人，唔想排隊
男：咁去"鋸排"好唔好？？
女：唔想食咁多肉，好肥架．．
男：冇人叫妳食晒件"排" ，或者妳叫碟意粉又或者其他野都得架
女：咁咪即係叫我睇住你"鋸排"，我唔食你都唔準食．．．
男：咁食台灣野好唔好？（有Ｄ火）
女：台灣野好多油，好肥架（撒嬌狀）
男：咁去食粥啦（已經開始"發悔氣"）
女：天氣咁凍，食粥唔飽肚
男：麥記"定 "家鄉雞．．．行啦（江良才盡"發悔氣"，明顯已經唔想諗）
女：都話熱氣落．．（委屈狀）
男：咁不如妳話事啦，我唔想諗啦．．．
女：我就係諗唔到食乜先叫你話事，你比Ｄ主見得唔得（發脾氣）
男：唔係話熱氣，就話肥，我真係諗唔到仲有乜可以食（爆發了）
女：咁係熱氣、係肥"呀嗎"．．我有講錯咩，自己諗唔到就亂發人脾氣（惡人先告狀)
男：咁去"味千"食拉麵好唔好（死狗狀）
女：唔．．都好，我要食咖哩拉麵／炸餃子仲要食雪糕（明顯係見好就收）
男 : (心諗) 你老味 ~神又你鬼又你~咖哩唔熱氣、炸餃唔熱氣、仲食雪糕凍死你!
`ＴeRｅSa* ＃酸 2007-2-16 17:29
刀吾知個女仔想點XDD...
hkccgirl 2007-2-20 09:07
wakaka~~諗食咩最好就男仔諗...唔使煩丫嗎???
樂欣 2007-2-22 15:34
個女友真係好 " 勁 " ...::q1::q1::q1
日暮籬 2007-2-22 15:41
果女仔咁嫁，打橫黎講，我係佢男朋友一早飛左佢，懶得再理佢。又話東唔好又話西唔好!佢自己揀啦!又話要人揀，人揀左又話東話西唔好，又話沒主見，其實最沒主見就係果個女仔，抵個男仔發脾氣。
anydnay~waiwai 2007-2-22 17:00
哇．．．玩人架~~::q7